Thursday, August 18, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትሩ ከአማካሪያቸው ጋር እያወሩ ነው

    [ክቡር ሚኒስትሩ ለአንድ ሚኒስትር ይደውላሉ]

    • እንዴት ነዎት ክቡር ሚኒስትር?
    • ደህና ነኝ፤ ለጥብቅ ጉዳይ ነው የፈለኩህ?
    • የምን ጥብቅ  ጉዳይ ነው?
    • መቼም ያንን የሚገርም ዜና ሰምተሃል?
    • የቱን ዜና?
    • ሊፈቱ መሆኑን ነዋ?
    • የቀሩት የፖለቲካ እስረኞች ሊፈቱ ነው እንዴ?
    • የምን የፖለቲካ እስረኛ ነው የምታወራው?
    • ታዲያ ማን ነው የሚፈታው?
    • ባለሀብቱ ሊፈቱ ነው፡፡
    • እሱንማ ሰምቻለሁ ግን ወሬው ምን ያህል እርግጠኛ ነው?
    • እንግዲህ አለቃችን ካሉ ይፈታሉ ማለት ነው፡፡
    • እኔ ግን በእርግጠኝነት ማውራት የሚቻል አይመስለኝም፡፡
    • ቃሌ ፊርማዬ ነው ስላሉ፣ በዚህ እንግዲህ እንገመግማቸዋለና?
    • እርስዎ ግን ይኼን ያህል ምን አስጨነቅዎት?
    • ምነው ምነው የእሳቸውን ውለታ ረሳኸው እንዴ?
    • የምን ውለታ?
    • ለአገር በለው ለፓርቲያችን ምን ያላደረጉት ውለታ አለ?
    • አሁን እሱን ውለታ ቆጥረው ነው እንዲህ የተቆረቆሩላቸው?
    • ስማ ለእኔም ቢሆን እኮ አባት ናቸው፡፡
    • ማለት?
    • ስታመም ሐኪሜ፣ ቤት ባይኖረኝ ቤቴ፣ ልብስ ባጣ ልብሴ፣ የምበላው ባጣ ምግቤ ብቻ ሁሉ ነገሬ ናቸው፡፡
    • ምንም አልገባኝም?
    • አሁን እውነት ስናወራ መንግሥት የሚሰጠን ደመወዝ አይደለም ለወር ለቀን ትበቃለች እንዴ?
    • ምን እያሉ ነው?
    • እንደዚህ አንቀባረው የሚያኖሩኝ እሳቸው ናቸው፡፡
    • አሁን ምን ይደረግ ነው የሚሉት?
    • እንደዚህ ዓይነት የአገር ባለውለታ ሲመጣ ተራ አቀባበል አይደረግም፡፡
    • የምን አቀባበል ነው?
    • አለቃችን ዜጎቻችንን ማክበር አለብን ሲሉ አልሰማህም?
    • ማክበር ካለብዎት ሁሉንም ነዋ ማክበር ያለብዎት?
    • ስነግርህ አይገባህም እንዴ? እሳቸው የተለዩ የአገር ባለውለታ ናቸው እኮ ነው የምልህ?
    • ታዲያ ምን ይደረግ ነው የሚሉት?
    • ወደ አገራቸው ሲገቡ የንጉሥ አቀባበል ሊደረግላቸው ይገባል፡፡
    • ምን ዓይነት አቀባበል?
    • ልክ ጀግኖች አትሌቶቻችንን ስንቀበል እንደምናደርገው ዓይነት አቀባበል ነዋ፡፡
    • ምን? ምን?
    • በቃ መንገድ ተዘግቶ…
    • ሥራ ፈተዋል ልበል ክቡር ሚኒስትር?
    • እንዴት ማለት?
    • መጨነቅ ያለብዎት ሕዝብን ስለማገልገል ነው ወይስ ለአንድ ባለሀብት አቀባበል ስለማድረግ?
    • ይኼ የዜግነት ግዴታችን መስሎኝ?
    • ሌሎች እስረኞች ተፈተው አገራቸው ሲገቡ መቼ አቀባበል አድርገውላቸው ያውቃሉ?
    • እኔ ቢዚ ስለነበርኩ ነዋ፡፡
    • ለማንኛውም አሁን ስለዚህ አቀባበል የተጨነቁት ለምን እንደሆነ አውቃለሁ፡፡
    • ለምንድነው?
    • ለተቆራጭዎ!

