Tuesday, August 16, 2022
ሌሎች ዓምዶች
    - Advertisement -
    - Advertisement -
    ማኅበራዊለዓመታት የዘገየው የትራፊክ ቁጥጥር ደንብ ተግባራዊ ሊሆን ነው

    ለዓመታት የዘገየው የትራፊክ ቁጥጥር ደንብ ተግባራዊ ሊሆን ነው

    ቀን:

    ተደጋጋሚ ጥፋት በሚፈጽሙ አሽከርካሪዎች ላይ ከስድስት ወር እስከ ሁለት ዓመት የሚደርስ የማሽከርከር እገዳ መጣል የሚያስችለው የመንገድ ትራንስፖርት ትራፊክን የሚኒስትሮች ምክር ቤት ደንብ 208/2003 ከሚቀጥለው ወር አጋማሽ ጀምሮ ተግባራዊ እንደሚሆን ተገለጸ፡፡

    ደንቡ የወጣው ምንም እንኳ በ2003 ዓ.ም. የነበረ ቢሆንም በዝግጅት ምክንያት ባለፉት ዓመታት ወደ ተግባር መግባት ሳይቻል ቀርቷል፡፡ የአዲስ አበባ ከተማ አስተዳደር የመንገድ ትራፊክ ማኔጅመንት ኤጀንሲ የግንዛቤ ትምህርት ማስፋፊያና ስርጭት ከፍተኛ ባለሙያ አቶ ሀገሬ ኃይሉ ለሪፖርተር እንደገለጹት፣ አሁን ግን የተሽከርካሪዎችን የጥፋት ሪከርድ ለመያዝ የሚያስችል ሶፍትዌር ማዘጋጀትንና የቅጣት መክፈያ ጣቢያዎችን መክፈት የመሰሉ ዝግጅቶች ተጠናቅቀዋል፡፡

    በመጀመሪያው የዕድገትና የትራንስፎርሜሽን ዕቅድ ዓመት የትራፊክ አደጋ በአምስት በመቶ በመጨመሩ በአሁኑ ወቅት በቀጥታ ደንቡን ተፈጻሚ ወደ ማድረግ መግባት ማስፈለጉን፤ ይህ ደንብ በመጀመሪያ በአዲስ አበባና በሦስት ኪሎ ሜትር ዐውድ (ሬዲየስ) አዲስ አበባ ዙሪያ ተፈጻሚ እንደሚሆን አቶ ሀገሬ ተናግረዋል፡፡ በቀጣይም በመላ አገሪቱ አሠራሩ ተግባራዊ እንደሚሆን አመልክተዋል፡፡

    እሳቸው እንደገለጹት እስካሁን የነበረው ቅጣት አስተማሪ የሚባል ሳይሆን የገንዘብ ቅጣት ላይ ያተኮረ ነበር፡፡ ይህ ደንብ ግን ቅጣቱ ለባለቤቱ ለሌላውም አስተማሪ እንዲሆን ያደርጋል፡፡

    ይህንን የትራንስፖርት ትራፊክን ለመቆጣጠር የወጣውን ደንብ ለማስፈጸም የተለያዩ የማስፋፊያ ሥራዎች መሠራታቸውን፤ ለዚህም 34 የክፍያ ማዕከላት መከፈታቸውን አቶ ሀገሬ ገልጸዋል፡፡

    ከቅርብ ጊዜ ወዲህ በአገሪቱ የመኪና አደጋ የከፋ እየሆነ መምጣቱ በየጊዜው በሚደርሱ አደጋዎች እየታየ ነው፡፡ ከፍተኛ ፍጥነት ለችግሩ ቀዳሚ ምክንያት መሆኑም እየተነገረ ይገኛል፡፡ እ.ኤ.አ. 2014 ላይ የወጣ የዓለም ጤና ድርጅት ሪፖርት እንደሚያሳየው፣ በኢትዮጵያ ከሚደርሱ ከ100,000 ሞቶች 37.28 የሚሆኑት በመኪና አደጋ የሚደርሱ ሲሆን ይህ ማለት ደግሞ በአገሪቱ ከሚመዘገብ አጠቃላይ የሞት ቁጥር 2.77 በመቶውን ይይዛል፡፡

    በሌላ በኩል የዓለም የመንገድ ደኅንነት እ.ኤ.አ. የ2015 ሪፖርት እንደሚያሳየው በዓለም አቀፍ ደረጃ በመኪና አደጋ የሚደርስ ሞት በዓመት 1.25 ሚሊዮን የደረሰ ሲሆን ከፍተኛ የሞት ቁጥር የሚመዘገበው እንደ ኢትዮጵያ ባሉ ዝቅተኛ ገቢ ባላቸው አገሮች ነው፡፡ 

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...