Thursday, August 18, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [ክቡር ሚኒስትሩ ከቤት ሊወጡ ሲል ልጃቸው አኩርፎ አገኙት]

    • ምን ሆነሃል?
    • ምን እዚህ ዳዲ …
    • ፊትህን እኮ ዘፍዝፈኸዋል፡፡
    • ኢሜሉ ነዋ ዳዲ፡፡
    • ኔትወርኩ አስቸገረህ?
    • የትኛው ኔትወርክ?
    • ስንት ዓይነት ኔትወርክ አለ?
    • ያው የሙስናው ኔትወርክ…
    • እ…
    • የደላላው ኔትወርክ      …
    • ምን አልክ?
    • ይኼ ቃል እኮ ስለሚያደናግረኝ ነው፡፡
    • እኔ ያልኩህ የቴሌውን ነው?
    • ዛሬ እንኳን ደህና ነው፡፡
    • ታዲያ ምን ሆነህ ነው ያኮረፍከው?
    • ለስኮላርሽፕ አፕላይ አድርጌ አልነበር?
    • ምን አሉህ?
    • አልተቀበሉኝም፡፡
    • ለምን ሲባል?
    • እኔንጃ ዳዲ፡፡
    • እኔ ሪኮመንዴሽን ጽፌልህ?
    • ምን ታደርገዋለህ ዳዲ?
    • በጣም ተናንቀናል ማለት ነው፡፡
    • ከማን ጋር?
    • ከኒዮሊብራሎቹ ጋር!

    [ክቡር ሚኒስትሩ የኒዮሊብራሎቹ ኤምባሲ ደወሉ]

    • ጤና ይስጥልኝ፡፡
    • አለቃሽን አገናኚኝ፡፡
    • ማን ልበል ጌታዬ?
    • ክቡር ሚኒስትር ነኝ፡፡
    • ይቅርታ ክቡር ሚኒስትር፡፡
    • አለቃሽን አገናኚኝ አልኩሽ እኮ?
    • ስብሰባ ላይ ናቸው፡፡
    • እናንተም ትገማገማላችሁ እንዴ?
    • ግምገማ ላይ ሳይሆን ስብሰባ ላይ ናቸው ነው ያልኩዎት፡፡
    • ስብሰባማ ካልተገማገምሽበት የምን ስብሰባ ነው?
    • ምን ልርዳዎት ክቡር ሚኒስትር?
    • ልጄ ለስኮላርሽፕ አፕላይ አድርጐ ነበር፡፡
    • እሺ፡፡
    • ግን አልተቀበሉትም፡፡
    • ክቡር ሚኒስትር ዩኒቨርሲቲዎቹ እኮ ነፃ ተቋማት ናቸው፡፡
    • እኔ ተወረዋል አልኩኝ እንዴ?
    • ያው ልጁን ስላልተቀበሉት ኤምባሲው ምንም ማድረግ አይችልም ልልዎት ነው፡፡
    • የመንግሥት ዩኒቨርሲቲ እኮ ነው?
    • ቢሆንም ኤምባሲው ምንም ማድረግ አይችልም፡፡
    • ለማንኛውም አለቃሽ ግምገማውን ሲጨርስ ይደውልልኝ፡፡
    • እሺ፡፡

    [አምባሳደሩ ለክቡር ሚኒስትሩ ደወሉላቸው]

    • ሄሎ ክቡር ሚኒስትር፡፡
    • እናንተም ትገማገማላችሁ እንዴ?
    • ኧረ ስብሰባ ላይ ነበርኩ፡፡
    • እኛም ተገማግመን ስብሰባ ብለን ነው የምንሸውደው፡፡
    • ለማንኛውም ምን ልርዳዎት?
    • እናንተም ጋ የመልካም አስተዳደር ችግር አለ ማለት ነው?
    • የምን የመልካም አስተዳደር ችግር?
    • ልጄ እናንተ አገር ያለ ዩኒቨርሲቲ ለመግባት አመልክቶ ነበር፡፡
    • እሺ፡፡
    • ዩኒቨርሲቲው ግን አልተቀበለውም፡፡
    • ክቡር ሚኒስትር እኛ አገር ያሉ ዩኒቨርሲቲዎች ለመግባት ዓለም ላይ ያሉ ተማሪዎች እኮ ነው የሚያመለክቱት፡፡
    • እና እነሱ አመለከቱ ተብለው የእኔ ልጅ መውደቅ አለበት?
    • ማለቴ ውድድሩ ከባድ ነው ልልዎት ነው፡፡
    • ይኸው የእናንተ ኢንቨስተሮች አገራችን ላይ እንደፈለጉ እየተንቀሳቀሱ አይደል እንዴ?
    • እሱ ከዚህ ጋር ምን ያገናኘዋል?
    • በደንብ ነው እንጂ የሚያገናኘው፡፡
    • እኮ እንዴት ሆኖ?
    • የእኔን ልጅ ነካችሁ ማለት አገሪቷን ነካችሁ ማለት ነው፡፡
    • አገሪቷ የእርስዎ ናት ማለት ነው?
    • እና የእናንተ ናት፡፡
    • ይቅርታ አላወቅኩም ነበር፡፡
    • ለማንኛውም ጠብቁ፡፡
    • ምን እንጠብቅ?
    • ተመጣጣኝ ዕርምጃ!

    [ክቡር ሚኒስትሩ ቢሮ ሲገቡ ጸሐፊያቸውን አስጠሯት]

    • ተቃጠልኩ እኮ፡፡
    • ምነው ክቡር ሚኒስትር?
    • እንዴት እንደሚሞቅ አታይም?
    • የሙቀቱን ነገርማ ተውት፡፡
    • ተንገበገብን እኮ ባክሽ፡፡
    • በዚህ ላይ ደግሞ ኑሮ ውድነቱ ሲጨመር ያስቡት፡፡
    • እ…
    • ለነገሩ እርስዎ እሱ ብዙም አይገባዎትም፡፡
    • ስሚ አሁን ኖት ያዥልኝ፡፡
    • የምን ኖት ክቡር ሚኒስትር?
    • የአየር ንብረታችን እየተለወጠ ነው፡፡
    • ይኼማ ግልጽ ነው፡፡
    • ለዚህ ደግሞ ተጠያቂው ማን ነው? ተፈጥሮ ናት?
    • የለም የለም፣ ኒዮ ሊብራሎቹ ናቸው፡፡
    • እንዴት ሆኖ?
    • ተፈጥሮን በቁጥጥር ሥር አውለው ይኸው በሙቀት እያነደዱን ነው፡፡
    • እና ምን ይደረግ?
    • አሁን በአስቸኳይ ይገዛ፡፡
    • ምን ክቡር ሚኒስትር?
    • ኤሲ ለሁሉም ሠራተኛ ይገዛ፡፡
    • እሺ ክቡር ሚኒስትር፡፡
    • አየሽ ሙቀቱን መቋቋም የምንችለው ቢሯችን ውስጥ ኤሲ በመክፈት ነው፡፡
    • የኑሮ ውድነቱንስ በምን እንቋቋመው?
    • ለእሱም መክፈት ነዋ፡፡
    • ምን?
    • ኤልሲ!

    [ክቡር ሚኒስትሩ አንድ ሚኒስትር ጋ ደወሉ]

    • ሄሎ ክቡር ሚኒስትር፡፡
    • ምን እየተደረገ ነው?
    • ለምኑ ክቡር ሚኒስትር?
    • ነጋዴው እኮ እየተንጫጫ ነው፡፡
    • ምን ቢንጫጫ አሉ?
    • ከፍተኛ ምሬት ነው እኮ ያለው፡፡
    • እኮ በምኑ?
    • ዕቃው ሁሉ ወደብ ደርሶ መምጣት አልቻለም፡፡
    • ምን ይደረግ ክቡር ሚኒስትር?
    • ይኼ የመልካም አስተዳደር ችግር ነው እኮ፡፡
    • ወደቡ እኮ የእኛ አይደለም፡፡
    • የማን ነው ወደቡ?
    • የጂቡቲ ነዋ፡፡
    • የራሳችንን ገንብተናል አይደል እንዴ?
    • እሱማ ደረቅ ወደብ ነው፡፡
    • እንዲረጥብ ማጠጣት ነዋ፡፡
    • አልገባዎትም ክቡር ሚኒስትር፡፡
    • ቢገባኝ ባይገባኝ ኪሴ ካልገባልኝ ምን ያደርግልኛል?
    • አልገባኝም ክቡር ሚኒስትር?
    • መንግሥት እንኳን ይችለዋል እኔ ግን በምን አቅሜ?
    • ምኑን ክቡር ሚኒስትር?
    • ዲሜሬጁን!