    [ክቡር ሚኒስትሩ ለሚስታቸው ስልክ ደወሉላቸው]

    • የት ነው ያለሽው?
    • ቤት ነኝ፡፡
    • አሁን ምርጥ ሥራ አግኝቼልሻለሁ፡፡
    • ሥራውን ሁላ ገድላችሁት ደግሞ የምን ሥራ ነው የምትሰጠኝ?
    • ዝም ብለሽ ብቻ ስሚኝ፡፡
    • ሁሉን ነገር ደፍናችሁት ምን አለ ብለህ ነው?
    • እኔ በተደፈነ ነገር ውስጥ ቀዳዳ ማግኘት የምችል ሰው መሆኔን ረሳሽው?
    • ምን እያልከኝ ነው?
    • አንድ ጥሩ ዝግ የምንዘጋበት ፕሮጀክት አግኝቼ ነው፡፡
    • የምን ፕሮጀክት ነው?
    • ባለፈው ከአውሮፓ ያስመጣሽው ከፍተኛ ጥራት ያለው ጨርቅ አለ አይደል?
    • የትኛው ጨርቅ?
    • ሚኒስትሮች ሱፍ ሲገዙ ከእኔ እንዲገዙኝ ብለሽ ነበር ያስመጣሽው?
    • ምን ዋጋው ከፍተኛ ስለሆነ የሚገዛኝ አጥቼ አስቀምጬዋለሁ፡፡
    • አሁን ጨርቁን የምትጠቀሚበት አጋጣሚ ተገኝቷል፡፡
    • የምን አጋጣሚ?
    • ወዳጃችን እኮ በቅርቡ አገር ቤት ይገባሉ፡፡
    • የትኛው ወዳጃችን?
    • ባለሀብቱ ናቸዋ፡፡
    • ቢገቡስ ታዲያ?
    • ወደ አገር ቤት ሲመለሱ ደማቅ አቀባበል ልናደርግላቸው እያሰብን ነው፡፡
    • ምን እያልከኝ ነው ታዲያ?
    • በቃ ወዳጅ ነኝ የሚል ሁሉ አንድ ዓይነት ሱፍ እንዲለብስ እናደርጋለን፡፡
    • ይኼን ጭንቅላትህን እኮ ለአገሪቷ ብትጠቀምበት፣ አሁን የትና የት በደረሰች ነበር፡፡
    • ከራስ በላይ ንፋስ ነው እባክሽ?
    • እሱስ ልክ ብለሃል፡፡
    • ለሱፉ አላባሽ ደግሞ ብለሽ ያመጣሻቸው የጣሊያን ጫማዎች አሉ አይደል?
    • አዎን አሉ፡፡
    • እነሱንም በዚህ አጋጣሚ መቸብቸብ ነው፡፡
    • ያልገባኝ ግን ለሰውዬው ሚዜ ልትሆኗቸው ነው እንዴ?
    • አሁን ያልተጠየቅሽውን አትዘባርቂ?
    • ይቅርታ እሺ፡፡
    • ባለፈው ማተሚያ ቤቱ አፉን ከፍቶ ቁጭ ብሏል ብለሽኝ ነበር አይደል?
    • ሥራ ጠፍቷል፡፡
    • ለባለሀብቱ አቀባበል የሚሆኑ ፖስተሮችን አትመሽ በየቦታው ትሰቅያለሽ፡፡
    • የምን ፖስተር ነው?
    • እንኳን ለአገርዎ በሰላም አበቃዎ የሚል ነዋ፡፡
    • እንዲህ ዓይነት ፖስተር ማን ያሳትማል ብለህ ነው?
    • እኛ ካሳተምን ሌላው መከተሉ አይቀርም፡፡
    • እኔማ ደስ ይለኛል፡፡
    • ከእኛ የሚጠበቀው አንድ ነገር ብቻ ነው፡፡
    • ምንድነው እሱ?
    • ፈር መቅደድ!

    [ክቡር ሚኒስትሩ ከአማካሪያቸው ጋር እያወሩ ነው]

    • ክቡር ሚኒስትር ሰሞኑን ጠፍተዋል፡፡
    • እንዴት አልጠፋ?
    • ምን ገጠመዎት?
    • በስተርጅና ትምህርት ቤት ገብቼ ነዋ፡፡
    • የምን ትምህርት ነው?
    • ቤትህ ቴሌቪዥን የለህም እንዴ?
    • ኧረ አለኝ ክቡር ሚኒስትር?
    • ታዲያ ምን ስታይ ነው የምታመሸው?
    • ፊልም፣ ኳስ፣ አንዳንዴም ቢቢሲና ሲኤንኤን አያለሁ፡፡
    • የአገር ውስጥ ቻናል አታይም?
    • አዎን ክቡር ሚኒስትር፡፡
    • ብታይ ኖሮ ሰሞኑን ሌክቸር ስወስድ ታይ ነበር፡፡
    • የምን ሌክቸር ነው?
    • በቃ ምንም የማላውቅ እስኪመስለኝ ድረስ ነበር ስማር የነበረው፡፡
    • ማን ነው የሚያስተምርዎት?
    • አለቃችን ለሚኒስትሮች ሰሞኑን ትምህርት ሲሰጡ ነበር፡፡
    • ለነገሩ በእሱ ስብሰባ ላይ ብዙ ሰዎች ጥያቄ ሲያነሱ ነበር፡፡
    • የምን ጥያቄ?
    • አለቃችሁ የነገሯችሁን ነገሮች ሳታውቁ እንዴት ሚኒስትር ልትሆኑ ቻላችሁ እያሉ ነዋ፡፡
    • አንተ የእኔን ቦታ ትፈልገዋለህ እንዴ?
    • ኧረ እኔ ሳልሆን ሕዝቡ ይኼን ሳያውቁ እንዴት ሚኒስትር ሆኑ እያለ ነው፡፡
    • ምን እያልክ ነው?
    • አንድ መሪ ምን ዓይነት ችሎታ ሊኖረው እንደሚገባ፣ ስለጊዜ አጠቃቀሙ፣ ስለትጋት ምናምን በአግባቡ ሳያውቅ እንዴት መሪ ሊሆን ይችላል የሚል ጥያቄ ነው ሕዝቡ የጠየቀው፡፡
    • ሌላስ ምን ይላል?
    • ባለሥልጣናቱ የሕዝብ አገልጋይ ሳይሆኑ በሕዝቡ ተገልጋይ መሆናቸው ተጋለጠ እየተባለ ነው፡፡
    • የእኛ ሕዝብ ሁሌም ነገር ማወሳሰብ ይወዳል፡፡
    • ደግሞ ከፓርላማ ጋር ሥራ ተቆጣጥራችሁ ትረካከባላችሁ ተብሏል አሉ፡፡
    • ምን ችግር አለው?
    • በሚቀጥለው ዓመት ከፓርላማው ጋር የሥራ ኮንትራት ልትፈራረሙ ነው ተብሏል፡፡
    • ስንትና ስንት ውል የምፈራረምና በፊርማዬ የታወቅኩ ሚኒስትር አይደለሁ እንዴ?
    • ይህችኛዋ ግን ትንሽ የምታስቸግር ይመስለኛል፡፡
    • እኔን ብዙ አታውቀኝም ማለት ነው? እኔ እኮ በቢሊዮን ገንዘብ የሚያወጡ ፕሮጀክቶችን የተፈራረምኩ ሰው ነኝ፡፡
    • ታዲያ የቢሊዮን ገንዘብ ፕሮጀክቶቹ አንዳቸውም ተግባራዊ መሆን አልቻሉም፡፡
    • ቀስ እያሉ ይሠራሉ፣ ምን ፕሮጀክት ማራዘም እኮ የተለመደ ነው፡፡
    • ለማንኛውም ይኼን ኮንትራት የሚፈርሙ ከሆነ፣ በዚያው አንድ ነገር መከታተል አይርሱ?
    • ምን?
    • የሥራ ማስታወቂያ!

