Sunday, August 7, 2022
ሌሎች ዓምዶች
    - ማስታወቂያ -
    - ማስታወቂያ -

    የአማራ ክልል የኦክስጅን ማምረቻና የማከፋፈያ ማዕከል ለመገንባት ወሰነ

    - ማስታወቂያ -

    ተዛማጅ ፅሁፎች

    የክልሉ መልሶ ማቋቋምና ልማት ድርጅት በአዲስ አበባ ባለ 29 ፎቅ ሕንፃ ሊገነባ ነው

    የአማራ ክልላዊ መንግሥት የኦክስጅን ማምረቻና ማከፋፈያ ማዕከል ለማቋቋም መወሰኑ ተሰማ። የሚገነባው ማዕከል በዋናነት የሜዲካል ኦክስጅን ምርቶችንና ሌሎች ተዛማጅነት ያላቸው የሕክምና ግብዓቶችን የሚያመርት ሲሆን፣ ለሆስፒታሎች በተመጣጣኝ ዋጋ በሽያጭ በማቅረብ ከሚሰበስበው ገቢም ማዕከሉን ለማስፋፋት እንዲውል የክልሉ ካቢኔ ሰሞኑን መወሰኑን፣ የተገኘው የሰነድ መረጃ ያመለክታል።

    ማዕከሉ ለትርፍ የሚቋቋም ሳይሆን በየዓመቱ ተገቢው በጀት እየተመደበለት የሚንቀሳቀስ እንዲሆንም ካቢኔው መወሰኑን ለማወቅ ተችሏል። ለሕክምና አገልግሎት የሚውለውን ኦክስጅን ለማምረት የሚቋቋመውን ማዕከል ግንባታ ለማስጀመር፣ ከካናዳ መንግሥት ወደ ሦስት ሚሊዮን ዶላር ድጋፍ እንደተገኘና ከክልሉ መንግሥት የሚጠበቀው መሬት በማዘጋጀት ራሱን ችሎ ማምረት እንዲችል ማመቻቸት መሆኑን ሪፖርተር ያገኘው መረጃ ያመለክታል። ማዕከሉም ለክልሉ ጤና ቢሮ ተጠሪ ሆኖ ራሱን ችሎ እንዲንቀሳቀስ ካቢኔው ወስኗል።

    በተያያዘ ዜና የአማራ መልሶ መቋቋምና ልማት ድርጅት (አመልድ) ባለ 29 ፎቅ ሕንፃ በአዲስ አበባ ከተማ ሊገነባ መሆኑ ታውቋል። ለግንባታው የሚውል ቦታም ከአዲስ አበባ ከተማ አስተዳደር ማግኘቱን ለማወቅ ተችሏል። የአዲስ አበባ ከተማ አስተዳደር ለሕንፃው ግንባታ የሚያገለግል ለገሀር አካባቢ የሚገኝ 3,187 ካሬ ሜትር ቦታ መፍቀዱን የተገኘው መረጃ ያመለክታል። የሚገነባው ሕንፃ ከወለል በታች (ቤዝመንት) አራት ፎቆችና ከወለል በላይ 25 ፎቅ በጠቅላላ 29 ፎቅ ይኖረዋል። የሚገነባው ሕንፃ የክልሉን ልማት ሊደግፍ የሚችል አስተማማኝ ገቢ ለማመንጨት ጠቀሜታ እንደሚኖረው ተገልጿል።

    የግንባታውን ወጪ ለመሸፈን የክልሉ የልማት ድርጅቶች የአክሲዮን ድርሻ እንዲገዙና ቀሪውን በክልሉ መንግሥት ዋስትና በባንክ ብድር እንዲሸፈን የተወሰነ ሲሆን፣ የአማራ ሕንፃ ሥራዎች ድርጅት 20 በመቶ ድርሻ መግዛቱ ታውቋል። ከዚህ በተጨማሪ የአማራ ብድርና ቁጠባ ተቋም 340 ሚሊዮን ብር ብድር ሕንፃውን ለሚያስገነባው አመልድ መፍቀዱን መረጃው ያመለክታል።

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች