Thursday, August 18, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [የክቡር ሚኒስትሩ ጸሐፊ ቢሯቸው ገባች]

    • እንኳን አደረስዎት ክቡር ሚኒስትር፡፡
    • ለምኑ?
    • ለዘመን መለወጫው ነዋ፡፡
    • አንቺ ኪራይ ሰብሳቢ ሆነሻል ልበል?
    • የምን ኪራይ ስብሰባ አመጡ?
    • ዘመኑ ለምን ሲባል ነው የሚለወጠው?
    • መለወጥ ስላለበት ነዋ፡፡
    • ዘመኑማ አይለወጥም፡፡
    • ለምን አይለወጥም?
    • ዘመኑ የእኛ ነው፤ አይለወጥም አልኩሽ፡፡
    • ኧረ እኔ እንደሱ ማለቴ አይደለም፡፡
    • ታዲያ ምን ማለትሽ ነው?
    • እኔ ለአዲሱ ዓመት እንኳን አደረሰዎት ለማለት ፈልጌ ነው፡፡
    • ገና አይደለን እንዴ?
    • እሱማ ገና ነን ግን የእርስዎ ስጦታዎች አስታውሰውኝ ነው፡፡
    • ምኑን ነው ያስታወሱሽ?
    • አዲሱን ዓመት ነዋ፡፡
    • የምን ስጦታ ነው?
    • የአዲስ ዓመት ስጦታው እኮ እየጐረፈልዎት ነው፡፡
    • ምን መጥቶልኝ ነው?
    • ይኸው የፖስት ካርድና የካላንደር መዓት እየጎረፈ ነው፡፡
    • ያ ነው ስጦታው?
    • እንዴ ክቡር ሚኒስትር ስጦታ አይናቅም፡፡
    • በይ እኔ የማስቀምጥበትም ቦታ ስለሌለኝ ለሠራተኛው አከፋፍይልኝ፡፡
    • ምኑን?
    • ስጦታውን፡፡
    • ሁሉንም?
    • አዎን አልኩሽ፡፡
    • ክቡር ሚኒስትር ተለውጠዋል ልበል?
    • ታዲያ ዘመኑ ብቻ ነው የሚለወጠው?
    • እና የመጡትን ኬኮች፣ መጠጦችንም ለሠራተኛው ላከፋፍለው?
    • እሱን ማን አለሽ?
    • ታዲያ ምኑን ነው ያሉኝ?
    • የኪራይ ሰብሳቢዎቹን ስጦታ ነው ያልኩሽ፡፡
    • የትኛው ነው የኪራይ ሰብሳቢዎቹ ስጦታ?
    • ይኼ ፖስት ካርድና ካላንደር ነዋ፡፡
    • ሌላውንስ?
    • ሌላውንማ በአስቸኳይ ወደ ቤቴ ላኪልኝ፡፡
    • የተለወጡ መስሎኝ?
    • ዘመኑ ከተለወጠ ይበቃል፡፡
    • ይህን ሁሉ ኬክ ወደ ቤት ልላከው?
    • ስንት ኬክ መጥቶ ነው?
    • እስካሁን አሥር መጥቷል፡፡
    • አዎ ሁሉንም ላኪው፡፡
    • ኬክ ቤት ሊከፍቱ ነው እንዴ?
    • ያልተጠየቅሽውን ለምን ታወሪያለሽ?
    • ትንሽ ቢያካፍሉን ብዬ እኮ ነው?
    • እኔ ማካፈል አልወድም፡፡
    • ምንድነው የሚወዱት?
    • መደመርና ማባዛት፡፡
    • ካላካፈሉ ግን ኋላ ላይ መቀነስዎት አይቀርም፡፡
    • ማን ነው ያለው?
    • መርሁ እንደዚያ ነው፡፡
    • ቀስ ብለሽ ሥልጣንህንም አካፍል ልትይኝ ነው?
    • መጨመር ከፈለጉ ማካፈል አለብዎት፡፡
    • ከሥልጣኔ ማካፈል የምፈልገው ጭንቀቴን ብቻ ነው፡፡
    • እንግዲያውስ የሚበዛልዎትም እሱ ይሆናል፡፡
    • ምኑ?
    • ጭንቀቱ፡፡

     

    [የክቡር ሚኒስትሩ ጓደኛ ሚኒስትር ደወለላቸው] 

    • እንኳን አደረስዎት ክቡር ሚኒስትር፡፡
    • እንኳን አደረሰህ፡፡
    • የበዓሉ ዋዜማ እንዴት ነው?
    • እኔ ጋ በዓሉ ከአሁኑ እየደመቀ ነው፡፡
    • እንዴት?
    • ይኸው የአገር ስጦታ እየጐረፈልኝ ነው፡፡
    • የምን ስጦታ?
    • የበዓሉ ነዋ፡፡
    • እኮ ምን መጣልዎት?
    • እስካሁን እንኳን አሥር ኬክ መጥቷል፡፡
    • ሌላስ?
    • መጠጦችም ብትል ቢሮዬን ሞልተውታል፡፡
    • ሌላስ?
    • በጐችስ ብትል፡፡
    • ለዚያ ነው የበግ ድምፅ የሚሰማኝ?
    • አምስት ሙክቶች የመሥሪያ ቤቴ ግቢ ውስጥ ቆመዋል፡፡
    • መሥሪያ ቤት መሆኑ ቀርቷላ፡፡
    • ታዲያ ምንድነው?
    • የበጐች ጉሮኖ ሆኗላ፡፡
    • ቀልደኛ ሆነሃል ልበል?
    • እርስዎ ነዎት እንጂ ቀልደኛ፡፡
    • እንዴት?
    • ትንሽ እግዚአብሔርን እንኳን አይፈሩም?
    • ምን አልከኝ?
    • ሌላው ቢቀር ግምገማውን አይፈሩም፡፡
    • የምን ግምገማ? አለቀ አይደል እንዴ?
    • ክቡር ሚኒስትር ምን ያህል እንደተገመገሙ ያውቃሉ አይደል እንዴ?
    • ግምገማውማ ከባድ ነው፡፡
    • ታዲያ ተመልሰው እዚያው?
    • ወድጄ አይደለም፡፡
    • ማን አስገደድዎት?
    • ግምገማ ራሱ፡፡
    • እንዴት?
    • ግምገማው በጣም ጐድቶኛል፡፡
    • እና?
    • ማገገም ያስፈልገኛል፡፡
    • በምን?
    • በእነዚህ ስጦታዎች፡፡
    • ክቡር ሚኒስትር ብቻ ይጠንቀቁ፡፡
    • ከምን?
    • ሳያገግሙ ዳግም እንዳይገመገሙ፡፡

    [የክቡር ሚኒስትሩ ወዳጅ ዳያስፖራ ደወለላቸው] 

