Tuesday, August 16, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [ክቡር ሚኒስትሩ ከሚስታቸው ጋር ስለትንሹ ልጃቸው ጉዳይ እየተወያዩ ነው]

    • ሰማህ አይደል ጉድህን?
    • የምን ጉድ ነው?
    • የትንሹ ልጅህን ጉድ ነዋ፡፡
    • ደሞ የምን ጉድ ነው?
    • ጀምሮልሃል፡፡
    • ምን? ትምህርት?
    • ሱስ ይዞታል፡፡
    • የምን ሱስ?
    • የምን ሱስ እንድልህ ነው የምትጠብቀኝ?
    • የአብዮታዊ ዴሞክራሲ?
    • እሱ ይሻለው ነበር፡፡
    • ታዲያ የምን ሱስ ነው የያዘው?
    • የሲጋራ፡፡
    • ምን?
    • ይኸውልህ ክፍሉ ያገኘሁት የሮዝማን ፓኬት፡፡
    • ጭራሽ ሮዝማን ነው የሚያጨሰው?
    • ምን እንዲያጨስ ፈልገህ ነበር?
    • እኛ ሌት ተቀን ኢምፖርት ሰብስቲትዩሽን ላይ እየሠራን፡፡
    • ምንድን ነው የምትቀባጥረው?
    • የአገር ውስጥ ሲጋራ እያለ የውጭ ሲጋራ?
    • ትቀልዳለህ ልበል?
    • እሱ ነው እንጂ እየቀለደ ያለው፡፡
    • ኧረ ሰውዬ ሰው ጉድ እንዳይልህ?
    • እሱን ነው እንጂ ጉድ የሚለው እኔማ ምን አደረኩ?
    • ሌላ ልጨምርልህ?
    • ጨምሪልኝ፡፡
    • ጫትም ጀምሮልሃል፡፡
    • አይደረግም?
    • ተደርጓል ስልህ፡፡
    • ልጁ ምን ነክቶታል?
    • እስቲ አንተ ጠይቀው፡፡
    • አገሪቷን የውጭ ምንዛሪ እያሳጣልኝ ነዋ?
    • አልገባኝም፡፡
    • ኤክስፖርት የሚደረግ ምርትን እዚሁ አገር ውስጥ እየተጠቀመበት ነው እኮ?
    • ጤነኛ ነህ ግን?
    • ጤነኛ ያልሆነውማ እሱ እኮ ነው፡፡
    • ምንድን ነው የምትዘባርቀው?
    • ልጁ ለአገር ማሰብ አቁሟል ማለት ነው?
    • አንተ ደግሞ ለልጅህ ማሰብ አቁመሃል ማለት ነው፡፡
    • ለአገሬ ካሰብኩ እኮ ለልጄም አሰብኩ ማለት ነው፡፡
    • ለዛ ነዋ የምትቦጠቡጣት?
    • ታዲያ በአንዴ በልቼ ልጨርሳት?
    • ለማንኛውም ውጤቱን ተመልከተው፡፡
    • የምን ውጤት ነው?
    • የክረምት ትምህርቱ ፈተና ነው፡፡
    • ስንት ነው ያመጣው?
    • ዘጠኝ ከሃምሳ፡፡
    • አይደረግም?
    • ተደርጐማ እያየኸው ነው፡፡
    • አገሪቱ በሁለት ዲጂት እያደገች የእኔው ጉድ ነጠላ አኃዝ ውጤት ያመጣል፡፡
    • እውነትም ጤና የለህም፡፡
    • በቃ ዛሬ ማታ መቀመጥ አለብን፡፡
    • ምንድን ነው የምንቀመጠው?
    • ግምገማ፡፡

     

    [ክቡር ሚኒስትሩ ከአማካሪያቸው ጋር እያወሩ ነው]

