Saturday, August 13, 2022
ሌሎች ዓምዶች
    - Advertisement -
    - Advertisement -
    ማኅበራዊየኤሌክትሪክ ኃይል መቆራረጥ ለማስቀረት የተጀመረው ፕሮጀክት ቅሬታ እየቀረበበት ነው

    የኤሌክትሪክ ኃይል መቆራረጥ ለማስቀረት የተጀመረው ፕሮጀክት ቅሬታ እየቀረበበት ነው

    ቀን:

    በአዲስ አበባ ከተማ እያጋጠመ የሚገኘውን የኤሌክትሪክ ኃይል መቆራረጥ በዘላቂነት ለመፍታት፣ በ162 ሚሊዮን ዶላር እየተካሄደ የሚገኘው ግዙፍ ፕሮጀክት ጫና በዝቶበታል፡፡ ፕሮጀክቱ የኤሌክትሪክ ኃይል እየተቋረጠ የሚከናወን በመሆኑ ከኅብረተሰቡ ከፍተኛ ቅሬታ እየቀረበበት ነው፡፡

    የአዲስ አበባ ከተማና በዙሪያው የሚገኙ አካባቢዎች ከ800 እስከ 1,000 ሜጋ ዋት የኤሌክትሪክ ኃይል የሚፈልጉ ቢሆንም፣ በኤሌክትሪክ ኃይል መስሮችና ማከፋፈያ ጣቢያዎች እርጅና ምክንያት ይኼንን ኃይል ማቅረብ ባለመቻሉ መንግሥት አዲስ ፕሮጀክት ጀምሯል፡፡

    በገንዘብና ኢኮኖሚ ትብብር ሚኒስቴርና በቻይና ኤምፖርት ኤክስፖርት (ኤግዚም) ባንክ መካከል የብድር ስምምነቱ ባለፈው ዓመት ግንቦት ወር ተፈርሞ፣ ሥራው ደግሞ ለቻይናው ፓወር ቻይና ኩባንያ ተሰጥቶ ወደ ሥራ ተገብቷል፡፡ ሥራው ግዙፍና ሙሉ አዲስ አበባን የሚያካልል በመሆኑ የኤሌክትሪክ ኃይል መቆራረጥ እየተፈጠረ ነው፡፡

    በኤሌክትሪክ ኃይል መቆራረጥ በዝቅተኛ ንግድ፣ በከፍተኛ ኢንቨስትመንት የተሰማሩ፣ እንዲሁም የኤሌክትሪክ ኃይል አቅርቦቱ በከፍተኛ ደረጃ ለውኃ አቅርቦት መስተጓጎልም ድርሻ ያለው በመሆኑ ከየአካባቢው ቅሬታ እየቀረበ ነው፡፡

    የኢትዮጵያ ኤሌክትሪክ አገልግሎት ዋና ሥራ አስፈጻሚ አቶ ጎሳዬ ተስፋዬ ለሪፖርተር እንዳስረዱት፣ ፕሮጀክቱ የኤሌክትሪክ ኃይል ሳይቋረጥ ሊከናወን አይችልም፡፡ በከተማው ሲከሰት የቆየውን የኤሌክትሪክ ኃይል መቆራረጥ በዘላቂነት ለመፍታት ፕሮጀክቱ የጎላ ድርሻ ያለው በመሆኑ፣ ኅብረተሰቡ በትዕግሥት እንዲጠባበቅ ጠይቀዋል፡፡

    ‹‹በተቻለ መጠን ፕሮጀክቱን በዚህ ዓመት መጨረሻ ለማጠናቀቅ እየሠራን ነው፡፡ ለፕሮጀክቱ መቃናት የሚመለከታቸው ባለድርሻ አካላት ትብብር ማድረግ ይኖርባቸዋል፤›› ሲሉ አቶ ጎሳዬ አስረድተዋል፡፡

    ይኼ ግዙፍ ፕሮጀክት የመካከለኛ ቮልቴጅ መስመር፣ የማከፋፈያ ዝቅተኛ መስመር፣ የማከፋፈያ ትራንስፎርመሮች መትከል፣ እንዲሁም የቁጥጥር ሥራዎችን ያካትታል፡፡

    አቶ ጎሳዬ እንደገለጹት፣ እስካሁን 416 ኪሎ ሜትር በመሬት ውስጥ፣ ከመሬት በላይ ደግሞ አንድ ሺሕ ኪሎ ሜትር መስመር ዝርጋታ ተካሂዷል፡፡

    በአጠቃላይ 30 ሺሕ የኮንክሪት ምሰሶዎች የተተከሉ ሲሆን፣ በመንገድ መስፋፋት ምክንያት 700 ምሰሶዎች መትከል እንዳልተቻለ አቶ ጎሳዬ ጠቁመዋል፡፡

    በቻይና መንግሥት 85 በመቶ ከኢትዮጵያ መንግሥት 15 በመቶ ወጪ ሆኖ በአጠቃላይ በ162 ሚሊዮን ዶላር በጀት እየተገነባ የሚገኘው ይኼ ፕሮጀክት፣ አሮጌውን በአዲስ የመተካት ግዙፍ ሥራ ነው፡፡ አሁን ያለውን ችግር በዘላቂነት የሚፈታ በመሆኑ ኅብረተሰቡ በትዕግሥት እንዲጠብቅ ተጠይቋል፡፡  

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የታላቁ የኢትዮጵያ ህዳሴ ግድብ ሁለተኛው ተርባይን ኃይል ማመንጨት ጀመረ

    ሦስተኛ ዙር ሙሌት በዛሬው ዕለት እንደሚጠናቀቅ ይጠበቃል የታላቁ የኢትዮጵያ ህዳሴ...

    የክላስተር አደረጃጀት ፖለቲካዊ ውዝግብ

    መንግሥት የደቡብ ብሔር ብሔረሰቦችና ሕዝቦች ክልል ይባል የነበረውን አደረጃጀት...

    በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

    በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...