Monday, August 15, 2022
ሌሎች ዓምዶች
    - Advertisement -
    - Advertisement -
    ዜናየኅብረቱ የመሪዎች ጉባዔ ዶ/ር ቴድሮስ አድሃኖምን ለዓለም የጤና ድርጅት ዕጩነት እንደሚያፀድቅ ይጠበቃል

    የኅብረቱ የመሪዎች ጉባዔ ዶ/ር ቴድሮስ አድሃኖምን ለዓለም የጤና ድርጅት ዕጩነት እንደሚያፀድቅ ይጠበቃል

    ቀን:

    ቅዳሜ ጥር 21 ቀን 2008 ዓ.ም. የጀመረው የአፍሪካ ኅብረት የመሪዎች ጉባዔ፣ ዶ/ር ቴድሮስ አድሃኖምን ለዓለም የጤና ድርጅት ዳይሬክተርነት የአፍሪካ ዕጩነት እንደሚያፀድቅ ይጠበቃል፡፡

    ባለፈው ዓርብ ጥር 20 ቀን 2008 ዓ.ም. ጉባዔውን ያካሄደው የአፍሪካ ኅብረት የሥራ አስፈጻሚ ምክር ቤት (በየአገሮች የውጭ ጉዳይ ሚኒስትሮች የሚሳተፉበት ነው)፣ በኢትዮጵያ በኩል ለዓለም የጤና ድርጅት ዕጩነት የቀረቡትን የውጭ ጉዳይ ሚኒስትር ዶ/ር ቴድሮስን በአንድ ተቃውሞ የአፍሪካ ዕጩ አድርጐ ተቀብሏቸዋል፡፡

    በዚህ ጉባዔ ላይ የተቃውሞ ድምፅ የሰጠችው ሴኔጋል መሆኗን የዲፕሎማቲክ ምንጮቻችን ጠቁመዋል፡፡

    ይህንን ተከትሎ ቅዳሜ ጉባዔውን በይፋ የጀመረው የኅብረቱ የመሪዎች ጉባዔ ሥነ ሥርዓታዊ ዝግጅቶቹን ካጠናቀቀ በኋላ፣ እሑድ በሚኖረው ቀጣይ ጉባዔው የዓለም ጤና ድርጅት የአፍሪካ ዕጩ አድርጎ የሥራ አስፈጻሚ ምክር ቤቱ የመረጣቸውን ዶ/ር ቴድሮስ አድሃኖምን እንደሚቀበል ይጠበቃል፡፡

    በኅብረቱ ሥራ አስፈጻሚ ምክር ቤት ውስጥ የሚሳተፉት የአገሮቹ የውጭ ጉዳይ ሚኒስትሮች በመሆናቸው፣ በመሪዎቹ ጉባዔ የተለየ ድምፅ እንደማይኖርና ይልቁንም ለሥነ ሥርዓት ያህል እንደሚሆን የዲፕሎማቲክ ምንጮች ገልጸዋል፡፡

    ይህንን ተከትሎም በግንቦት ወር 2009 ዓ.ም. በሚካሄደው የዓለም የጤና ድርጅት ዳይሬክተርነት ምርጫ ዶ/ር ቴድሮስ ይሳተፋሉ ተብሎ ይጠበቃል፡፡   

    እስካሁን ባለው ሁኔታ አሜሪካና እንግሊዝ የዶ/ር ቴድሮስን ዕጩነት እንደሚደግፉ ለኢትዮጵያ መንግሥት ያሳወቁ መሆናቸውን ለማወቅ ተችሏል፡፡ ከምዕራባውያን ኃያላን መካከል ለዶ/ር ቴድሮስ ድምፃቸውን ላይሰጡ ይችላሉ ተብለው ከሚገመቱት መካከል ፈረንሣይ አንዷ ልትሆን ትችላለች የሚል ግምት መኖሩን፣ ነገር ግን ወደፊት በሚካሄድ ዲፕሎማሲያዊ ጥረት ይህም ሊፈታ እንደሚችል ምንጮች ጠቁመዋል፡፡

    በተለይ የአሜሪካና የእንግሊዝ ተፅዕኖ ፈጣሪነት ዶ/ር ቴድሮስ በጤናው ዘርፍ ያከናወኑት በጐ ተግባር ተደምሮ ሊያስመርጣቸው እንደሚችል በኢትዮጵያ በኩል ተገምቷል፡፡ ዶ/ር ቴድሮስ ከኖቲንግሃም ዩኒቨርሲቲ በማኅበራዊ ጤና ፊሎሶፊ የዶክትሬት ዲግሪያቸውን ያገኙ ሲሆን፣ ከለንደን ዩኒቨርሲቲ ደግሞ ሁለተኛ ዲግሪያቸውን በዚሁ በጤና ዘርፍ እንዳገኙ መረጃዎች ይጠቁማሉ፡፡ በተለይ ለረጅም ዓመታት የጤና ጥበቃ ሚኒስትር ሆነው በሠሩባቸው ዓመታት በፈጸሟቸው ስኬታማ ውጤቶች በተለይ ወባን በመከላከል ይታወቃሉ፡፡ 

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...