Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊየአቃቂ መንገድና ድልድይ ግንባታ ላልተወሰነ ጊዜ ተራዘመ

    የአቃቂ መንገድና ድልድይ ግንባታ ላልተወሰነ ጊዜ ተራዘመ

    ቀን:

    በዚህ ዓመት መጀመሪያ ላይ ግንባታቸው ይጀመራሉ ተብለው ከሚጠበቁ ፕሮጀክቶች ውስጥ የአቃቂ ድልድይና ከቃሊቲ እስከ ቱሉ ዲምቱ የሚደርሰው መንገድ፣ በዲዛይን ክለሳና በተያያዥ ሥራዎች ምክንያት ላልተወሰነ ጊዜ መራዘሙን፣ የአዲስ አበባ ከተማ መንገዶች ባለሥልጣን አስታወቀ፡፡

    የባለሥልጣኑ ዋና ሥራ አስኪያጅ ኢንጂነር ፍቃዱ ኃይሌ እንደገለጹት፣ ለበርካታ ዓመታት አገልግሎት ሲሰጥ የቆየውን የአቃቂ ድልድይ ዲዛይን ቱሉ ዲምቱ አካባቢ ከሚገናኘው መንገድ ጋር ማጣጣም ያስፈልጋል፡፡ የድልድዩ ዲዛይን ቀድሞ መጠናቀቅ ስለሚገባው ለመንገዱ ግንባታ ተጨማሪ ጊዜ አስፈልጓል ብለዋል፡፡

    ከቃሊቲ እስከ ቱሉ ዲምቱ የሚያመራው ከፍተኛ የትራፊክ ፍሰት የሚበዛበት መንገድም በዚህ ዓመት መጀመሪያ ወራት እንደሚገነባ ቢጠበቅም፣ ገና ውሳኔ አለማግኘቱን ጨምረው አስረድተዋል፡፡

    ‹‹በተለይ የአቃቂው ድልድይ በ50 ሜትር ርዝመት እንዲገነባ ተወስኖ የነበረ ቢሆንም፣ በ62 ሜትር መከለስ አለበት የሚል ሐሳብ ቀርቦም ነበር፡፡ ነገር ግን በድጋሚ በ50 ሜትር ርዝመት እንዲገነባ የተወሰነ በመሆኑ፣ ግንባታውን ለማስጀመር ቱሉ ዲምቱ የሚገኘው የማሳለጫ መንገድ ዲዛይን ማለቅ ስላለበት የግንባታው ጊዜ ዘግይቷል፤›› ሲሉ ኢንጂነር ፍቃዱ ለሪፖርተር ገልጸዋል፡፡

    በተጨማሪም ከሰበታ ሚኤሶ ድረስ የሚገነባው የባቡር መስመርም በዚሁ ድልድይ የሚያልፍ በመሆኑ፣ ለመንገዱ ግንባታ መዘግየት ሌላኛው ምክንያት መሆኑንም አክለዋል፡፡

    ለድልድዩም ሆነ ለመንገዱ ግንባታ የሚያስፈልገው የፋይናንስ ምንጭም እስካሁን በመንግሥት ያልተወሰነ መሆኑን፣ ከአገር ውስጥ በጀት ወይም ከውጭ በሚገኝ ብድር ይሁን የሚለው ጉዳይ አለመወሰኑን ገልጸዋል፡፡ ነገር ግን በአገር ውስጥ ፋይናንስ እንዲሆን የሚወሰን ከሆነ ግን ባለሥልጣኑ በአፋጣኝ ወደ ግንባታ እንደሚገባ ጨምረው አስረድተዋል፡፡

    የቃሊቲ ቱሉ ዲምቱ መንገድ ከፍተኛ ተሽከርካሪ የሚመላለስበት በመሆኑ፣ ግንባታው በማንኛውም ጊዜ ቢጀመር እንኳ ከቀለበት መንገዱ ውጭ እየተገነባ ያለውና በከፊል አገልግሎት መስጠት የጀመረው መንገድ የትራንስፖርቱን አገልግሎት እንዳይስተጓጎል ይረዳዋል ብለው እንደሚያምኑ፣ ዋና ሥራ አስኪያጁ ገልጸዋል፡፡

    ለድልድዩም ሆነ ለመንገዱ ግንባታ በርካታ ኮንትራክተሮች ፍላጎታቸውን ከአሁኑ እያሳዩ እንደሆነ የገለጹት ዋና ሥራ አስኪያጁ፣ የመንገዱ አጠቃላይ ፕሮጀክት ምን ያህል በጀት እንደሚያስፈልገው አሁን ለመግለጽ ያስቸግራል ብለዋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...