Thursday, August 18, 2022
ሌሎች ዓምዶች
    - Advertisement -
    - Advertisement -
    ዜናጠቅላይ ሚኒስትሩ የአምስት ዓመት ዕቅዳቸውን በመጪው ዓርብ በፓርላማ ያቀርባሉ

    ጠቅላይ ሚኒስትሩ የአምስት ዓመት ዕቅዳቸውን በመጪው ዓርብ በፓርላማ ያቀርባሉ

    ቀን:

    – በዕቅዱ መጨረሻ የነፍስ ወከፍ ገቢ 1,177 ዶላር እንደሚደርስ ይጠበቃል

    ጠቅላይ ሚኒስትር ኃይለ ማርያም ደሳለኝ የመንግሥታቸውን የቀጣይ አምስት ዓመታት ስትራቴጂካዊ ዕቅድ የሆነውን ሁለተኛው የዕድገትና ትራንስፎርሜሽን ዕቅድ የፊታችን ዓርብ ታኅሣሥ 15 ቀን 2008 ዓ.ም. ፓርላማ አቅርበው፣ እንደሚፀድቅ ይጠበቃል፡፡

    የሕዝብ ተወካዮች ምክር ቤት ከሰኞ ታኅሳስ 11 ቀን 2008 ዓ.ም. ጀምሮ 184 ገጾችን በያዘው ሁለተኛው የዕድገትና ትራንስፎርሜሽን ዕቅድ ላይ በመወያየት ላይ ይገኛል፡፡

    የዕቅዱ አርቃቂ የሆነው ብሔራዊ የፕላኒንግ ኮሚሽን ኮሚሽነር ዶ/ር ይናገር ደሴና ምክትላቸው ዶ/ር አብርሃም ተከስተ፣ የስትራቴጂካዊ ዕቅዱን የየዘርፍ ይዘቶች ለፓርላማው በማቅረብና በማወያየት ላይ ናቸው፡፡ ይህ ውይይትም እስከ መጪው ዓርብ የሚቀጥል ሲሆን፣ በዚሁ ዕለት ጠቅላይ ሚኒስትር ኃይለ ማርያም ተገኝተው በዕቅዱ ላይ ለሚነሱ ጥያቄዎችና አስተያየቶች ምላሽ በመስጠት ዕቅዱ ይፀድቃል ተብሎ ይጠበቃል፡፡

    ሁለተኛው የአምስት ዓመት ስትራቴጂካዊ ዕቅድ ትኩረት ከሚሰጣቸው ጉዳዮች ዋነኛው፣ የአገሪቱ ኢኮኖሚ የማምረት አቅም ላይ ለመድረስ ፍጥነት መጨመርና የአምራች ዘርፉን ማጐልበት መሆኑን ዋና ኮሚሽነሩ ዶ/ር ይናገር ደሴ ገልጸዋል፡፡

    የአምራች ዘርፍ የሚባሉት የግብርና የተለያዩ ንዑስ ዘርፎችና ከኢንዱስትሪም የተለያዩ የማኑፋክቸሪንግ ንዑስ ዘርፎች መሆናቸውን ረቂቅ ስትራቴጂካዊ ዕቅዱ ያስረዳል፡፡

    የኢትዮጵያ ኢኮኖሚ አሁን ባለበት ደረጃ የማምረት አቅሙ ላይ ለመድረስ ከፍተኛ ቅልጥፍና መጨመር እንዳለበት ኮሚሽነሮቹ አስረድተዋል፡፡

    በዕቅድ ዘመኑ ዓመታት ኢኮኖሚው በመሠረታዊ የዕድገት አማራጭ በአማካይ በየዓመቱ በ11 በመቶ እንዲያድግ የማድረግ ግብ ተቀምጧል፡፡

    ይህ ዕድገት በክፍላተ ኢኮኖሚ ሲመነዘር የግብርናው ዘርፍ በየዓመቱ በስምንት በመቶ፣ የኢንዱስትሪና የአገልግሎት ዘርፎች እንደ ቅደም ተከተላቸው የ20 እና የ10 በመቶ ዕድገት ያስመዘግባሉ ተብሎ ይጠበቃል፡፡ በአጠቃላይ በአምስት ዓመቱ የዕቅድ ዘመን መጨረሻ ላይ የአገሪቱ የነፍስ ወከፍ ገቢ 1,177 ዶላር ይሆናል ተብሎ ይጠበቃል፡፡ ይህም የአገሪቱን አጠቃላይ ምርት 2.5 ትሪሊዮን ብር እንደሚያደርሰው ይታሰባል፡፡  

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...