    [ክቡር ሚኒስትር ለአንድ ደላላ ወዳጃቸው ይደውላሉ]

    • ስማ መቼም ሰሞኑን የአለቃችንን ሌክቸር ሰምተኸዋል?
    • በፓወር ፖይንት አልነበር እንዴ ፕረዘንቴሽኑ?
    • አሁን የፕረዘንቴሽኑን ሶፍት ኮፒ አግኝቻለሁ፡፡
    • ምን ያደርግልዎታል?
    • ለሁለታችንም ይጠቅመናል፡፡
    • ምኑ ነው የሚጠቅመን?
    • እስከዛሬ ስንፈልገው የነበረው ይኼንን ነበር፡፡
    • ምንም አልገባኝም ክቡር ሚኒስትር?
    • ስማ አንድ መሪ ምን እንደሚያስፈልገው በግልጽ የተዘረዘረበት ነው፡፡
    • ታዲያ ይኼ ለመሪ እንጂ ለእኔ ምን ይጠቅማል?
    • አንተም በተሰማራህበት ዘርፍ መሪ መሆን ትችላለህ፡፡
    • በድለላ?
    • አዎን፣ እንዴት ጊዜህን መጠቀም እንዳለብህ? ጊዜ ሳያልፍብን እንዴት ሥራ መሥራት እንዳለብን? ብቻ በአጠቃላይ አንድ ላይ ለምንሠራው ሥራ ብዙ የሚጠቅመን ነገር አለ፡፡
    • ካሉ እሺ ክቡር ሚኒስትር፡፡
    • ስማ እያንዳንዱ ሥራ መሠራት ያለበት በፎርሙላ ነው፡፡
    • አልገባኝም ክቡር ሚኒስትር?
    • አሁን አለቃችን ለመሪነት ፎርሙላ አውጥተውልናል፡፡
    • ይኼ ታዲያ ለእኔ ምን ያደርግልኛል?
    • ለእኛም ሥራ ፎርሙላ ማውጣት አለብን፡፡
    • የምን ፎርሙላ?
    • የሙስና!

    በብዛት የተነበቡ ፅሁፎች

    አዲስ አበባና ኦሮሚያ ወሰን ለማካለል ተስማሙ

    ኮዬ ፈጬ፣ ቱሉዲምቱ፣ ጀሞ ቁጥር 2 ወደ ኦሮሚያ ለቡ፣ ፉሪና...

    በፌዴራል መንግሥትና በሕወሓት መካከል የተጀመረው የድርድር ሒደት አሳታፊ እንዲሆን ተጠየቀ

    የኢትዮጵያ ሲቪል ማኅበረሰብ ድርጅቶች ምክር ቤት፣  በፌዴራል መንግሥትና በሕወሓት...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    ባንኮች እንዲዋሀዱ እስከ ማስገደድ ሊገባ እንደሚችል ብሔራዊ ባንክ ጠቆመ

    በአሁኑ ወቅት የባንኮች ቁጥር እየጨመረ መምጣቱ ችግር የሚሆንና የውጭ...
    - Advertisment -

    ትኩስ ፅሁፎች

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    ሰበበኞች!

    ዛሬ የምንጓዘው ከሜክሲኮ ወደ አየር ጤና ነው፡፡ ዛሬም፣ ነገም...
    spot_img

    ተዛማጅ ፅሁፎች

    [ክቡር ሚኒስትሩ ወዳጃቸው ከሆነ አንድ የተቃዋሚ ፓርቲ አመራር ጋር ሻይ ቡና እያሉ በኬንያ ስለተካሄደው ፕሬዚዳንታዊ ምርጫ እየተጫወቱ ነው]

    ኬንያ በዚህ ደረጃ ዲሞክራሲያዊ ምርጫ ታደርጋለች ብዬ አላሰብኩም ነበር ክቡር ሚኒስትር። አዎ። ጥሩ ዝግጅት አድርገውበታል። ቢሆንም... ቢሆንም ምን ክቡር ሚኒስትር?  እባክህ ክቡር ሚኒስትር የምትለውን ነገር አቁም። ወዳጅ...

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...