Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊየኤሌክትሪክ ፕሮጀክቶች ድርድር መቋረጡ ያሳሰባቸው ኩባንያዎች ለጠቅላይ ሚኒስትሩ አቤቱት አቀረቡ

    የኤሌክትሪክ ፕሮጀክቶች ድርድር መቋረጡ ያሳሰባቸው ኩባንያዎች ለጠቅላይ ሚኒስትሩ አቤቱት አቀረቡ

    ቀን:

    በኃይል ዘርፍ ለመሰማራት ድርድር ሲያካሂዱ የቆዩ 16 ዓለም አቀፍ ኩባንያዎች ሲያካሂዱ የቆዩት ድርድር እንዲቋረጥ ተደርጎ፣ በጨረታ ብቻ እንዲስተናገዱ የተላለፈውን ውሳኔ በመቃወም ለጠቅላይ ሚኒስትር ጽሕፈት ቤት አቤቱታ አቀረቡ፡፡

    አቤቱታ ለጠቅላይ ሚኒስትር ጽሕፈት ቤት ያቀረቡት አራት የቻይና፣ ሦስት የአሜሪካ፣ ሁለት የካናዳ፣ ሁለት የደቡብ ኮሪያ፣ ሁለት የፈረንሣይ፣ አንድ የቱርክ፣ አንድ የኦስትርያ፣ አንድ የደቡብ አፍሪካ ኩባንያዎች ናቸው፡፡

    ኩባንያዎቹ በኢትዮጵያ በኤሌክትሪክ ኃይል ዘርፍ ኢንቨስት ለማድረግ፣ ከኢትዮጵያ ኤሌክትሪክ ኃይል ጋር የመግባቢያ ሰነድ ተፈራርመው የተለያዩ ጥናቶች ሲያካሂዱና ድርድር ሲያካሂዱ የቆዩ ናቸው፡፡

    የኢትዮጵያ ኤሌክትሪክ ኃይል ሥራ አመራር ቦርድ፣ በኢትዮጵያ ኤሌክትሪክ ኃይል ማመንጫ ዘርፍ መግባት የሚፈልጉ ኩባንያዎች ከድርድር ይልቅ በጨረታ ማስተናገድ ተመራጭ ነው በሚል ምክንያት፣ ቀደም ሲል ሲካሄዱ የቆዩ ድርድሮች ውድቅ እንዲሆኑ ወስኗል፡፡

    ነገር ግን ቅሬታ አቅራቢ ኩባንያዎች ሲያካሂዱ የቆዩት ድርድር ብዙ ጊዜ እንደወሰደባቸው፣ በርካታ ገንዘብ እንዳወጡና ሲካሄዱ የቆዩት ድርድሮችም ወደ መቋጫቸው እየቀረቡ መምጣታቸውን በመግለጽ፣ የቦርዱ ውሳኔ በድጋሚ እንዲጤን ጠይቀዋል፡፡

    በርካታ የውጭና የአገር ውስጥ ኩባንያዎች በራሳቸው መንገድ በሚያመጡት ፋይናንስ ከመንግሥት ፕሮጀክት በመረከብ ኃይል ካመነጩ በኋላ፣ ለመንግሥት ለመሸጥ ጥያቄ አቅርበው የተለያዩ ሥራዎችን ሲያካሂዱ ቆይተዋል፡፡

    ከዚህ በተጨማሪም ከመንግሥት ጋር በሽሙር የተለያዩ የኃይል ማመንጫ ፕሮጀክቶችን ለማካሄድ ጥያቄ ያቀረቡም ኩባንያዎች አሉ፡፡ መንግሥት እነዚህን ኩባንያዎች በኢትዮጵያ ኃይል ዘርፍ ማሳተፍ አስፈላጊ መሆኑን በማመን ረዥም ጊዜ ወስዶ ሲደራደር ቢቆይም፣ ከጥቂት ሳምንታት በፊት ሁነኛ ኩባንያዎችን ለመምረጥ ሁነኛ መንገድ በሚል ምክንያት ሲካሄዱ የቆዩ ድርድሮች እንዲሰረዙ፣ ወደፊትም በጨረታ ብቻ እንዲስተናገዱ ውሳኔ አሳልፏል፡፡

    እነዚህ ኩባንያዎች ግን መንግሥት የመደራደር አቅሙን ካጎለበተ ድርድር ተመራጭ መሆኑን፣ በጨረታ ሒደት ብቻ ከሆነ ግን በፋይናንስ ግኝት ላይ አሉታዊ ተፅዕኖ ከመፍጠሩ በላይ፣ የተወሰኑ ኩባንያዎችን የሚጠቅም የጨረታ ሒደት ሊፈጠር እንደሚችል ያላቸውን ሥጋት ለሪፖርተር ገልጸዋል፡፡

    ኩባንያዎቹ የጠቅላይ ሚኒስትር ጽሕፈት ቤትና ቦርዱ ውሳኔውን በድጋሚ እንዲያጤኑና የምክክር መድረክም እንዲፈጠርላቸው ጠይቀዋል፡፡ ከተለያዩ የኃይል ምንጮች በሚሊዮን የሚቆጠር ሜጋ ዋት የማመንጨት አቅም ያላት ኢትዮጵያ፣ የአፍሪካ የኃይል እምብርት የመሆን ዕቅድ አላት፡፡

    የምታመነጨውን የኤሌክትሪክ ኃይል ለበርካታ አገሮች ለመሸጥ ስምምነት ያደረገችና በማድረግ ላይም የምትገኝ በመሆኑ፣ በርካታ ዓለም አቀፍ ኩባንያዎች በዘርፉ ለመሰማራት ወደ ኢትዮጵያ በማማተር ላይ እንደሆኑ ይታወቃል፡፡ 

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    ሰበበኞች!

    ዛሬ የምንጓዘው ከሜክሲኮ ወደ አየር ጤና ነው፡፡ ዛሬም፣ ነገም...