Saturday, August 13, 2022
ሌሎች ዓምዶች
    - ማስታወቂያ -
    - ማስታወቂያ -

    በሐሰተኛ ሰነድ በግንባታ ላይ ተሰማርተው የተገኙ 30 ሥራ ተቋራጮች ፈቃዳቸው ተሰረዘ

    - ማስታወቂያ -

    ተዛማጅ ፅሁፎች

    – ፀረ ሙስና ኮሚሽን ምርመራ እያደረገ መሆኑ ተጠቆመ

    በአዲስ አበባ ከተማ በሚካሄዱ የተለያዩ ግንባታዎች ላይ ተሰማርተው እየሠሩ የነበሩ 30 ሥራ ተቋራጮች፣ ሕጋዊ ማስረጃ ሳይኖራቸው በሐሰተኛ ማስረጃ ሲጠቀሙ በመገኘታቸው ፈቃዳቸው መሰረዙ ተነገረ፡፡

    የአዲስ አበባ ከተማ አስተዳደር የኮንስትራክሽን ቢሮ ኃላፊ ኢንጂነር ዮናስ አያሌው ከሕዝብ ክንፍ ጋር መጋቢት 26 ቀን 2008 ዓ.ም. በጁፒተር ሆቴል ባደረጉት ውይይት እንደገለጹት፣ ተቋራጮቹ ሐሰተኛ ሰነድ በመጠቀም በኮንትራት አሰጣጥና በዲዛይን ዝግጅት ጨረታ ይሳተፋሉ፡፡ መረጃ ሳያሟሉ የቦታ ርክክብ በመፈጸም ጭምር ሕገወጥ ተግባር ይፈጽማሉ ብለዋል፡፡ በመሆኑም በተቋራጮቹ ላይ የሚወሰደው ዕርምጃ ፈቃዳቸውን መሰረዝ ብቻ ሳይሆን፣ በሕግ እንዲጠየቁ ለማድረግ ጉዳዩ ወደ ፌዴራል የሥነ ምግባርና ፀረ ሙስና ኮሚሽን ተልኮ ምርመራ እየተካሄደበት መሆኑን የቢሮ ኃላፊው አብራርተዋል፡፡

    ተቋራጮቹ ከደረጃ አንድ እስከ ደረጃ አምስት ውስጥ ያሉ መሆናቸውንና  ለሕገወጥ ተግባራቸው ተባባሪ ናቸው ተብለው የተጠረጠሩ አመራሮችና ፈጻሚዎችም በሕግ እንደሚጠየቁ የገለጹት ኃላፊው፣ የተቋራጮችን ስም ዝርዝር ከመናገር ተቆጥበዋል፡፡

    ተቋራጮቹ ደረጃቸውን ከፍ ለማድረግ በሚያቀርቡዋቸው ሐሰተኛ ማስረጃዎች ውስጥ የሌሉዋቸውን የግንባታ መሣሪያዎች እንዳላቸው በማስመሰልና በማስመዝገብ የማታለል ድርጊቱን እንደፈጸሙ ኃላፊው ጠቁመው፣ በቀጣይ ሕገወጥ ድርጊቱን ለመከላከል ከትራንስፖርት ቢሮ ጋር በመተባበር እየሠሩ መሆኑን ተናግረዋል፡፡

    ቢሮው በቅርቡ የተቋቋመ ከመሆኑ አንፃር በመዲናዋ በተለይ በኮንስትራክሽን ዘርፍ እየተከሰቱ የሚገኙትን ተመሳሳይና ሌሎች ችግሮች ለመታገል፣ ከባለድርሻ አካላት ጋር በትብብር እየሠራ መሆኑን የገለጹት ኢንጂነሩ፣ ከግንባታ ፈቃድ አሰጣጥ ጋር የተደራጀ የመረጃ አያያዝ ሥርዓት እንዲኖር አዳዲስ አሠራሮች እየታዩ መሆኑን አስረድተዋል፡፡

    በተለይ ለግንባታ ከውጭ የሚገቡ ማሽነሪዎች ጥራትና አጠቃላይ ይዞታቸውን ሊፈትሽ የሚችል ብቃትና ዕውቀት ያላቸው ባለሙያዎች ባለመኖራቸው፣ ፈቃድን ለሌላ አካል የማበደር ችግሮች በዘርፉ በብዛት እንደሚታዩ ኃላፊው ጠቁመዋል፡፡

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች