Wednesday, August 10, 2022
ሌሎች ዓምዶች
    - Advertisement -
    - Advertisement -
    ማኅበራዊየተወሰኑ የመሬት አገልግሎቶችን ወደ ክፍላተ ከተሞች ለማውረድ ምክረ ሐሳብ ቀረበ

    የተወሰኑ የመሬት አገልግሎቶችን ወደ ክፍላተ ከተሞች ለማውረድ ምክረ ሐሳብ ቀረበ

    ቀን:

    ጥፋተኛ በተባሉ የመሬት ዘርፍ ኃላፊዎች ዕርምጃ ይወሰዳል ተብሏል

    የአዲስ አበባ ከተማ አስተዳደር በማዕከል ደረጃ ከሚሰጣቸው የመሬትና መሬት ነክ አገልግሎቶች ውስጥ፣ የተወሰኑትን ወደ ክፍላተ ከተሞች ማውረድ የሚያስችል ምክረ ሐሳብ ለካቢኔ ቀረበ፡፡

    ወደ ክፍላተ ከተሞች ይወርዳሉ ተብለው ከሚጠበቁ አገልግሎቶች ውስጥ ከሰባት ወለል በላይ ለሚካሄዱ የሕንፃ ግንባታዎች፣ የሊዝ ውል ማሻሻያ ተጠቃሽ መሆኑን ምንጮች ለሪፖርተር ገልጸዋል፡፡

    ቀደም ባሉት ዓመታት ከሰባት ወለል በላይ ለሚካሄድ የሕንፃ ግንባታ የሊዝ ውል ማሻሻያ አገልግሎት የሚሰጠው፣ በማዕከል ደረጃ በሚገኘው መሬት ልማትና ኤጀንሲ ቢሮ ነው፡፡ ክፍላተ ከተሞች ደግሞ ከሰባት ወለል በታች ላሉ መካከለኛና አነስተኛ ግንባታዎች የሚሰጠውን የሊዝ ውል ማሻሻያ አገልግሎት ሲሰጡ ቆይተዋል፡፡

     በማዕከል ደረጃ ሲሰጥ የቆየውን የሊዝ ውል ማሻሻያ ወደ ክፍላተ ከተሞች ማውረድ፣ አገልግሎት አሰጣጡን ያሻሽላል ተብሎ በመታመኑ ጥናት ተደርጎ ውይይት እንደተካሄደበት ታውቋል፡፡ ይህንን የሊዝ ውል አገልግሎት ጨምሮ በማዕከል ደረጃ ሲሰጡ ከቆዩ አገልግሎቶች የተወሰኑትን ወደ ክፍላተ ከተማ ለማውረድ የቀረበው ምክረ ሐሳብ ካቢኔ  ካፀደቀው በኋላ ተግባራዊ እንደሚደረግ ታውቋል፡፡

    በመሬትና መሬት ነክ ጉዳዮች የሚሰጠውን አገልግሎት ለማሻሻል የወሰነው የአዲስ አበባ ከተማ አስተዳደር፣ በማዕከልም ሆነ በክፍላተ ከተሞች እስከ ወረዳ ድረስ አዳዲስ ኃላፊዎች ሾሟል፡፡

    አስተዳደሩ በማዕከል ደረጃ ካካሄደው ሹም ሽር በተጨማሪ፣ ለክፍላተ ከተሞች 40 ኃላፊዎችን  ሰይሟል፡፡ ተሿሚዎቹ በመሬት ሕግጋት ላይ ያላቸውን ግንዛቤ ለማሳደግ በቅርቡ ሥልጠና እንደሚሰጥ ታውቋል፡፡

    ከአስተዳደሩ የተገኘው መረጃ እንደሚጠቁመው ከዚህ በፊት በመሬት ልማትና ማኔጅመንት ጽሕፈት ቤቶች ውስጥ ሲያገለግሉ የቆዩ፣ በተለይም ጠንካራ ናቸው የተባሉትን በድጋሚ በየክፍላተ ከተሞች የተመደቡ ሲሆን፣ አጥፍተው ቅጣት ይገባቸዋል የተባሉትን ደግሞ ከዲሲፕሊን እስከ ሥራ ማሰናበት የሚደርስ ዕርምጃ ይወሰድባቸዋል ተብሏል፡፡

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    የክላስተር አደረጃጀት ፖለቲካዊ ውዝግብ

    መንግሥት የደቡብ ብሔር ብሔረሰቦችና ሕዝቦች ክልል ይባል የነበረውን አደረጃጀት...

    በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

    በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...

    የድሬዳዋ ነፃ የንግድ ቀጣና ምሥረታና ተጠባቂ ዕድሎቹ

    ነፃ የንግድ ቀጣናዎች የልዩ ኢኮኖሚ ቀጣናዎች አካል ሲሆኑ፣ በውስጣቸው...