    [ክቡር ሚኒስትሩ ከሾፌራቸው ጋር ወደ ቤት እየሄዱ ነው]

    • ጨዋታውን ተመለከቱት እንዴ?
    • የምን ጨዋታ?
    • እግር ኳሱን ማለቴ ነው፡፡
    • ዌኬንድ ላይ የእንግሊዝ ፕሪሚየር ሊግ ጨዋታ ነበረ እንዴ?
    • ኧረ የአገርዎትን ነው ያልኩዎት?
    • እንግሊዝም ብትሆን አገራችን ናት፡፡
    • ለነገሩ ፓስፖርት እንዳለዎት አውቃለሁ፡፡
    • የምን ፓስፖርት?
    • ያው በዜግነት ኢትዮጵያዊ ቢሆኑም…
    • እ…
    • በኢንቨስትመንትዎ እንግሊዛዊ ነዎት፡፡
    • እንዴት ማለት?
    • እዚህ ካለዎት ሀብት እዚያ ያለው ይበልጣል ብዬ ነዋ፡፡
    • ይኼን ነው ስታወራ የምትውለው አይደል?
    • ብቻ ሕዝቡ አፍሯል ክቡር ሚኒስትር፡፡
    • ምን ሆኖ?
    • በቡድናችን ውጤት፡፡
    • ተሸነፍን እንዴ?
    • ሽንፈት ቢሉ ሽንፈት ነው፡፡
    • በማን ነው የተሸነፍነው?
    • በአልጄሪያ፡፡
    • ስንት ለስንት?
    • 7ለ1
    • ቀኑን ሙሉ ነው እንዴ የተጫወቱት?
    • እነሱማ የሚሉት ሌላ ነው፡፡
    • ምን እያሉ ነው?
    • ውጤቱን አጥብበነው ነው የመጣነው፡፡
    • ጭራሽ?
    • እህሳ ክቡር ሚኒስትር፡፡
    • ከዚህ ሽንፈት ግን እኔም የተማርኩት ነገር አለ፡፡
    • ምን ተማሩ?
    • የጥርነፋ ስትራቴጂያችንን መቀየር እንዳለብን፡፡
    • አንድ ለአምስቱን?
    • አዎና፡፡
    • በምን?
    • በአንድ ለሰባት!

    በብዛት የተነበቡ ፅሁፎች

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    አዲስ አበባና ኦሮሚያ ወሰን ለማካለል ተስማሙ

    ኮዬ ፈጬ፣ ቱሉዲምቱ፣ ጀሞ ቁጥር 2 ወደ ኦሮሚያ ለቡ፣ ፉሪና...

    በፌዴራል መንግሥትና በሕወሓት መካከል የተጀመረው የድርድር ሒደት አሳታፊ እንዲሆን ተጠየቀ

    የኢትዮጵያ ሲቪል ማኅበረሰብ ድርጅቶች ምክር ቤት፣  በፌዴራል መንግሥትና በሕወሓት...

    ከጉምሩክ ውጪ ፍተሻ ተፈቅዶላቸው የነበሩ አስመጪዎች ገደብ ተጣለባቸው

    የጉምሩክ ኮሚሽን ወደ አገር ውስጥ የሚገቡና የሚወጡ ዕቃዎችን ከጉምሩክ...
    - Advertisment -

    ትኩስ ፅሁፎች

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...
    spot_img

    ተዛማጅ ፅሁፎች

    [ክቡር ሚኒስትሩ ወዳጃቸው ከሆነ አንድ የተቃዋሚ ፓርቲ አመራር ጋር ሻይ ቡና እያሉ በኬንያ ስለተካሄደው ፕሬዚዳንታዊ ምርጫ እየተጫወቱ ነው]

    ኬንያ በዚህ ደረጃ ዲሞክራሲያዊ ምርጫ ታደርጋለች ብዬ አላሰብኩም ነበር ክቡር ሚኒስትር። አዎ። ጥሩ ዝግጅት አድርገውበታል። ቢሆንም... ቢሆንም ምን ክቡር ሚኒስትር?  እባክህ ክቡር ሚኒስትር የምትለውን ነገር አቁም። ወዳጅ...

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...