Monday, August 15, 2022
ሌሎች ዓምዶች
    - Advertisement -
    - Advertisement -
    ማኅበራዊበደቡብ ክልል በመሬት መንሸራተት የ23 ሰዎች ሕይወት አለፈ

    በደቡብ ክልል በመሬት መንሸራተት የ23 ሰዎች ሕይወት አለፈ

    ቀን:

    የፌዴራል መንግሥት ለተፈናቃዮች ዕርዳታ መላክ ጀመረ

    በደቡብ ክልላዊ መንግሥት ሁለት ዞኖች በጣለ ከፍተኛ ዝናብ ሳቢያ መሬት በመንሸራተቱ የ23 ሰዎች ሕይወት አለፈ፡፡ የክልሉ መንግሥት ማክሰኞ ግንቦት 21 ቀን 2010 ዓ.ም. ለፌዴራል መንግሥት ባቀረበው ጥያቄ መሠረት፣ የአደጋ ሥጋት አመራር ኮሚሽን ከማምሻው ጀምሮ ከአካባቢው ለተፈናቀሉ ዜጎች ምግብና ምግብ ነክ ያልሆኑ ዕቃዎችን መላክ ጀምሯል፡፡

    ከዓርብ ግንቦት 17 ቀን 2010 ዓ.ም. ጀምሮ በደቡብ ክልል ከፍተኛ ዝናብ መጣል የጀመረ ሲሆን፣ በዚሁ ምክንያት የሲዳማ ዞን ከኦሮሚያ ክልል ምዕራብ አርሲ ዞን ጋር በሚዋሰንበት ጭሬ ወረዳ 23 ሰዎች ሕይወት አልፏል፡፡ ከዚህ በተጨማሪም በጋሞጎፋ ዞን ደረመሎ ወረዳ የዘጠኝ ሰዎች ሕይወት ሲያልፍ ከሁለቱም አካባቢዎች ለጊዜው ቁጥራቸው ያልተገለጸ ዜጎች ከመፈናቀላቸውም በላይ፣ 20 የሚጠጉ ዜጎች አካል ጉዳት እንደደረሰባቸው ታውቋል፡፡  

    የአደጋ ሥጋት አመራር ኮሚሽነር አቶ ምትኩ ካሳ ለሪፖርተር እንደገለጹት፣ በአካባቢዎቹ ከባድ ዝናብ በመጣሉና ተዳፋቶች በመሆናቸው የሰው ሕይወት አልፏል፡፡

    ‹‹የክረምቱ ወራት ጠንከር ያለ ዝናብ ሊኖረው የሚችል በመሆኑ፣ ከተዳፋቶቹ ቦታዎች ዜጎች ተነስተው በዘላቂነት መስፈር አለባቸው፤›› ሲሉ አቶ ምትኩ ምክራቸውን ለግሰዋል፡፡

    አቶ ምትኩ እንዳሉት ወረዳዎቹ፣ ዞኖቹና ክልሉ አስፈላጊውን ድጋፍ እያደረጉ ነው፡፡ የፌዴራል መንግሥትም በተጠየቀው መሠረት አስፈላጊውን ምግብና ምግብ ነክ ያልሆኑ ዕቃዎች ወደ ሥፍራው እንዲጓዙ ትዕዛዝ ሰጥቷል፡፡

    በምሥራቅ አፍሪካ አገሮች ተመሳሳይ አደጋዎች እያጋጠሙ ሲሆን፣ በኢትዮጵያም ተመሳሳይ አደጋ ሊያጋጥም ስለሚችል ኮሚሽኑ ዝግጁ መሆኑንና ዜጎችም ጥንቃቄ እንዲያደርጉ አቶ ምትኩ ጥሪ አስተላልፈዋል፡፡  

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...