    • እንኳን አደረስዎት ክቡር ሚኒስትር፡፡
    • እንኳን አደረሰህ ወዳጄ፡፡
    • እንዴት ነው በዓሉ?
    • ይኸው እዚህ ሞቅ ሞቅ እያለ ነው አንተስ ጋ እንዴት ነው?
    • እዚህ እኛ ጋ ሥራ ነው፡፡
    • ዕረፍት አትወጣም እንዴ? አንተ እኮ ሀብታም ነህ?
    • ክቡር ሚኒስትር ዝም ብሎ እኮ ሀብታም አይኮንም፡፡
    • እንዴት?
    • ያለዕረፍት ስለምንሠራ ነው ሀብታም የሆነው፡፡
    • እኛም እኮ ይኼን ባህል ለማምጣት ነው እየሠራን ያለነው፡፡
    • አገር ቤትማ ብዙ በዓላት ናቸው ያሉት፡፡
    • ተው ተው የሕዝቡን ሃይማኖት መንካት አይፈቀድም፡፡
    • ኧረ እኔ መቼ እሱን ወጣኝ?
    • ታዲያ የምን በዓል ነው የምትለው?
    • የመንግሥት በዓል ነዋ፡፡
    • መንግሥት ይሠራል እንጂ በዓል አያከብርም፡፡
    • እንዴ ክቡር ሚኒስትር አንዴ የባንዲራ፣ አንዴ የብሔር ብሔረሰብ፣ አንዴ የፍትሕ እያላችሁ ስታከብሩ አይደል እንዴ የምውትሉት?
    • እ…
    • እንደ እኔ እንደ እኔ ግን የፍትሕን ቀን ከማክበር ፍትሕን ማስፈን ይሻላል፡፡
    • እሱማ ልክ ነው፡፡
    • ለማንኛውም ዛሬ የደወልኩት ለሌላ ጉዳይ ነው፡፡
    • ለምንድነው?
    • የበዓል ስጦታ ለመላክ፡፡
    • የአንተን ውለታ በምን እንደምከፍለው አላውቅም፡፡
    • አያስቡ ክቡር ሚኒስትር፡፡
    • ምን ላክልኝ ታዲያ?
    • የዚህን ዓመት የልጅዎን ትምህርት ቤት ክፍያ እኔ ነኝ የምከፍለው፡፡
    • አይበዛብህም?
    • ለእርስዎ ይኼ ሲያንስብዎት ነው፡፡
    • እንዲያው አሁን አሁን እኮ እየፈራን መጣን፡፡
    • ምንድነው የሚፈሩት?
    • አሁን ይኼንንም ሙስና ይሉታል፡፡
    • ይኼማ ሙስና አይደለም፡፡
    • ታዲያ ምንድነው?
    • የዓመት በዓል ስጦታ፡፡
    • ታዲያ እኔስ ምን የዓመት በዓል ስጦታ ልስጥህ?
    • ክቡር ሚኒስትር እርስዎማ ብዙ የሚሰጡኝ ነገር አለ፡፡
    • እኮ ንገረኛ?
    • ያው ፕሮጀክቴን በዚህ በአዲሱ ዓመት ልጀምረው አስቤያለሁ፡፡
    • ምን ላድርግ ታዲያ?
    • ያው የመሬቱን ነገር ያስቡበት?
    • እሱ በአንድ ስልክ የሚያልቅ ነገር ነው፡፡
    • ማሽኖቹም በቅርቡ ይገባሉ፡፡
    • ታዲያ ምን ያስፈልጋል?
    • ያው የታክሱን ጉዳይ ብዬ ነው፡፡
    • አንተ እኮ የልማት አጋር ነህ፡፡
    • አመሰግናለሁ ክቡር ሚኒስትር፡፡

    [ክቡር ሚኒስትሩ ከሾፌራቸው ጋር ወደ ቤት እየሄዱ ነው]  

    • ሁሉንም ስጦታዎች ቤት አደረስካቸው?
    • አዎን ክቡር ሚኒስትር፡፡
    • ምን ምንድነው ያደረስከው?
    • አሥር ኬክ፣ አምስት በግና በርካታ መጠጦች፡፡
    • ለመሆኑ በዓል እንዴት ነው?
    • የምን በዓል?
    • አዲስ ዓመት ነዋ፡፡
    • እኔ እኮ በዓል ማክበር ካቆምኩ ቆየሁ፡፡
    • ለምን? ፈረንጅ ነህ እንዴ?
    • ይኼ ኑሮ ውድነት አይደለም ፈረንጅ ገና ሌላ ነገር ያደርገኛል፡፡
    • እና አታከብርም?
    • ክቡር ሚኒስትር በዓል ማክበር ትቼ ሰዎችን ማክበር ጀምሬያለሁ፡፡
    • ለነገሩ ሰው ማክበር ጥሩ ነው፡፡
    • ቤት ድግስ አለብዎት እንዴ?
    • የለብኝም፤ ምነው ጠየቅከኝ?
    • አይ ያ ሁሉ በግ፣ ኬክና መጠጥ ብዬ ነው፡፡
    • ለበዓል ነው፡፡
    • ይህ ሁሉ ለበዓል?
    • ወዳጆቼ ስጦታ ሰጥተውኝ ነው፡፡
    • እኔ ግን የሁለቱ ልዩነት አይገባኝም፡፡
    • የምንና የምን?
    • የስጦታና የሙስና!

