Tuesday, August 16, 2022
ሌሎች ዓምዶች
    - Advertisement -
    - Advertisement -
    ማኅበራዊበአንዋር መስጊድ የቦምብ ፍንዳታ 24 ሰዎች ተጎዱ

    በአንዋር መስጊድ የቦምብ ፍንዳታ 24 ሰዎች ተጎዱ

    ቀን:

      ዓርብ ታኅሳስ 1 ቀን 2008 ዓ.ም. በታላቁ አንዋር መስጊድ በተወረወረ ቦምብ በ24 ሰዎች ላይ ከባድና ቀላል ጉዳት ደረሰ፡፡

    ፖሊስ ለጊዜው ማንነቱን ባላወቀው ግለሰብ አማካይነት በተወረወረ የእጅ ቦምብ በአምስት ሰዎች ላይ ከባድ ጉዳት ሲደርስ፣ 19 ሰዎች ደግሞ ቀላል ጉዳት እንደደረሰባቸው አስታውቋል፡፡

    ባለፈው ዓርብ በታላቁ አንዋር መስጊድ የእስልምና እምነት ተከታዮች የጁምአ ፀሎት አድርሰው ሲወጡ ከቀኑ 7፡30 ሰዓት ላይ ነው የእጅ ቦምቡ የተወረወረው ተብሏል፡፡

    በፍንዳታው ጉዳት የደረሰባቸው ሰዎች በአቅራቢያው በሚገኙ ሆስፒታሎችና ክሊኒኮች የሕክምና ዕርዳታ ተደርጎላቸዋል፡፡ ሪፖርተር በተክለ ሃይማኖት ሆስፒታል ተገኝቶ ማረጋገጥ እንደቻለው 11 ጉዳት የደረሰባቸው ሰዎች የመጀመርያ የሕክምና ዕርዳታ አግኝተዋል፡፡ ከእነዚህ መካከል አንዱ የመጀመርያ ዕርዳታ ከተደረገለት በኋላ በፖሊስ ተሽከርካሪ ወደ መንግሥት ሆስፒታል ተወስዷል፡፡

    ተክለ ሃይማኖት ሆስፒታል የሕክምና ዕርዳታ ከተደረገላቸው መካከል በጣም የተጎዱት፣ የቀዶ ጥገና ሕክምና እንደሚደረግላቸው ሐኪሞች ተናግረዋል፡፡ ለኅትመት ማተሚያ ቤት እስከገባንበት ዓርብ ሌሊት ድረስ ከጉዳት በላይ የሞት አደጋ አልደረሰም፡፡

    በአንዋር መስጊድ ላይ በደረሰው የቦምብ ጥቃት ምክንያት በተፈጠረው መደናገጥ የአካባቢው ንግድ ቤቶች ተዘግተው ነበር ያመሹት፡፡

    የብሔራዊ መረጃና የደኅንነት አገልግሎትና የፌዴራል ፖሊስ ፀረ ሽብር ግብረ ኃይል በአንዋር መስጊድ በተፈጸመው ጥቃት እጃቸው አለበት ያላቸውን አድኖ ለመያዝ እንቅስቃሴ መጀመሩን አስታውቆ፣ ኅብረተሰቡ ጥቆማ በመስጠትም ሆነ አካባቢውን ነቅቶ በመጠበቅ ትብብር እንዲያደርግ ጠይቋል፡፡ የአደጋው ፈጻሚዎች ማንነት እየተጣራ መሆኑም ተገልጿል፡፡

    ግብረ ኃይሉ ዓርብ ማምሻውን ባወጣው ተጨማሪ መግለጫ፣ ሰሞኑን በአማራና በትግራይ ክልሎች ግንቦት ሰባት ለጥፋት አሰማርቷቸዋል ያላቸውን አሥር ታጣቂዎች ከነሙሉ ትጥቃቸው በፖሊስ ቁጥጥር ሥር ውለዋል ብሏል፡፡ ፖሊስ ከመቼውም ጊዜ በበለጠ ከሚያደርገው ጥበቃና ክትትል በተጨማሪ፣ ኅብረተሰቡ የተለዩ ፀረ ሰላም እንቅስቃሴዎች ሲያይ ጥቆማ እንዲሰጥ ጠይቋል፡፡

    በመስፍን ሰለሞንና በዳንኤል ጌታቸው

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...