Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊለቀጣዩ ምርት ዘመን አንድ ሚሊዮን ሜትሪክ ቶን ማዳበሪያ ያስፈልጋል

    ለቀጣዩ ምርት ዘመን አንድ ሚሊዮን ሜትሪክ ቶን ማዳበሪያ ያስፈልጋል

    ቀን:

    ግብርና ሚኒስቴር ለሚቀጥለው ምርት ዘመን አንድ ሚሊዮን ሜትሪክ ቶን ማዳበሪያ ያስፈልጋል አለ፡፡ ማዳበሪያውን የመግዛት ኃላፊነት የተሰጠው የግብርና ግብዓት አቅራቢ ኢንተርፕራይዝ፣ 600 ሺሕ ሜትሪክ ቶን ማዳበሪያ ለመግዛት ጨረታ አውጥቷል፡፡

    ግብርና ሚኒስቴር ባካሄደው ቅኝትና የክልሎችን ፍላጎት በመተንተን ለምርት ዘመኑ አንድ ሚሊዮን ሜትሪክ ቶን ማዳበሪያ ያስፈልጋል በማለት፣ በሥሩ ለሚኘው የግብርና ግብዓት አቅራቢ ኢንተርፕራይዝ ግዢ እንዲፈጽም መመርያ መስጠቱን ምንጮች አመልክተዋል፡፡

    በዚህ መሠረት ኢንተርፕራይዙ ባለፈው ዓርብ ነሐሴ 15 ቀን 2007 ዓ.ም. 600 ሺሕ ሜትሪክ ቶን ማዳበሪያ ግዢ ለመፈጸም የመጀመርያውን ጨረታ አውጥቷል፡፡ በወጣው ጨረታ 200 ሺሕ ሜትሪክ ቶን ዩሪያ ማዳበሪያ፣ የተቀረው 400 ሺሕ ሜትሪክ ቶን ኤንፒኤስ ማዳበሪያ ነው የሚፈለገው፡፡

    የጨረታ ሰነዱ ሽያጭ የተጀመረ ሲሆን፣ ጨረታው መስከረም 5 ቀን 2008 ዓ.ም. እንደሚከፈት በጨረታው ላይ ተገልጿል፡፡ ይህ የማዳበሪያ መጠን ግብርና ሚኒስቴር በ2007 ምርት ዘመን ያስፈልጋል ካለው ጋር ሲነፃፀር በአሥር በመቶ ብልጫ አለው፡፡ በ2006 ምርት ዘመን ግዢ የተፈጸመው 600 ሺሕ ሜትሪክ ቶን ነው፡፡ በ2008 ዓ.ም. እንዲገዛ የተወሰነው ደግሞ በ400 ሺሕ ሜትሪክ ቶን ብልጫ አለው፡፡

    ኤንፒኤስ ማዳበሪያ የኢትዮጵያን ግብርና ከተቀላቀለ ሁለት ዓመታት ተቆጥረዋል፡፡ የግብርና ሚኒስቴር ከዚህ ቀደም በሰጠው ማብራሪያ ኤንፒኤስ ‹‹ሰልፈር አዘል ዳፕ›› ወይም ‹‹እሴት የተጨመረበት ዳፕ›› ነው፡፡ ኤንፒኤስ በኢትዮጵያ ግብርና ዘርፍ ከሚታወቀው ዳፕ የሚለየው፣ ተጨማሪ ሰልፈርና ለሰብሎች ዕድገት ጠቃሚ የሆነ ንጥረ ነገር ስለያዘ መሆኑን ሚኒስቴሩ ገልጿል፡፡

    ወደ አገር ውስጥ የሚገቡት ማዳበሪያዎች የአገሪቱ የግብርና አካባቢዎች የሚፈልጓቸውን ንጥረ ነገሮች በብቃት እንዲይዙ የሚያደርጉ አምስት ፋብሪካዎች መቋቋማቸው ይታወሳል፡፡

    ወደ አገር ተገዝተው የሚገቡ ማዳበሪያዎች የተቋቋሙት ፋብሪካዎች ገብተው ምጥን ማዳበሪያዎችን ለማዘጋጀት ጥቅም ላይ ይውላሉ፡፡ የሚገዙት ማዳበሪያዎችም ፖታሽየም ክሎራይድ፣ ዚንክ፣ ሰልፌትና ቦራክስ የተባሉ ንጥረ ነገሮችን የያዙ ናቸው፡፡

    ግብርና ሚኒስቴር ማዳበሪያዎችን መቀየር ያስፈለገበትን ምክንያት ሲያብራራ፣ ለሦስት ዓመታት ከ40 ሺሕ ባላነሱ የአርሶ አደር ማሳዎችና ማሠልጠኛ ማዕከላት ውስጥ በተከናወኑ ሠርቶ ማሳያዎች፣ እንዲሁም በአፈር ምርምር በተገኙ ውጤቶች ላይ በመመርኮዝ ነው፡፡

    ሰልፈር አዘል ዳፕ ወይም ኤንፒኤስ በሒደት ዳፕ ማዳበሪያን እየተካ የሚሄድ፣ በምርታማነቱም ከፍተኛ ውጤት የተመዘገበበት መሆኑንና በአርሶ አደሮች የተመረጠ፣ በዋጋም ከዳፕ ማዳበሪያ የሚያንስ ነው በማለት ሚኒስቴሩ የማዳበሪያ ለውጥ የተደረገባቸውን ምክንያቶች አስረድቷል፡፡

    የሁለተኛው ማዳበሪያ ግዢ ጨረታም ከጥቂት ሳምንታት በኋላ እንደሚወጣ፣ ከግብርና ግብዓት አቅራቢ ኢንተርፕራይዝ የተገኘው መረጃ ያመለክታል፡፡  

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...