Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊኢትዮጵያዊው የመንገደኞች ዕቃ መጫኛ ውስጥ ተደብቆ ስዊድን ገባ

    ኢትዮጵያዊው የመንገደኞች ዕቃ መጫኛ ውስጥ ተደብቆ ስዊድን ገባ

    ቀን:

    ከአዲስ አበባ ወደ ስዊድን ዋና ከተማ ስቶክሆልም ያመራ በነበረው የኢትዮጵያ አየር መንገድ አውሮፕላን የመንገደኞች ዕቃ መጫኛ ውስጥ የተደበቀው ኢትዮጵያዊ፣ ለስዊድን ፖሊስ ተላልፎ ተሰጠ፡፡ የስዊድን ሚዲያዎች እንዳሉት፣ ግለሰቡ ባለፈው ዓርብ ተደብቆ ስቶክሆልም የገባው ጥገኝነት ለመጠየቅ ነው፡፡

    ስሙ ያልተጠቀሰውና እ.ኤ.አ. በ1991 ኢትዮጵያ ውስጥ መወለዱ የተነገረለት ኢትዮጵያዊው፣ በስቶክሆልም አውሮፕላን ማረፊያ የመንገደኞችን ዕቃ የሚያራግፉ ሠራተኞች ሲያገኙት በመልካም ጤንነት ላይ ይገኝ ነበር፡፡ ከአዲስ አበባ ተነስቶ በሮም አድርጎ ወደ ስቶክሆልም ያመራው አውሮፕላን ረጅም በረራ ከማድረጉ አንፃር፣ የግለሰቡ በደህና ሁናቴ መገኘት አስገራሚ ሆኗል፡፡

    ግለሰቡ በአውሮፕላን ማረፊያው ውስጥ የጤንነት ምርመራ ከተደረገለት በኋላ ለፖሊስ ተላልፎ ከተሰጠ በኋላ የኢሚግሬሽን ባለሥልጣናት ምርመራ አካሂደውበታል ተብሏል፡፡ በጉዳዩ ላይ ከባለሥልጣናቱ ጋር ቃለ ምልልስ ያደረገው የስዊድን ሬዲዮ ጣቢያ፣ በስዊድን እንዲህ ዓይነቱ ክስተት አልፎ አልፎ ያጋጥማል ብሏል፡፡

    የስቶክሆልም አውሮፕላን ማረፊያ ቃል አቀባይ ሔንሪክ ክሌፍቭ፣ ‹‹ሠራተኞቻችን የመንገደኞችን ዕቃዎች ሊያራግፉ ሲገቡ ሰውየውን አግኝተውታል፡፡ በጥሩ ሁኔታ ላይ ይገኝ ነበር፡፡ ነገር ግን የጤና ባለሙያ እንዲያየው አድርገናል፤›› ብለዋል፡፡

    የስዊድን ፖሊስ ባልደረገባ አንድረስ ፌርዲግስ በበኩላቸው፣ ‹‹ግለሰቡ እንደነገረን ከሆነ አዲስ አበባ ቦሌ ዓለም አቀፍ ኤርፖርት ነው የሚሠራው፡፡ ስናገኘውም መታወቂያውን አንገቱ ላይ አንጠልጥሎት ነበር፤›› ብለዋል፡፡ በተጨማሪም፣ ‹‹ለዚህም ይመስለኛል ኤርፖርት ውስጥ በነፃነት መንቀሳቀስ በመቻሉ የአውሮፕላኑ ዕቃ መጫኛ ውስጥ መደበቅ የቻለው፤›› ሲሉ አስረድተዋል፡፡

    እንደ ፖሊስ ዕምነት ግለሰቡ በዕቃ መጫኛው ውስጥ እንስሳት የሚጓጓዙበት ሞቃታማ ቦታ በመቀመጡ ነው ረጂሙን ጉዞና ቀዝቃዛውን አየር ተቋቁሞ ስዊድን የደረሰው፡፡ ያ ባይሆን ኖሮ ጤንነቱ ለአደጋ ይጋለጥ እንደነበር የፖሊስ ቃል አቀባይ የሆኑት ስቴፈን ፌርዲግስ ለአዥንስ ፍራንስፕሬስ ተናግረዋል፡፡

    የኢትዮጵያ አየር መንገድ ስለጉዳዩ ከሪፖርተር ለቀረበለት ጥያቄ በሰጠው ምላሽ፣ የግለሰቡን ተደብቆ መሄድ አምኖ ይኼ እንዴት ሊከሰት እንደቻለ በመመርመር ላይ መሆኑን አስታውቋል፡፡

    እንደ ስዊድን ሚዲያዎች ዘገባ እ.ኤ.አ. በ2015 በሰባት ወራት የኢትዮጵያውያን ጥገኝነት ጠያቂዎች ቁጥር በጣም ጨምሯል፡፡ እ.ኤ.አ. በ2014 ከነበረው ተመሳሳይ ወቅት ጋር ሲነፃፀር የ140 ፐርሰንት ልዩነት አሳይቷል፡፡ በአኃዝ ግን መጠኑ አልተገለጸም፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...