Sunday, August 7, 2022
ሌሎች ዓምዶች
    - Advertisement -
    - Advertisement -
    ዜናመንግሥትና ኦነግ በአስመራ የእርቅ ስምምነት ተፈራረሙ

    መንግሥትና ኦነግ በአስመራ የእርቅ ስምምነት ተፈራረሙ

    ቀን:

    መንግሥትና የኦሮሞ ነፃነት ግንባር (ኦነግ) በአስመራ የእርቅ ስምምነት ተፈራርመዋል፡፡

    የኦሮሚያ ክልላዊ መንግሥት ርዕሰ መስተዳድር አቶ ለማ መገርሳና የኦሮሞ ነፃነት ግንባር (ኦነግ) ሊቀመንበር አቶ ዳውድ ኢብሳ፣ በኤርትራ ርዕሰ ከተማ አስመራ ማክሰኞ ነሐሴ 1 ቀን 2010 ዓ.ም. ስምምነቱን ተፈራርመዋል፡፡

    አቶ ለማ መገርሳና የውጭ ጉዳይ ሚኒስትሩ ወርቅነህ ገበየሁ (ዶ/ር) በዚሁ ጉዳይ ላይ ለመነጋገር ሰኞ ሐምሌ 30 ቀን 2010 ዓ.ም. ወደ አስመራ አቅንተው ነበር፡፡ ሁለቱ አመራሮች ወደ አስመራ ያቀኑት የኦሮሞ ሕዝቦች ዴሞክራሲያዊ ድርጅት (ኦሕዴድ) ሁሉም ለኦሮሞ ሕዝብ የሚታገሉ ድርጅቶች አገር ውስጥ ገብተው እንዲሠሩ ባስቀመጠው አቅጣጫ መሠረት ለመደራደር መሆኑን፣ የኦሮሚያ ክልል ኮሙዩኒኬሽን ቢሮ ኃላፊ ነገሪ ሌንጮ (ዶ/ር) ለሪፖርተር ገለጸዋል፡፡

    በዚህም መሠረት ስምምነቱ ሦስት መረሠታዊ ውጤቶችን ማምጣቱን ገልጸዋል፡፡ ስምምነቱ ደግሞ ጦርነት ማቆምና ታጣቂዎች አገር ውስጥ ገብተው ሰላማዊ እንቅስቃሴ እንዲያደርጉ፣ በጋራ ለመሥራትና ጠላትነትን ለማቆም፣ እንዲሁም የተደረሰውን ስምምነት የሚያስፈጽም የጋራ ኮሚቴ ማቋቋም የሚሉትን እንዳካተተ  አክለዋል፡፡

    ኦነግ በደቡብ ምሥራቅና በምዕራብ ኦሮሚያ የተለያዩ ጥቃቶች ሲሰነዘር እንደነበር ያስታወሱት ኃላፊው፣ መንግሥት ዕርምጃ መውሰድን ያልመረጠው ችግሩን በሰላም ለመጨረስ በመወሰኑ ምክንያት እንደሆነም አስረድተዋል፡፡

    ጠቅላይ ሚኒስትር ዓብይ አህመድ (ዶ/ር) ወደ ሥልጣን ከመጡ ወዲህ የተለያዩ የትግል ሥልት የሚጠቀሙና ከአገር ውጭ ሲንቀሳቀሱ የነበሩ ፓርቲዎች ወደ አገር ቤት እንዲገቡ ጥሪ ማስተላለፋቸው ይታወሳል፡፡

    ይህንን ጥሪ ተከትሎ በርካታ የፖለቲካ ድርጅቶች በሰላም ለመታገል ወደ አገር ውስጥ ገብተዋል፡፡ በሰላም ስምምነቱ መሠረት ኦነግም ወደ አገር ቤት ገብቶ ሰላማዊ ትግል እንደሚያደርግ ይጠበቃል፡፡

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...