Tuesday, August 16, 2022
ሌሎች ዓምዶች
    - Advertisement -
    - Advertisement -
    ዜና​ለወልቃይት የስኳር አገዳ እርሻ የ200 ሚሊዮን ዶላር ዘመናዊ የመስኖ ቴክኖሎጂ ስምምነት ተፈረመ

    ​ለወልቃይት የስኳር አገዳ እርሻ የ200 ሚሊዮን ዶላር ዘመናዊ የመስኖ ቴክኖሎጂ ስምምነት ተፈረመ

    ቀን:

    ለወልቃይት ስኳር ፋብሪካ የሸንኮራ አገዳ እርሻ የ200 ሚሊዮን ዶላር የዘመናዊ መስኖ ቴክኖሎጂ የግዥ ስምምነት ከእስራኤል ኩባንያ ጋር ተፈረመ፡፡

    የኢትዮጵያ ስኳር ኮርፖሬሽን ስምምነቱን የፈረመው ኔታፊም ከተባለ የእስራኤል ኩባንያ ጋር መሆኑን፣ የኮርፖሬሽኑ የሕግ ዳይሬክቶሬት ዳይሬክተር አቶ ፋሲል ገብረ ማርያም ለሪፖርተር ገልጸዋል፡፡

    ከእስራኤሉ ኩባንያ የሚገዛው የመስኖ ቴክኖሎጂ የወልቃይት የስኳር ፕሮጀክት አካል የሆነውን የሸንኮራ አገዳ እርሻ ሰባት ሺሕ ሔክታር የሚሸፍን መሆኑ ታውቋል፡፡

    ኔታፊም የተባለው ኩባንያ ዘመናዊ የሆነውን የቀጥታ መስኖ ቴክኖሎጂ ከማቅረቡም በተጨማሪ፣ የመስኖ መሠረተ ልማት ዲዛይንና የማማከር ሥራም እንደሚያከናውን፣ ፕሮጀክቱም በ18 ወራት ውስጥ ማጠናቀቅ የስምምነቱ አካል እንደሆነ አቶ ፋሲል ገልጸዋል፡፡

    ቴክኖሎጂው የጠብታ መስኖን የሚጠቀምና የውኃ ብክነትን በመቀነስ ከፍተኛ ምርታማነትን እንደሚያስገኝ ተጠቅሷል፡፡

    የኢትዮጵያ ስኳር ኮርፖሬሽን ከእስራኤሉ ኩባንያ ጋር ያደረገው ስምምነት የቬንደር ፋይናንሲንግ ሲሆን፣ በዚህም መሠረት ኩባንያው ፕሮጀክቱን የሚያከናውነው በኢትዮጵያ መንግሥት ዋስትና ብድር በማፈላለግ ነው፡፡

    ኩባንያው ስምምነቱን መፈጸም የቻለውም ለፕሮጀክቱ የሚያስፈልገውን 200 ሚሊዮን ዶላር ሐፖሊም ከተባለ የእስራኤል ባንክ ካገኘ በኋላ ነው፡፡

    ኩባንያው ከባንኩ ያገኘውን ብድር ከውጭ ወደ ኢትዮጵያ ለሚያስገባቸው የፕሮጀክት ዕቃዎች ግዥ የሚያውል እንደሆነ፣ የኢትዮጵያ ስኳር ኮርፖሬሽን ደግሞ በዘጠኝ ዓመት ከስድስት ወራት ጊዜ ውስጥ ብድሩን የመክፈል ግዴታ እንዳለበት ለማወቅ ተችሏል፡፡

    የኢትዮጵያ መንግሥት በኮርፖሬሽኑ አማካይነት ብድሩን መክፈል ባይችል አሽራ እስራኤል ኤክስፖርት ኢንሹራንስ ዋስትና መስጠቱ ታውቋል፡፡

    ወልቃይት ስኳር ፋብሪካ በመጀመሪያው የዕድገትና ትራንስፎርሜሽን ዕቅድ ከተጀመሩ የስኳር ፋብሪካ ፕሮጀክቶች ውስጥ ቀዳሚው ቢሆንም፣ ፕሮጀክቱ ግን በእጅጉ የተጓተተ በመሆኑ ትችት እየቀረበበት ይገኛል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...