    • እንኳን ደስ አለዎት ክቡር ሚኒስትር፡፡
    • ለምኑ?
    • ለሹመቱ ነዋ፡፡
    • ተሾምኩ እንዴ?
    • ያው የሥራ አስፈጻሚው ውስጥ ገቡ አይደል እንዴ?
    • ታዲያ እሱ ሹመት ነው?
    • ለነገሩ ስጦታ ነው ብለው ነው?
    • ምን ማለት ፈልገህ ነው?
    • ያው በጣም ተገምግመው ስለነበሩ …
    • ይባረራሉ ብለህ አስበህ ነበር?
    • እህሳ፡፡
    • እና ለዛ ነው ስጦታ ነው ያልከኝ?
    • ትክክል ክቡር ሚኒስትር፡፡
    • እባክህ ይኼን ጨዋታ በሚገባ አውቀዋለሁ፡፡
    • የቱን ጨዋታ?
    • የግምገማ ጨዋታውን፡፡
    • ለነገሩ ከሃያ ዓመታት በላይ ተጫወቱት አይደል?
    • ስለዚህ ጨዋታውን ለእኛ ተወው፡፡
    • እኔ የምለው ተዋችሁት እንዴ?
    • ምኑን?
    • መተካካቱን፡፡
    • ለጥቂት እኮ ነው የተረፍኩት፡፡
    • እንዴት?
    • እኛን ቄስ እግዚአብሔር ዕድሜ ይስጣቸው፡፡
    • አልገባኝም?
    • ይህ መገፋፋት እንጂ መተካካት አይደለም ብለው እኮ ነው ስበው የመለሱኝ፡፡
    • እንጂ ተተክተው ነበር?
    • ለጥቂት ነው የተረፍኩት ስልህ፡፡
    • ለወጣቶቹ ግን ለምን አይለቁም?
    • ለቀን የት እንሂድ?
    • ኧረ ክቡር ሚኒስትር ይህ እንዴት ያስጨንቅዎታል?
    • እንዴት አያስጨንቀኝ?
    • ቢያንስ ጥሩ አባት መሆን ይችላሉ፡፡
    • ይኸው አሁንስ ቢሆን የዘጠና ሚሊዮን ሕዝብ አባት አይደለሁ እንዴ?
    • ለነገሩ ይኼ የሁላችሁም ፖለቲከኞች ችግር ነው፡፡
    • እንዴት?
    • ተቃዋሚዎቹም ቢሆኑስ ከጥቂቶቹ በስተቀር ሁሉም ሥልጣናቸውን መቼ መልቀቅ ይፈልጋሉ?
    • እኛ እስረኛ ከለቀቅን አይበቃንም እንዴ?
    • ብቻ ክቡር ሚኒስትር ይኼን መተካካት ያስቡበት፡፡
    • ይኸው አንተ ወጣት ሆነህ ከእኔ ጋር እየሠራህ አይደል እንዴ?
    • ወጣቱ ሥልጣን ላይ መውጣት አለበት፡፡
    • ሥልጣን ላይ ካልወጣ አገር ማገልገል አይችልም?
    • እናንተስ ከሥልጣን ወርዳችሁ አገር ማገልገል አትችሉም?
    • ይኼ መገፋፋት ነው፡፡
    • የለም መተካካት ነው፡፡

    [የክቡር ሚኒስትሩ ወዳጅ ባለሀብት ደወለላቸው]

    • በሰላም ጨረሳችሁ ክቡር ሚኒስትር?
    • የማያልቅ ነገር የለም ያው አለቀ፡፡
    • ሳይጨርሳችሁ መጨረሳችሁ መልካም ነው፡፡
    • እንዴት ማለት?
    • ያው አደገኛ ግምገማ መሆኑን ሰምቻለሁ፡፡
    • አደገኛ ብቻ? ዋናው መትረፋችን ነው፡፡
    • ግምገማ ብቻ ምንም ጥቅም የለውም፡፡
    • እንዴት ማለት?
    • ከፍተኛ ችግር ነዋ ያለው፡፡
    • የምን ችግር?
    • የመልካም አስተዳደር፣ የፍትሕ፣ የሙስና ኧረ ስንቱ፡፡
    • እኛም የተገማገምነው እሱ ላይ ነው፡፡
    • እርስዎም ክፉኛ እንደተገመገሙ ሰምቻለሁ፡፡
    • አዎን ተገምግሜያለሁ፡፡
    • እና ምን ወሰኑ?
    • ያው ለመለወጥ ወስኛለሁ፡፡
    • አይ ጥሩ ነው፡፡
    • ስለዚህ ከአንተ ጋርም ያለኝ ግንኙነት መቀነስ አለበት፡፡
    • ይሻላል?
    • ያው ለውጡ ከዚህ ነው የሚጀምረው፡፡
    • ያፅናልዎት፡፡
    • አሜን!

