Tuesday, August 16, 2022
ሌሎች ዓምዶች
    - Advertisement -
    - Advertisement -
    ማኅበራዊየቀድሞ የቦታና የቤት አስተዳደር መምርያ ኃላፊና ሌሎች በ78.7 ሚሊዮን ብር ተጠርጥረው ተከሰሱ

    የቀድሞ የቦታና የቤት አስተዳደር መምርያ ኃላፊና ሌሎች በ78.7 ሚሊዮን ብር ተጠርጥረው ተከሰሱ

    ቀን:

    የመንግሥት ንብረት የነበረ 6,263 ካሬ ሜትር ስፋት ያለውን ቦታና ቤት በሕገወጥ መንገድ ወደ ግል ይዞታ በማዞር በመንግሥትና ሕዝብ ላይ ከ78.7 ሚሊዮን ብር በላይ ጉዳት በማድረስ ወንጀል የተጠረጠሩት፣ የአዲስ አበባ ከተማ አስተዳዳር የቀድሞ የቦታና የቤት አስተዳደር መምርያ ኃላፊን ጨምሮ አራት ተጠርጣሪዎች ላይ የሙስና ወንጀል ክስ ተመሠረተ፡፡

    የከተማው የቦታና የቤት አስተዳደር መምርያ ኃላፊ የነበሩት አቶ ታደሰ ግርማይ፣ የቦታና የቤት ጂአይኤስ ቡድን መሪ የነበሩት አቶ ኤልያስ ታምራት፣ የቪብሮ ሲሚንቶ አክሲዮን ማኅበር ሥራ አስኪያጅ አቶ ክፍላይ ሐድጎና የአክሲዮን ማኅበሩ አባል ነበሩ ከተባሉት ሮቤርቶ ጋብሬዚ ኦሜዳድ ጋር ተመሳጥረው፣ በመንግሥት ላይ 78,684,699 ብር ጉዳት ማድረሳቸውን በመግለጽ፣ ታኅሳስ 4 ቀን 2008 ዓ.ም. ክስ የመሠረተባቸው የፌዴራል የሥነ ምግባርና ፀረ ሙስና ኮሚሽን ዓቃቤ ሕግ ነው፡፡

    የኮሚሽኑ ዓቃቤ ሕግ በክሱ እንደገለጸው፣ 6,263 ካሬ ሜትር ስፋት ያለው ቦታና ቤት፣ በአዋጅ ቁጥር 47/67 በትርፍነት ወ/ሮ አስረስ ክንፈ ከሚባሉ ግለሰብ ተወርሷል፡፡ ቤቱ ከመወረሱ በፊት አቶ ክፍላይና ሮቤርቶ ጋብሬዚ ከግለሰቧ ተከራይተው የብሎኬት ምርት ያመርቱበት ነበር፡፡ ተከራዮቹ በወቅቱ የመንግሥት የአገር ውስጥ ገቢ ግብር ባለመክፈላቸው ክስ ተመሥርቶባቸው ሊገኙ ባለመቻላቸው፣ የከተማ አስተዳደሩ ቤቱ ለመንግሥት ቤቶች አስተዳደር ሰጥቶት እንደነበር ክሱ ያብራራል፡፡

    ቤቶች አስተዳደር ቤቱን አቶ ዘረእግዚ ገብረእግዚ ለተባሉ ግለሰብ ለጋራዥነት አከራይቶት እንደነበር የሚገልጸው የዓቃቤ ሕግ ክስ፣ በገቢ ግብር ዕዳ ሲፈለጉ ጠፍተው የነበሩት አቶ ክፍላይ ሐድጐና ሮቤርቶ ጋብሬዚ የመንግሥትን ለውጥ ምክንያት በማድረግ የመንግሥት ቤቶች አስተዳደር ያከራያቸውን አቶ ዘረእግዚን በመክሰስ እንዲመለስላቸው ማስወሰናቸውን ያብራራል፡፡

    ግለሰቦቹ ቤቱ እንዲመለስላቸው ሲወሰንላቸው ከመንግሥት ቤቶች አስተዳደር ጋር አዲስ ውል መዋዋል ሲገባቸው፣ ከከተማ አስተዳደሩ ኃላፊዎች ጋር (ከተከሰሱት ጋር) ተመሳጥረው ይዞታውን ወደግል ማዞራቸውን ገልጾ፣ በፈጸሙት በሥልጣን ያላግባብ መገልገል የሙስና ወንጀል እንደከሰሳቸው የኮሚሽኑ ዓቃቤ ሕግ ክስ ያስረዳል፡፡

      

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...