Friday, August 19, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [ክቡር ሚኒስትሩ አረፋፍደው ቢሮ ሲገቡ ጸሐፊያቸውን አገኟት]

    • ክቡር ሚኒስትር ምነው አረፈዱ?
    • ብለሽ ብለሽ እኔን መቆጣጠር አማረሽ?
    • አይ ልቆጣጠርዎት ፈልጌ እንኳን አይደለም፡፡
    • ታዲያ ምን ፈልገሽ ነው?
    • እንግዶች ነበሩዎት ብዬ ነው፡፡
    • የምን እንግዳ?
    • የውጭ ኢንቨስተሮች፡፡
    • ቀጠሮ ነበራቸው?
    • ቀጠሮ እንኳን አልነበራቸውም፡፡
    • ታዲያ ምን ፈልገው መጡ?
    • አይ አገራቸው ሊሄዱ ስለሆነ ነው፡፡
    • እና እኔ ቪዛ ሰጪ ነኝ አሏቸው?
    • የለም ስጦታ ይዘው መጥተው ነው፡፡
    • የምን ስጦታ?
    • የገና ስጦታ፡፡
    • ገና ደረሰ እንዴ?
    • የፈረንጆች ገና ደርሷል፡፡
    • እና እኔ ምን አገባኝ?
    • አልገባኝም ክቡር ሚኒስትር፡፡
    • እኔ የኒዮሊበራሎችን ገና ምን ቆርጦኝ ነው የማከብረው?
    • ያው በዚህ በዓል ስጦታ የመስጠት ባህል ስላላቸው ነው፡፡
    • ነገርኩሽ እኮ እኔ የኒዮሊብራሎችን ባህል አላከብርም፡፡
    • ስለዚህ ስጦታው ይመለስ?
    • እ…
    • ስጦታውን ልመልስላቸው ወይ?
    • ለመሆኑ ምንድነው ያመጡት?
    • ወይን ነው፡፡
    • የምን አገር ወይን?
    • የፈረንሣይ ወይን ነው፡፡
    • እኮ እኔ የኒዮሊብራሎችን ወይን ልጠጣ?
    • ምን አለበት?
    • እኔ ኪራይ ሰብሳቢ አይደለሁማ፡፡
    • የአገራችን ቢሆን ይጠጡት ነበር?
    • አዎና፡፡
    • ለምን?
    • የአገራችን ልማታዊ ወይን ነዋ፡፡
    • ለማንኛውም ኬክም አምጥተዋል፡፡
    • እሱንም አልፈልግም፡፡
    • ለምን ክቡር ሚኒስትር?
    • ነገርኩሽ እኮ እኔ የኒዮሊብራሎችን ኬክ አልበላም፡፡
    • እሱም የኪራይ ሰብሳቢዎች ነው?
    • አዎና፡፡
    • ልማታዊው ታዲያ ምንድነው?
    • ድፎ ዳቦ ነዋ፡፡
    • ባለሥልጣን ግን ስጦታ መቀበል ይችላል?
    • ዋናው ስጦታው አይደለም፡፡
    • ታዲያ ምኑ ነው?
    • ሰጪው ማን ነው? የሚለው ነው ጥያቄው፡፡
    • እንዴት ክቡር ሚኒስትር?
    • ሰጪው ልማታዊ ነው ወይስ ኪራይ ሰብሳቢ የሚለው ነው ነጥቡ፡፡
    • ስለዚህ ልማታዊና ኪራይ ሰብሳቢ ስጦታም አለ ነው የሚሉኝ?
    • በሚገባ፡፡
    • ስለዚህ ኬክና ወይን የኪራይ ሰብሳቢ ስጦታዎች ናቸው?
    • እህሳ፡፡
    • እኔ የምለው ቤት፣ መኪናና ቼክ የመሳሰሉት ስጦታዎች ምን ዓይነት ስጦታዎች ናቸው?
    • ልማታዊ ስጦታዎች፡፡

    [የክቡር ሚኒስትሩ ወዳጅ ዳያስፖራ ደወለላቸው]

