Monday, August 8, 2022
ሌሎች ዓምዶች
    - Advertisement -
    - Advertisement -
    ኪንና ባህልየፕሮፌሰር ዓቢይ ፎርድ ሥርዓተ ቀብር በአዲስ አበባ ይፈጸማል

    የፕሮፌሰር ዓቢይ ፎርድ ሥርዓተ ቀብር በአዲስ አበባ ይፈጸማል

    ቀን:

    የአዲስ አበባ ዩኒቨርሲቲ የቀድሞው የጋዜጠኝነትና የኮሙዩኒኬሽን ድኅረ ምረቃ ትምህርት ቤት ዲን፣” የዩኒቨርሲቲው ፕሬዚዳንት ጽሕፈት ቤት አማካሪ የነበሩት ፕሮፌሰር ዓቢይ ፎርድ ሥርዓተ ቀብር በአዲስ አበባ እንደሚፈጸም ቤተሰቦቻቸው ገልጸዋል፡፡

    ፕሮፌሰር ዓቢይ ባደረባቸው ሕመም ምክንያት ሕክምናቸውን በሚከታተሉበት አሜሪካ ያረፉት ግንቦት 1 ቀን 2010 ዓ.ም. ነው፡፡

    ከካሪቢያን ከመጡት ወላጆቻቸው የካቲት 26 ቀን 1927 ዓ.ም. በአዲስ አበባ ከተማ የተወለዱት ፕሮፌሰር ዓቢይ የመጀመርያና ሁለተኛ ደረጃ ትምህርታቸውን የተከታተሉት እናታቸው ሚስ ፎርድ ባቋቋሙት ልዕልት ዘነበ ወርቅ ትምህርት ቤትና በሊሴ ገብረማርያም ሲሆን፣ ከፍተኛ ትምህርታቸውን በአሜሪካ አጠናቀዋል፡፡

    የፊልምና የሙዚቃ፣ የኮሙዩኒኬሽንና የሚዲያ ባለሙያው ፕሮፌሰር ዓቢይ በአዲስ አበባ ዩኒቨርሲቲ የፊልም ጥናት ክፍል ለመጀመር በተደራጀው ግብረ ኃይል አማካሪ እንደነበሩ ገጸ ታሪካቸው ያስረዳል፡፡

    ለፕሮፌሰሩ ባረፉበት ዋሽንግተን ከተማ ግንቦት 6 ቀን 2010 ዓ.ም. በሃዋርድ ዩኒቨርሲቲ የመታሰቢያ ዝግጅት እንደሚደረግላቸው፤ አስቀድመው በተናዘዙት መሠረት አባትና እናታቸው፣ ወንድማቸውም በተቀበሩበት በአዲስ አበባ ሥርዓተ ቀብራቸው እንደሚፈጸም ታውቋል፡፡  

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...