Sunday, August 7, 2022
ሌሎች ዓምዶች
    - Advertisement -
    - Advertisement -
    ዜናበኮማንድ ፖስቱ ተይዘው የነበሩ የምሥራቅ ወለጋ ዞን አመራሮች ተለቀቁ

    በኮማንድ ፖስቱ ተይዘው የነበሩ የምሥራቅ ወለጋ ዞን አመራሮች ተለቀቁ

    ቀን:

    የአስቸኳይ ጊዜ አዋጁን ለማስፈጸም የተቋቋመው ኮማንድ ፖስት በቁጥጥር ሥር አውሏቸው የነበሩ ሁለት የምሥራቅ ወለጋ ዞን ከፍተኛ አመራሮች መለቀቃቸው ተሰማ፡፡

    ከ15 ቀናት በላይ በኮማንድ ፖስቱ የታሰሩት የዞኑ አመራሮች የተፈቱት ከአንድ ሳምንት በፊት መሆኑን፣ በአሁኑ ወቅትም ተረጋግተው ወደ ሥራቸው መመለሳቸውን የሪፖርተር ምንጮች አረጋግጠዋል፡፡

    በቁጥጥር ሥር ውለው የነበሩት አመራሮች በኦሮሚያ ክልል የምሥራቅ ወለጋ ዞን ምክትል አስተዳዳሪ አቶ ሀብታሙ ቦረና፣ እንዲሁም የነቀምት ከተማ ከንቲባ አቶ ካባ ሁንዴ መሆናቸውን ለማወቅ ተችሏል፡፡

    የአስቸኳይ ጊዜ አዋጁ በሚኒስትሮች ምክር ቤት የፀደቀው የካቲት 9 ቀን 2010 ዓ.ም. ሲሆን፣ ከአንድ ወር ዕረፍት ተበትኖ የነበረው የሕዝብ ተወካዮች ምክር ቤት በአስቸኳይ እንዲሰበሰብ ተጠርቶ የአስቸኳይ ጊዜ አዋጁን የካቲት 23 ቀን 2010 ዓ.ም. በአብላጫ ድምፅ ማፅደቁ ይታወሳል፡፡

    በዚህ የፓርላማ ስብሰባ ወቅት ኮማንድ ፖስቱ የምሥራቅ ወለጋ ዞን ከፍተኛ አመራሮችን በቁጥጥር ሥር ማዋሉንና ተገቢ ድርጊት አለመሆኑ በይፋ በመናገር፣ የአካባቢው የሕዝብ ተወካይ አቶ ወርዶፋ በቀለ ተከራክረው ነበር፡፡

    ኮማንድ ፖስቱ ከዞኑ የመንግሥት መዋቅር አመራሮች ጋር ባለመናበቡ ብዙ ችግር እየተከሰተ መሆኑንና በዚህ መንገድ ኅብረተሰቡ እምነት ሊጥልበት እንደማይችል ተናግረው ነበር፡፡ ጉዳዩን በተመለከተ ባላቸው የሕዝብ ውክልና መሠረት ለከፍተኛ የፌዴራል መንግሥት አመራሮችና ለአፈ ጉባዔ አባዱላ ገመዳም ማሳወቃቸውን በወቅቱ ጠቁመው ነበር፡፡

    ኮማንድ ፖስቱ ሁለቱን የምሥራቅ ወለጋ ዞን አመራሮች ከመፍታቱም በተጨማሪ፣ በርካታ ወጣቶችንም የተሃድሶ ትምህርት እየሰጠ መልቀቁ እየተገለጸ ነው፡፡ ይሁን እንጂ አሁንም በርካታ ወጣቶችና የመንግሥት መዋቅር አመራሮች በቁጥጥር ሥር እንደሚገኙ የአካባቢው ምንጮች ይገልጻሉ፡፡

    ለአብነትም የምሥራቅ ወለጋ ዞን ፖሊስ አዛዥ ኮማንደር ጫላ ተሰማ፣ የመቱ ከተማ ፖሊስ አዛዥ ኮማንደር ነገራ ዱፌራ በቁጥጥር ሥር እንደሚገኙ ምንጮች ጠቁመዋል፡፡

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...