    • እንዴት ነህ ልማታዊው ዳያስፖራ?
    • እንዴት ነዎት ክቡር ሚኒስትር?
    • እኔማ እየለማሁ ነው፡፡
    • በስንት ፐርሰንት እየለሙ ነው?
    • የእኔ እንኳን ከአሥር ፐርሰንትም ሳይበልጥ አልቀረም፡፡
    • ኧረ አሥር ፐርሰንት ሲያንስብዎት ነው፡፡
    • ያው ከአገሪቷ በላይ ማደጌ ጥያቄ እንዳያስነሳብኝ ነው፡፡
    • እንደዚህ ዓይነት ጥያቄ ቢነሳብዎትም ችግር የለውም፡፡
    • እንዴት የለውም?
    • ጥያቄው ልማታዊ ነዋ፡፡
    • ልማታዊ ዳያስፖራ ይሉሃል እንዲህ ነው፡፡
    • ክቡር ሚኒስትር አገሪቷ ሰላም ናት ግን?
    • ምን ትሆናለች ብለህ ነው?
    • አይ አንዳንድ ብጥብጦች አሉ ሲባል ሰምቼ ነው፡፡
    • ኧረ በጣም ሰላም ነን፡፡
    • ሁሉም ነገር ሰላም ነው?
    • ይኸው እኔ እንግዲህ ቢሮዬ ነኝ፣ ሕዝቡም መንገድ ላይ በሰላም እየተንቀሳቀሰ ነው፣ መኪኖችም በሰላም እየተጓዙ ነው፣ በአጠቃላይ ሁሉም ሰላም ነው፡፡
    • ሰላም ከሆነ ደስ ይላል፡፡
    • እንዲያውም አሁን በመስኮቴ ምን እያየሁ እንደሆነ ታውቃለህ?
    • ምን እያዩ ነው?
    • ነጭ እርግብ፡፡
    • አይ ክቡር ሚኒስትር እኔም አረጋግጫለሁ፡፡
    • ምን አረጋገጥክ?
    • አገሪቷ ሰላም መሆኗን፡፡
    • እሱ ነው የምልህ እኮ፡፡
    • ታዲያ የእንግሊዝ መንግሥት ያወጣው ምንድነው?
    • ምን አወጣ?
    • ትራቭል አለርት፡፡
    • ምንድነው እሱ?
    • ያው ወደ ኢትዮጵያ ዜጐቻቸው እንዳይጓዙ የሚል መግለጫ ነው፡፡
    • ለምንድነው እንዳይጓዙ ያሉት?
    • ብጥብጥ ስላለ፡፡
    • ወሬኞች በላቸው፡፡ እኔ እኮ የሚገርመኝ አንድ ነገር ነው፡፡
    • ምንድነው የሚገርምዎት?
    • ሰላም ሲኖር ወደ ኢትዮጵያ ሂዱ ብለው ለምን መግለጫ አያወጡም?
    • በጣም የሚያስገርም ነው ክቡር ሚኒስትር፡፡
    • ለማንኛውም የማደርገውን እኔ አውቃለሁ፡፡
    • ምን ሊያደርጉ ነው ክቡር ሚኒስትር?
    • ተመጣጣኝ የሆነ ዕርምጃ እኛም እንወስዳለን፡፡
    • ምን ዓይነት ዕርምጃ?
    • ትራቭል አለርት እናወጣለን፡፡
    • የምን ትራቭል አለርት?
    • ዜጐቻችን ወደ ምዕራቡ ዓለም እንዳይጓዙ ነዋ፡፡
    • ለምን ክቡር ሚኒስትር?
    • እዛ ባለው ብጥብጥ እንዳይጐዱ፡፡
    • ይሻላል?
    • ተረቱ እንደዛ ነዋ የሚለው፡፡
    • ምን ይላል?
    • እሾህን በሾህ፡፡

    [ክቡር ሚኒስትሩ ወዳጃቸው ሚኒስትር ጋ ደወሉ]

