Thursday, August 18, 2022
ሌሎች ዓምዶች
    - Advertisement -
    - Advertisement -
    ዜናፓርላማው በአዲስ አበባና በድሬዳዋ ላይ ክትትልና ቁጥጥር ለማድረግ ቡድኖችን አሰማራ

    ፓርላማው በአዲስ አበባና በድሬዳዋ ላይ ክትትልና ቁጥጥር ለማድረግ ቡድኖችን አሰማራ

    ቀን:

    የሕዝብ ተወካዮች ምክር ቤት በአዲስ አበባና በድሬዳዋ ከተሞች ላይ ያለውን የመልካም አስተዳደር ችግር ለማጣራት፣ 14 የሱፐርቪዥን የክትትል ቡድኖችን ማሰማራቱ ተገለጸ፡፡

    የፓርላማው አፈ ጉባዔ አቶ አባዱላ ገመዳ ማክሰኞ መጋቢት 20 ቀን 2008 ዓ.ም. በሰጡት ጋዜጣዊ መግለጫ፣ ቀደም ሲል ከተከናወኑት የሱፐርቪዥን ሥራዎች በተጨማሪ ሦስተኛው የክትትልና ቁጥጥር ሥራ በአዲስ አበባ ከተማ አስተዳደርና በድሬዳዋ ከተማ አስተዳደር ላይ እየተከናወነ መሆኑን ጠቁመዋል፡፡

    በዚህ የክትትልና ቁጥጥር ሥራ ላይ የሁለቱም ከተሞች ምክር ቤቶች ያደራጇቸው ቋሚ ኮሚቴዎች ተሳታፊ እንደሚሆኑም ገልጸዋል፡፡

    ከዚህ ቀደም በአዲስ አበባ አስተዳደር ሥር ባሉ ጥቂት ክፍለ ከተሞች የክትትልና የቁጥጥር ሥራ ተከናውኖ እንደነበር ያስታወሱት አፈ ጉባዔው፣ እንደ አዲስ የተጀመረው ክትትል የሁለቱንም ከተማ አስተዳደሮች የመልካም አስተዳደር ሁኔታ በሙሉ ገጽታው የሚያሳይ እንደሚሆን ጠቁመዋል፡፡

    በከተማ አስተዳደሮቹ የተጀመሩ እንቅስቃሴዎች የት እንደደረሱ ለማወቅም እንደሚረዳ ተናግረዋል፡፡ አሁን የተጀመረውን መልካም አስተዳደር እንቅስቃሴ መፈጸም የግለሰብ ፍላጎትን የሚጠይቅ አለመሆኑን የተናገሩት አፈ ጉባዔ አባዱላ፣ በክትትልና ቁጥጥር ቡድኖቹ የሚገኙ ህፀፆች ለጠቅላይ ሚኒስትሩ እንደሚቀርቡና ዕርምጃ እንዲወሰድባቸው እንደሚደረግ ተናግረዋል፡፡

    በአፈ ጉባዔነት የሚመሩት ፓርላማ ለመጀመሪያ ጊዜ የአንድ ፓርቲ አስተሳሰብ ብቻ የተሞላበት የሐሳብ ብዝኃነትን የማያስተናግድ ተደርጎ እንደሚቆጠር የተጠየቁት አፈ ጉባዔ አባዱላ፣ ‹‹እንደ ዘንድሮ ዓይነት የፓርላማ ዘመን ያለ አይመስለኝም፤›› ብለዋል፡፡

    የፓርላማ አባላቱ ገዢው ፓርቲን ለማብጠልጠልና ለቴሌቪዥን ፍጆታ የሚከራከሩ ሳይሆኑ፣ ከማንኛውም ጊዜ በላይ ፕሮጀክቶች እንዲፈጸሙና ሕዝቡ ተጠቃሚ እንዲሆን በሙሉ እምነቱ የሚከራከሩ ናቸው ብለዋል፡፡

    ‹‹ኢሕአዴግ ለመድበለ ፓርቲ ሥርዓት ታግሏል፡፡ ነገር ግን የሕዝብ ምርጫ ውጤቱ ይህ ከሆነ ምን ማድረግ ይቻላል?›› ያሉት አፈ ጉባዔ አባዱላ፣ ‹‹በፓርላማ ውስጥ የፖሊሲ ክርክር ሊኖር አይችል ይሆናል እንጂ መቀዛቀዝና መፋዘዝ አይኖርም፤›› ብለዋል፡፡ 

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...