    [የክቡር ሚኒስትሩ ወዳጅ ሌላ ሚኒስትር ደወሉ]

    • ተረፉ ክቡር ሚኒስትር?
    • ከምኑ?
    • ከመዓቱ፡፡
    • ይኸው ቆሜ እሄዳለሁ፡፡
    • ቀጣዩስ ምንድን ነው?
    • ሹመት ነዋ፡፡
    • ሽረቱንም መጠበቅ ጥሩ ይመስለኛል፡፡
    • የሰማኸው ነገር አለ እንዴ?
    • የሚወራውማ ብዙ ነው፡፡
    • እኮ ምን ሰማህ?
    • ሊቀየሩ ይችላሉ?
    • ወዴት?
    • ወደ ሌላ መሥሪያ ቤት፡፡
    • ለምን?
    • ያው በግምገማው ምክንያት ነዋ፡፡
    • ይኼማ ሊደረግ አይችልም፡፡
    • ለምን?
    • የመሥሪያ ቤቱ ራዕይስ?
    • የሚመጣው ሰው ያስቀጥለዋላ፡፡
    • በሕይወት እያለሁ ሌላ ሰው ሊያስቀጥለው?
    • ምን ችግር አለው?
    • ራዕዩንማ እኔ ነኝ ማስቀጠል ያለብኝ፡፡
    • ተፈርቶ እኮ ነው፡፡
    • ምንድን ነው የተፈራው?
    • ራዕዩን እንዳያቋርጡት፡፡
    • ሂሴን ዋጥኩ አይደል እንዴ ከዚህ በላይ ምንድን ነው የምትፈልጉት?
    • ሂስዎትን እንዲያወራርዱት ነዋ፡፡
    • በምንድን ነው የማወራርደው?
    • ከሥልጣን በመውረድ ነዋ፡፡
    • ኧረ ይቀየርልኝ፡፡
    • በምን?
    • በውኃ እንዳወራርደው፡፡
    • ሳይዋረዱ መውረድ ነው የሚሻለው እባክዎት፡፡
    • ከየት?
    • ከሥልጣን!

    [ክቡር ሚኒስትሩ ቤት ሲገቡ ልጃቸውን መገምገም ጀመሩ]

    • ምንድን ነው የምሰማው?
    • ምን ሰማህ አባዬ?  
    • ሱስ ይዞሃል አሉ፡፡
    • የምን ሱስ?
    • የአብዮታዊ ዴሞክራሲ አልልህ የሲጋራ ነዋ፡፡
    • እ…
    • ብለህ ብለህ የአገር ውስጥ እያለልህ የውጭ ሲጋራ?
    • ምን?
    • በዛ ላይ የኒዮሊብራሎቹን ሲጋራ ታጨስልኛለህ?
    • ምንድን ነው የምታወራው አባዬ?
    • ኢምፖርት ሰብስቲትዩሽን ላይ እየደከምን ጉድ ትሠራን?
    • ኧረ አልገባኝም?
    • ከዚያም አልፎ ኤክስፖርት የሚደረግ ምርት ለአገር ውስጥ ፍጆታ እያዋልክልኝ ነው?
    • የምን ኤክስፖርት የሚደረግ ምርት ነው?
    • ጫት ነዋ፡፡
    • እ…
    • ይህ አልበቃ ብሎህ የነጠላ አኃዝ ውጤት ማስመዝገብ ጨምረሃል፡፡
    • የምን ነጠላ አኃዝ ነው?
    • በፈተና ያመጣኸው ውጤት ነው፡፡
    • ከብዶኝ ነዋ፡፡
    • ቢከብድህስ እንዴት ነጠላ አኃዝ ውጤት ታመጣለህ?
    • ምን ላድርግ ታዲያ?
    • ምን እየተደረግክ እንደሆነ ታውቃለህ?
    • አላውቅም፡፡
    • እየተገመገምክ ነው፡፡
    • በምን?
    • በኪራይ ሰብሳቢነት!
    • ልክ እንደ አንተ?

    በብዛት የተነበቡ ፅሁፎች

    ባንኮች እንዲዋሀዱ እስከ ማስገደድ ሊገባ እንደሚችል ብሔራዊ ባንክ ጠቆመ

    በአሁኑ ወቅት የባንኮች ቁጥር እየጨመረ መምጣቱ ችግር የሚሆንና የውጭ...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...

    አዲስ አበባ እንዳይገቡ በተከለከሉ ዜጎች ጉዳይ የኦሮሚያና አማራ ክልሎች ተወያይተው ችግሩ እንዲፈታ አደረጉ

    ለሳምንታት በርካታ ቅሬታ ሲነሳበት የነበረውና ከአማራ ክልል በደብረ ብርሃን...
    - Advertisment -

    ትኩስ ፅሁፎች

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...
    spot_img

    ተዛማጅ ፅሁፎች

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ...

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው። ክቡር ሚኒስትር... እሺ ...ቀጥል አመሰግናለሁ ክቡር ሚኒስትር። መደበኛ አጀንዳው እንደተጠበቀ...