    • ሰማኸልኝ አይደለ ያወጡትን መግለጫ?
    • የምን መግለጫ ክቡር ሚኒስትር?
    • እነዚህ ኒዮሊብራሎች ያወጡት መግለጫ ነዋ፡፡
    • ምን አሉ ደግሞ?
    • ኢትዮጵያ ውስጥ ብጥብጥ ስላለ ወደዛ እንዳትሄዱ ብለው ዜጐቻቸውን ከለከሏቸው፡፡
    • በቃ አንድ ነገር ኮሽ ሲል ለማራገብ ማን ብሏቸው?
    • አንዳንዴ ደግ መሆን ግን ጥሩ አይደለም ልበል?
    • እንዴት ክቡር ሚኒስትር?
    • እኛ ፈረንሣይ እንደዚያ ስትታመስ አንድ ነገር ብለናል?
    • በጭራሽ ክቡር ሚኒስትር፡፡
    • እንዲያውም ለአየር ንብረት ለውጡ ስብሰባ ሄደናል አይደል እንዴ?
    • በሚገባ እንጂ ክቡር ሚኒስትር፡፡
    • ስለዚህ ለዚህ ተመጣጣኝ የሆነ ምላሽ መስጠት አለብን፡፡
    • ለነገሩ እኛ ተመጣጣኝ ሳይሆን ከፍ ያለ ምላሽ በመስጠት ነው የምንታወቀው፡፡
    • ስለዚህ ተመጣጣኝ ሳይሆን ላቅ ያለ ምላሽ እንስጥ ነው የምትለኝ?
    • እህሳ ክቡር ሚኒስትር፡፡
    • በምን እንጀምር?
    • ያው የእኛ ዜጐች በአብዛኛው የሚወጡት በድንበር ነው፡፡
    • ስለዚህ እነሱ ‘Vigilant’ ሁኑ እንዳሉት ሁሉ እኛም ዜጐቻችን ድንበር ሲሻገሩ እንደ ቆቅ ‘Vigilant’ ሁሉ ማለት አለብን፡፡
    • ያው ‘Crowd’ ያለበትን ቦታ ‘Avoid’ አድርጉ ብለዋል፡፡
    • ስለዚህ የእኛም ዜጐች ድንበር ሲያቋርጡ በቡድን ሳይሆን ነጠላ ነጠላ እየሆኑ ማቋረጥ አለባቸው ማለት አለብን፡፡
    • ለእንግሊዞቹስ ምን ዓይነት ምላሽ እንስጥ?
    • አሁን የእነሱ አገር የጐርፍ ችግር አለ አይደል?
    • አዎን ክቡር ሚኒስትር፡፡
    • ስለዚህ ለዜጐቻችን ሕይወት ጐርፉ ስለሚያሠጋ እንዳይጓዙ መግለጫ እናውጣ፡፡
    • እምቢ ብለው የሚሄዱ ካሉስ?
    • ቢያንስ ታንኳ ይዘው እንዲሄዱ እንንገራቸው፡፡
    • እ…
    • ያልቻሉት ደግሞ ላይፍ ሴቨር ይዘው ይሂዱ ማለት አለብን፡፡
    • ግን የእኛ ዜጐች ወደዛ ባይጓዙ እነሱ ምን ይጐዳሉ?
    • በአፍጢሙ ሲወድቅ ይመለከታሉ፡፡
    • ምኑ?
    • ኢኮኖሚያቸው፡፡

    [ክቡር ሚኒስትሩ ከሰዓት በኋላ ቢሮ ከገቡ በኋላ አማካሪያቸው አርፍዶ ሲገባ አገኙት]

