Thursday, August 11, 2022
ሌሎች ዓምዶች
    - ማስታወቂያ -
    - ማስታወቂያ -

    የዋጋ ማስተካከያ ባለመደረጉ ለችግር መዳረጋቸውን ዕቃ አቅራቢዎች ገለጹ

    - ማስታወቂያ -

    ተዛማጅ ፅሁፎች

    በጥቅምት 2010 ዓ.ም. የብር በ15 በመቶ እንዲቀንስ ከተደረገ በኋላ፣ በዕቃዎች ላይ የዋጋ ማስተካከያ ባለመደረጉ መቸገራቸውን የማዕቀፍ ግዥ አቅራቢ ነጋዴዎች አመለከቱ፡፡

    የመንግሥት ግዥና ንብረት ማስወገድ አገልግሎት ሐሙስ ግንቦት 30 ቀን 2010 ዓ.ም. ከዕቃ አቅራቢዎች ጋር ባጋጠሙ ችግሮች ላይ ውይይት አድርጓል፡፡

    በማዕቀፍ ግዥ ዕቃ ለማቅረብ የተስማሙ አቅራቢዎች የብር የመግዛት አቅም እንዲቀንስ ከተደረገ በኋላ፣ በስምምነታቸው መሠረት ዕቃ ለማቅረብ መቸገራቸውን ገልጸዋል፡፡

    አቅራቢዎቹ በነበረው ዋጋ ዕቃ ስለሚያቀርቡ ለኪሳራ እየተዳረጉ ከመሆናቸው በተጨማሪ፣ የውጭ ምንዛሪም በወቅቱ ባለማግኘታቸው በገቡት ውል መሠረት ዕቃዎችን ሊያቀርቡ አለመቻላቸውን ገልጸዋል፡፡

    ከዚህ በተጨማሪም የተለያዩ ባለበጀት መሥሪያ ቤቶች በውላቸውና በትዕዛዛቸው መሠረት ዕቃዎች እየቀረቡላቸው ስላልሆነ መቸገራቸውን ገልጸዋል፡፡

    የመንግሥት ግዥና ንብረት ማስወገድ አገልግሎት ዋና ዳይሬክተር አቶ ይገዙ ዳባ ይህ ችግር መኖሩን አምነዋል፡፡

    አቶ ይገዙ እንዳሉት፣ በ2008 እና በ2009 በጀት ዓመት የማዕቀፍ ግዥ በዕቃ አቅርቦት በኩል ጥሩ አፈጻጸም ነበረው፡፡ ነገር ግን በጥቅምት 2010 ዓ.ም. የብር የምንዛሪ ለውጥ ከተደረገበት በኋላ አቅርቦቱ መስተጓጎል አሳይቷል ብለዋል፡፡

    ‹‹የተሟላ መረጃ ያላቸው አቅራቢዎች በማዕከላዊ ስታትስቲክስ ኤጀንሲ ጥናት መሠረት የዋጋ ማስተካከያ ተደርጎላቸዋል፤›› በማለት የገለጹት አቶ ይገዙ፣ ‹‹ሳሙና፣ እስክርቢቶ፣ ወረቀትና የደንብ ልብስ ማስተካከያ ከተደረገባቸው መካከል ናቸው፤›› ሲሉም አስረድተዋል፡፡

    የችግሩ ማጠንጠኛ ለምሳሌ ባለፈው ዓመት ሰኔ 2009 ዓ.ም. የዕቃዎች ግዥ ጨረታ ሲከፈት ያን ጊዜ አሸናፊ የነበረ ዋጋ ጭማሪ አሳይቶ የዋጋ ልዩነት ቢኖር፣ ማዕከላዊ ስታትስቲክስ ኤጀንሲ የልዩነቱን ዋጋ አጥንቶ ከሆነ ማስተካከያ እንደሚደረግ፣ ነገር ግን የማይጠና ዕቃ በመኖሩ ምክንያት ችግሩ መፈጠሩ ተመልክቷል፡፡

    የመንግሥት ግዥና ንብረት ማስወገድ አገልግሎት ኮሙዩኒኬሽን ጉዳዮች ምክትል ኃላፊ አቶ አሰፋ ሰሎሞን ለሪፖርተር እንደገለጹት፣ በውላቸው መሠረት በማያቀርቡት ላይ ዕርምጃ ይወሰዳል፣ እየተወሰደም ይገኛል፡፡

    አገልግሎት ተቋሙ በ2010 በጀት ዓመት ዘጠኝ ወራት ውስጥ ከአሥር ቢሊዮን ብር በላይ ግዥ መፈጸሙ ተገልጿል፡፡ ተቋሙ ከ2003 ዓ.ም. ጀምሮ ላለፉት ሰባት ዓመታት በአጠቃላይ ከ70 ቢሊዮን ብር በላይ ግዥ መፈጸሙ ታውቋል፡፡

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች