Tuesday, August 16, 2022
ሌሎች ዓምዶች
    - Advertisement -
    - Advertisement -
    ማኅበራዊኢትዮጵያ ለተመድ የፀጥታው ምክር ቤት አባል ለመሆን ራሷን ዕጩ ልታደርግ ነው

    ኢትዮጵያ ለተመድ የፀጥታው ምክር ቤት አባል ለመሆን ራሷን ዕጩ ልታደርግ ነው

    ቀን:

    ኢትዮጵያ 15 አባል አገሮች ባሉበት ለተባበሩት መንግሥታት ድርጅት (ተመድ) የፀጥታው ምክር ቤት፣ ራሷን ዕጩ አድርጋ ለመቅረብ ፍላጎት ማሳየቷንና ዝግጅት እያደገች መሆኗን ምንጮች ገለጹ፡፡

    ስማቸው እንዲጠቀስ ያልፈለጉ አንድ ከፍተኛ የመንግሥት ባለሥልጣን ለሪፖርተር ማረጋገጥ እንደቻሉት፣ በሚቀጥለው ዓመት በተመድ ጠቅላላ ጉባዔ በሚደረገው ምርጫ አስፈላጊውን ድምፅ አግኝታ ቋሚ ካልሆኑት ከአሥሩ የፀጥታው ምክር ቤት አባላት አንዷ ለመሆን እንቅስቃሴ ጀምራለች፡፡

    ነገር ግን ባለሥልጣኑ በመንግሥት እየተደረገ ያለውን እንቅስቃሴ በዝርዝር ከመግለጽ ተቆጥበዋል፡፡ በተለይም የኢትዮጵያ መንግሥት ከሌሎች ወዳጅ አገሮች ድጋፍ ለማግኘት ምን ያህል እንደተጓዘ ለጊዜው መግለጽ እንደማያስፈልግም ጠቁመዋል፡፡

    ሆኖም ከተመሠረተ 70 ዓመታት በሞላው ተመድ ኢትዮጵያን ለሦስተኛ ጊዜ የፀጥታው ምክር ቤት አባል ለማድረግ አስፈላጊው ነገር ሁሉ እየተደረገ መሆኑን ሳይገልጹ አላለፉም፡፡

    ኢትዮጵያ የድርጅቱ መሥራች ከሆኑት ብቸኛ ሁለት የአፍሪካ አገሮች ውስጥ አንዷ ስትሆን፣ ለድርጅቱ የ70 ዓመታት ጉዞና ዕድገት ካበረከቱት የአፍሪካ አገሮች በቀዳሚነት ስሟ ይጠቀሳል፡፡

    እ.ኤ.አ በ1967/68 እና በ1989/90 ዓ.ም. የተመድ የፀጥታው ምክር ቤት አባል እንደነበረች ይታወሳል፡፡

    የፀጥታው ምክር ቤት በአጠቃላይ 15 አባል አገሮች ሲኖሩት፣ አምስቱ ድምፅን በድምፅ የመሻር ልዩ መብት ያላቸው ናቸው፡፡ ቀሪዎቹ በየሁለት ዓመቱ የሚመረጡ ቋሚ ያልሆኑ አባላት ናቸው፡፡

    አሜሪካ፣ ሩሲያ፣ ቻይና፣ ታላቋ ብሪታንያና ፈረንሣይ ድምፅን በድምፅ የመሻር ልዩ መብት ያላቸው ቋሚ አባላት መሆናቸው ይታወቃል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...