Tuesday, August 16, 2022
ሌሎች ዓምዶች
    - Advertisement -
    - Advertisement -
    ዜናሰማያዊ ፓርቲ ሰንደቅ ዓላማው ላይ ያለው ኮከብ እንዲነሳ ጠየቀ

    ሰማያዊ ፓርቲ ሰንደቅ ዓላማው ላይ ያለው ኮከብ እንዲነሳ ጠየቀ

    ቀን:

    ሰማያዊ ፓርቲ በሰደንቅ ዓላማው ላይ የሚገኘው የኮከብ ምልክት እንዲነሳ ጠየቀ፡፡ ፓርቲው ጥያቄውን ይፋ ያደረገው ማክሰኞ ሐምሌ 10 ቀን 2010 ዓ.ም. በጽሕፈት ቤቱ በሰጠው ጋዜጣዊ መግለጫ ነው፡፡

    ‹‹አረንጓዴ፣ ቢጫና ቀይ ምንም ዓይነት ምልክት የሌለበት ሰንደቅ ዓላማችን የታሪካዊ ማንነታቸን ህያው ምስክር ነው፤›› በሚል መሪ ቃል ፓርቲው ባወጣው መግለጫ እንዳስታወቀው፣ ‹‹ሰንደቅ ዓላማችን በደምና በአጥንት የቆመ የእኛነታችን ልዩ ብርታትና የአፍሪካነት ምልክታችን ጭምር ነው፤›› ብሏል፡፡

    ‹‹የአገራችን ሰንደቅ ዓላማ በተለያዩ የሥርዓት መፈራረቅ በአግድም አረንጓዴ፣ ቢጫና ቀይ በመደቡ ላይ የሚቀመጡት ዓርማዎች በሕዝባችን ላይ ልዩነት ፈጥረው ቆይተዋል፤›› ያለው ሰማያዊ ፓርቲ፣ ‹‹በንጉሣዊ አስተዳደር ዘመነ መንግሥት በኢትዮጵያ ሕዝባዊ ዲሞክራሲያዊ ሪፐብሊክ (ኢሕዲሪ)፣ እንዲሁም በኢፌዴሪ መንግሥት የተለያየ ምልክት ቢቀመጥም የኢትዮጵያ ሕዝብ ቀደምት ታሪኩን ጠብቆ በመንግሥታቱ ውስጥ ከነበረው የሪፐብሊኩ ዓርማ ውጪ ያለውን ወጥ የሆነውን አረንጓዴ፣ ቢጫና ቀይ ሰንደቅ ዓላማ ተቀብሎ ኖሯል፣ ወደፊትም ይኖራል፤›› ብሏል፡፡ ሰንደቅ ዓላማው ላይ ያለው የኮከብ ምልክት እንዲነሳም ጠይቋል፡፡

    ሕዝቡ ባለፉት ሳምንታት በተለያዩ አካባቢዎች የክብሩና የዝናው መገለጫ የሆነውን አረንጓዴ፣ ቢጫና ቀይ ሰንደቅ ዓላማ በመያዝ በሰላማዊ መንገድ ላቀረበው ጥያቄ ተገቢውን ምላሽ ማግኘት አለበት ብሎ እንደሚያምን ሰማያዊ ፓርቲ አስታውቋል፡፡

    ‹‹ሕዝብ ላቀረበው ጥያቄ የሚመለከተው አካል በአፋጣኝ ምላሽ እንዲሰጥ አስፈላጊውንና ሕጋዊ መንገድ በመከተል ከኢትዮጵያ ሕዝብ ጎን በመቆም፣ ሰንደቅ ዓላማው እንዲመለስለት በሚያደርገው ጥረትና ትግል ሰማያዊ ፓርቲ የበኩሉን ታሪካዊ አደራውንና ኃላፊነቱን ይወጣል፤›› ሲል ፓርቲው አቋሙን ይፋ አድርጓል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...