    [ክቡር ሚኒስትሩ ቤት ገብተው ከሚስታቸው ጋር ማውራት ጀመሩ] 

    • የበዓል ዝግጅቱ እንግዲህ ከወዲሁ ይጀመር፡፡
    • ይኼ ሁሉ በግ ምንድነው?
    • ስጦታ ተሰጥቶኝ ነው፡፡
    • የምን ስጦታ?
    • የበዓል ነዋ፡፡
    • ታዲያ ምን ልናደርገው ነው?
    • አንዱን በግ ለቀይ ወጥ ሌላውን ላልጫ እያልሽ ሁሉንም ሥሪልኝ፡፡
    • አንተ ግን ይበላልሃል?
    • ለምን አይበላልኝም?
    • የሙስና በግ ነዋ፡፡
    • አትሳሳቺ የስጦታ በግ ነው፡፡
    • ለመሆኑ አንድ ለአምስት አደረጃጀቱን በዚህም ተገበራችሁት ማለት ነው?
    • በምኑ?
    • አምስት በግ…
    • እ…
    • ለአንድ ባለሥልጣን!
    • ወሬ አለብሽ፡፡
    • ሰው በአዲስ ዓመት ይለወጣል አንተ ግን እዚያው፡፡
    • ተለውጬ አይደል እንዴ ስጦታ ይዤ የመጣሁት?
    • ለነገሩ ተለውጠሃል፡፡
    • እኮ ምኔ ነው የተለወጠው?
    • የሙስና ሥልትህ!  

    በብዛት የተነበቡ ፅሁፎች

    አዲስ አበባና ኦሮሚያ ወሰን ለማካለል ተስማሙ

    ኮዬ ፈጬ፣ ቱሉዲምቱ፣ ጀሞ ቁጥር 2 ወደ ኦሮሚያ ለቡ፣ ፉሪና...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    በፌዴራል መንግሥትና በሕወሓት መካከል የተጀመረው የድርድር ሒደት አሳታፊ እንዲሆን ተጠየቀ

    የኢትዮጵያ ሲቪል ማኅበረሰብ ድርጅቶች ምክር ቤት፣  በፌዴራል መንግሥትና በሕወሓት...

    ባንኮች እንዲዋሀዱ እስከ ማስገደድ ሊገባ እንደሚችል ብሔራዊ ባንክ ጠቆመ

    በአሁኑ ወቅት የባንኮች ቁጥር እየጨመረ መምጣቱ ችግር የሚሆንና የውጭ...
    - Advertisment -

    ትኩስ ፅሁፎች

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...
    spot_img

    ተዛማጅ ፅሁፎች

    [ክቡር ሚኒስትሩ ወዳጃቸው ከሆነ አንድ የተቃዋሚ ፓርቲ አመራር ጋር ሻይ ቡና እያሉ በኬንያ ስለተካሄደው ፕሬዚዳንታዊ ምርጫ እየተጫወቱ ነው]

    ኬንያ በዚህ ደረጃ ዲሞክራሲያዊ ምርጫ ታደርጋለች ብዬ አላሰብኩም ነበር ክቡር ሚኒስትር። አዎ። ጥሩ ዝግጅት አድርገውበታል። ቢሆንም... ቢሆንም ምን ክቡር ሚኒስትር?  እባክህ ክቡር ሚኒስትር የምትለውን ነገር አቁም። ወዳጅ...

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...