    • ምን ሆነህ ነው ያረፈድከው?
    • ክቡር ሚኒስትር በአገሪቱ ችግር ነው ያረፈድኩት፡፡
    • አገሪቷ እየተመነደገች ባለችበት ወቅት የምን የማርፈድ ችግር ነው የምታወራው?
    • አገር አቀፍ ችግር ነው ልልዎት ፈልጌ ነው፡፡
    • ከፀረ ልማት ኃይሎች ጋር እያበርክልኝ ነዋ፡፡
    • አልገባዎትም ክቡር ሚኒስትር፡፡
    • ምኑ ነው ያልገባኝ?
    • ለነገርዎ እርስዎ ቤትዎም ጀነሬተር አለ፤ ቢሮዎም ጀነሬተር አለ፡፡
    • ስለእሱ ማውራት ትተህ ባቡር እኮ የተገጠመው እንዲህ ዓይነት የማርፈድ ሰበብ ላለመስማት ነው፡፡
    • ባቡሩ እኮ ነው ችግሩ፡፡
    • ጭራሽ ባቡሩ ነው ችግሩ ትለኛለህ?
    • አዎን ኤሌክትሪክ ተቋርጦ መሀል ላይ ቆመ፡፡
    • ምን?
    • አዎን፣ ከዛም ታክሲ ማግኘት ስላልቻልኩ በእግሬ ነው የመጣሁት፡፡
    • እና ባቡሩ ቆሟል እያልከኝ ነው?
    • ኤሌክትሪክ ከሌለ ታዲያ በምን ይሠራል?
    • ለምን በከሰል አይሠራም?
    • በምን ከሰል?
    • አገር ምድሪቷ ከሰል አይደለች እንዴ?
    • ክቡር ሚኒስትር ባቡር የሚሠራበት ከሰል ግን ይለያል፡፡
    • ምን ዓይነት ከሰል ነው?
    • የድንጋይ ከሰል ነው፡፡
    • እኮ ይኼን ሁሉ ድንጋይ ማክሰል ነዋ፡፡
    • የቱን ድንጋይ?
    • በየመንገዱ የፈጠጠውን ድንጋይ ነዋ፡፡
    • ነገሩ በደንብ የገባዎት አልመሰለኝም ክቡር ሚኒስትር፡፡
    • ምኑ ነው ያልገባኝ?
    • ከሰል ተጠቅመን ባቡሩን ማንቀሳቀስ አንችልማ፡፡
    • ለምን አንችልም?
    • አየሩን ይበክለዋላ፡፡
    • ነዳጅስ መጠቀም አንችልም?
    • እሱን ደግሞ ዋጋውን አንችለውም፡፡
    • እንዲያውም ሐሳብ መጣልኝ፡፡
    • የምን ሐሳብ?
    • ለወጣቱ አዲስ ሥራ መፍጠር አለብን፡፡
    • እሱማ የሁልጊዜ ዕቅዳችን ነው፡፡
    • ስለዚህ በወጣት ክንፍ ውስጥ አዲስ ክንፍ መመሥረት አለብን፡፡
    • ምን ዓይነት ክንፍ?
    • የባቡር ገፊ ክንፍ!

    በብዛት የተነበቡ ፅሁፎች

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    በፌዴራል መንግሥትና በሕወሓት መካከል የተጀመረው የድርድር ሒደት አሳታፊ እንዲሆን ተጠየቀ

    የኢትዮጵያ ሲቪል ማኅበረሰብ ድርጅቶች ምክር ቤት፣  በፌዴራል መንግሥትና በሕወሓት...

    አዲስ አበባና ኦሮሚያ ወሰን ለማካለል ተስማሙ

    ኮዬ ፈጬ፣ ቱሉዲምቱ፣ ጀሞ ቁጥር 2 ወደ ኦሮሚያ ለቡ፣ ፉሪና...

    ከጉምሩክ ውጪ ፍተሻ ተፈቅዶላቸው የነበሩ አስመጪዎች ገደብ ተጣለባቸው

    የጉምሩክ ኮሚሽን ወደ አገር ውስጥ የሚገቡና የሚወጡ ዕቃዎችን ከጉምሩክ...
    - Advertisment -

    ትኩስ ፅሁፎች

    መንግስት 8 የስኳር ፋብሪካዎችን ለጨረታ አቀረበ

    መንግስት ስኳር ኢንተርፕራይዞችን ወደግል ለማዛወር በወጣው ጨረታ ባለሐብቶች እንዲሳተፉ...

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...
    spot_img

    ተዛማጅ ፅሁፎች

    [ክቡር ሚኒስትሩ ወዳጃቸው ከሆነ አንድ የተቃዋሚ ፓርቲ አመራር ጋር ሻይ ቡና እያሉ በኬንያ ስለተካሄደው ፕሬዚዳንታዊ ምርጫ እየተጫወቱ ነው]

    ኬንያ በዚህ ደረጃ ዲሞክራሲያዊ ምርጫ ታደርጋለች ብዬ አላሰብኩም ነበር ክቡር ሚኒስትር። አዎ። ጥሩ ዝግጅት አድርገውበታል። ቢሆንም... ቢሆንም ምን ክቡር ሚኒስትር?  እባክህ ክቡር ሚኒስትር የምትለውን ነገር አቁም። ወዳጅ...

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...