Sunday, August 14, 2022
ሌሎች ዓምዶች
    - ማስታወቂያ -
    - ማስታወቂያ -

    የአዲስ አበባ አመራር ማሠልጠኛ አካዳሚን ለመገንባት ሦስት ኩባንያዎች እየተፎካከሩ ነው

    - ማስታወቂያ -

    ተዛማጅ ፅሁፎች

    የአዲስ አበባ ከተማ አስተዳደር ሊገነባ ያቀደው የአመራር ማሠልጠኛ አካዴሚ ፕሮጀክት እንዲሰጣቸው ሁለት አገር በቀል ኩባንያዎች፣ ከአንድ የቻይና ኩባንያ ጋር እየተፎካከሩ ነው፡፡

    ማክሰኞ መጋቢት 13 ቀን 2008 ዓ.ም. በተከፈተው የፋይናንስ ጨረታ አገር በቀሎቹ ተክለብርሃን አምባዬ ኮንስትራክሽን ኩባንያ 1.540 ቢሊዮን ብር፣ ዮቴክ ኮንስትራክሽን 1.379 ቢሊዮን ብር እና የቻይና ኢዋይ ኩባንያ 1.317 ቢሊዮን ብር አቅርበዋል፡፡

    ይህንን ግንባታ ለማካሄድ 11 ተጫራቾች የተወዳደሩ ቢሆንም፣ ቀደም ሲል በተከፈተው የቴክኒክ ጨረታ እነዚህ ሦስት ኩባንያዎች በማለፋቸው የፋይናንስ ውድድር አድርገዋል፡፡

    የአገር ውስጥ ኮንስትራክሽን ኩባንያዎች በጨረታ ሒደት የተሻለ ተጠቃሚ እንዲሆኑ 7.5 በመቶ የፋይናንስ ብልጫ እንዲኖራቸው የሚያደርግ አሠራር በመንግሥት ተግባራዊ ተደርጓል፡፡ በዚህ መሠረት የቴክኒክ ውጤቱ እንዳለ ሆኖ በፋይናንስ በኩል ብቁ ሆነው የሚገኙበት ዕድል ስለሚኖር ሦስቱ ኩባንያዎች እየተወዳደሩ ይገኛሉ፡፡

    የመንግሥት ዕቃ ግዢና ንብረት ማስወገድ አገልግሎት የጨረታውን ውጤት ከገመገመ በኋላ አፅድቆ ለአሸናፊው ኩባንያ ፕሮጀክቱን ያስረክባል፡፡ ይህ ፕሮጀክት የሚገነባው በአዲስ አበባ ቦሌ ክፍለ ከተማ ከመገናኛ ወደ ቦሌ በሚወስደው ቀለበት መንገድ ከአምቼ ፊት ለፊት ባለው ሥፍራ ነው፡፡

    በዚህ ግንባታ አንድ ዘመናዊ አካዴሚ የሚያሟላቸው አገልግሎቶችን በሙሉ የሚያሟላ እንደሆነ የተገለጸ ሲሆን፣ ግንባታው በአራት ምዕራፎች ይካሄዳል፡፡

    ‹‹አዲስ አበባ መለስ ዜናዊ አካዴሚ›› በሚል ስያሜ የሚገነባው ተቋም፣ ኢሕአዴግ መራሹን መንግሥት የሚያስተዳድሩ አመራሮች እንደሚሠለጥኑበት ተገልጿል፡፡

    ከዚህ አካዴሚ በተጨማሪ በኦሮሚያ ክልል ሱሉልታ አካባቢ በቀድሞ ጠቅላይ ሚኒስትር መለስ ዜናዊ ስም የአመራር አካዴሚ እየተገነባ ነው፡፡ 

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች