Tuesday, August 16, 2022
ሌሎች ዓምዶች
    - ማስታወቂያ -
    - ማስታወቂያ -

    ደቡብ ግሎባል ባንክ በሙሉ በጀት ዓመት ካገኘው ትርፍ በላይ በአምስት ወራት ያገኘው በለጠ

    - ማስታወቂያ -

    ተዛማጅ ፅሁፎች

    ደቡብ ግሎባል ባንክ በአምስት ወራት ውስጥ ያገኘው ትርፍ በ2007 በጀት ዓመት አግኝቶት ከነበረው ትርፍ በላይ መሆኑን ገለጸ፡፡ የባንኩ ባለአክሲዮኖች በበጀት ዓመቱ ያገኙትን ትርፍ ለባንኩ ካፒታል ማሳደጊያ እንዲውል ወሰኑ፡፡

    ባንኩ ባለፈው እሑድ ታኅሳስ 10 ቀን 2008 ዓ.ም. ባካሄደው ጠቅላላ ጉባዔ ላይ የባንኩ የዳይሬክተሮች ቦርድ ሊቀመንበር አቶ ኑረዲን አወል እንደገለጹት፣ ባንካቸው በ2007 ዓ.ም. 12 ወራት ወይም በሙሉ በጀት ዓመቱ ካገኘው ትርፍ የበለጠ በ2008 በጀት ዓመት አምስት ወራት ብቻ ያገኘው ትርፍ ብልጫ ማሳየቱን ነው፡፡

    እንደ ቦርድ ሊቀመንበሩ ገለጻ በ2007 በጀት ዓመት ባንኩ ከታክስና መጠባበቂያ በፊት 22.6 ሚሊዮን ብር ትርፍ አግኝቷል፡፡ በ2008 በጀት ዓመት በመጀመርያዎቹ አምስት ወራት ግን ከታክስና ከመጠባበቂያ ቅናሽ በፊት የተገኘው ትርፍ 26.2 ሚሊዮን ብር ነው፡፡

    በአምስት ወራት የተገኘው የትርፍ መጠን በዚህን ያህል ደረጃ ማደጉ በ2008 በጀት ዓመት በባንኩ የአራት ዓመታት ጉዞ ከፍተኛ የሚባል ትርፍ የሚጠበቅ መሆኑን የሚያሳይ እንደሆነም የባንኩ ፕሬዚዳንት አቶ አዲሱ ሃባ ገልጸዋል፡፡

    የባንኩ አመራሮች ከ2007 በጀት ዓመት አጋማሽ በኋላም የሚኖረው እንቅስቃሴ የተሻለ ትርፍ የሚመዘገብበት በመሆኑ፣ ባንኩ በተሻለ አትራፊነት ይቀጥላል የሚል እምነት አላቸው፡፡

    ባንኩ እስከ 2007 በጀት ዓመት መጨረሻ ድረስ የነበረውን የተከፈለ ካፒታል መጠኑንም በ2008 በጀት ዓመት አምስት ወራት ማሳደግ ስለመቻሉም የባንኩ የሥራ ኃላፊዎች ጠቁመዋል፡፡

    ባንኩ እስካሁን ያለው የተከፈለ ካፒታል መጠን ሌሎች ባንኮች ከደረሱበት ጋር በንፅፅር ሲታይ አነስተኛና የኢትዮጵያ ብሔራዊ ባንክ ባንኮች ሊኖራቸው ይገባል ብሎ ካስቀመጠው 500 ሚሊዮን ብር የተከፈለ ካፒታል መሙላት ሳይችሉ ከቀሩት ሁለት ባንኮች ውስጥ አንዱ መሆኑ ይታወሳል፡፡ ይህንን የተከፈለ ካፒታል መጠን በማሳደጉ ረገድም ባለፉት አምስት ወራት የተሠራው ሥራና የተገኘው ውጤት የተከፈለ ካፒታሉን  500 ሚሊዮን ብር ለመሙላት ያስችላል የሚል ነው፡፡

    የካፒታል መጠኑን ለማሳደግ እየተሠራ ባለው ሥራም፣ በ2007 በጀት ዓመት መጨረሻ ላይ ከነበረው ከፍ ማለቱን የሚገልጽ ነው፡፡ ባንኩ በ2007 መጨረሻ ላይ 198.0 ሚሊዮን ብር የነበረው የተከፈለ ካፒታል ኅዳር 2008 መጨረሻ ላይ 260 ሚሊዮን ብር ማድረስ ችሏል፡፡

    የባንኩ ባለአክሲዮኖች ግን የብሔራዊ ባንክን መመርያም ሆነ የባንኩ ካፒታል አንድ ቢሊዮን መድረስ እንደሚገባው የተወሰነውን ውሳኔ ተግባራዊ ለማድረግ በቂ ዝግጅት መደረጉንና የሚፈለገውን ካፒታል ለመድረስ በተለይ በዚህ ዓመት ከፍተኛ ሥራ ይሠራል ይላሉ፡፡

    በተለይ የነባር ባለአክሲዮኖች ቀሪ ክፍያዎችን እንዲከፍሉ እንዲሁም አዳዲስ አክሲዮኖችን እንዲሸጡ ይደረጋልም ብለዋል፡፡

    የባንኩ ባለአክሲዮኖች በእሑዱ ስብሰባቸው በባንኩ የወደፊት አቅጣጫ ላይ የተወያዩ ሲሆን፣ በበጀት ዓመቱ ያገኙትን ትርፍ ለባንኩ ካፒታል ማሳደጊያነት እንዲውል ወስነዋል፡፡

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች