Tuesday, August 16, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [የክቡር ሚኒስትሩ ሹፌር ከቤታቸው ወደ ቢሯቸው ሊወስዳቸው መጣ]

    • ምን ሆነሃል ዛሬ?
    • ምነው ክቡር ሚኒስትር?
    • ሰላምታም የለም እንዴ?
    • እዚህ አገር ምን ሰላም አለ ብለው?
    • ይህቺ አገርማ ወፍ ራሱ የማይጮህባት ሰላማዊ አገር አይደለች እንዴ?
    • ኧረ ክቡር ሚኒስትር ሰላምማ ከጠፋ ቆየ፡፡
    • መቼም አንተ ሁሌም መዓት ነው የምታወራው?
    • ክቡር ሚኒስትር እኔ እኮ መንግሥት ለሕዝቡ አባት ነበር የሚመስለኝ፡፡
    • አባት ብቻ አይደለም፤ እናትም፣ እህትም፣ ወንድምም፣ አክስትም፣ አጐትም፣ ብቻ በአጠቃላይ ዘመድ ነው፡፡
    • ለእኔ ግን ዘመድ ሳይሆን ጠላት ነው፡፡
    • አንተ አፍራሽ እንደሆንክ አውቃለሁ፡፡
    • እንዴት ክቡር ሚኒስትር?
    • ይኸው መንግሥት አባት ስለሆነ አይደል ኮንዶሚኒየም ቤት የሚገነባው?
    • እ…
    • አባት ስለሆነ አይደል ባቡር የሚገነባው?
    • ወይ ባቡር?
    • አባት ስለሆነ አይደል ግድብ የሚገነባው?
    • እኔ መቼ ግድብ ናፈቀኝ?
    • አፍራሽ ነሃ፡፡
    • አባት ስለሆነ አይደል መንገድ የሚገነባው?
    • ክቡር ሚኒስትር አልገባዎትም፡፡
    • ምኑ ነው ያልገባኝ?
    • እኔን መንግሥት እያማረረኝ ነው፡፡
    • እኮ ምን አድርጐ?
    • ይኸው የገቢ ግብር ይስተካከላል ብዬ ብዙ ገንዘብ ተበድሬ ነበር፡፡
    • እና ምን ሆነ?
    • መንግሥት ቀለደብኝ፡፡
    • የገቢ ግብሩ አልተስተካከለም?
    • እሱማ ተስተካክሏል፡፡
    • ይኸው አባት ማለት እንዲህ ነው፡፡
    • ኧረ እኔ ቢቀርብኝ ይሻለኝ ነበር፡፡
    • ወርቅ ሲያቀርቡልህ ፋንድያ የምትል ሰውዬ?
    • መቼ ገባዎት ክቡር ሚኒስትር?
    • ምኑ ነው ያልገባኝ?
    • ይኸው አከራዬ የገቢ ግብሩ ይስተካከላል የሚለውን ወሬ ሰምቶ፣ በወር 300 ብር ጨምሮብኛል፡፡
    • ስጥ ይሰጥሃል አይደል እንዴ የሚለው?
    • ትናንትና አስቤዛ አድርጌ የ500 ብር ጭማሪ መጥቶብኛል፡፡
    • እና መንግሥት የጨመረልህ እኮ ለሌላው ፈሰስ እንድታደርግ ነው፡፡
    • ምን አሉኝ?
    • ስማ የተጨመረልህን ገቢ እንደ ግድብ መገደብ ነው የምትፈልገው?
    • ኧረ ክቡር ሚኒስትር እኔንማ ከህዳሴ ግድቡ ጋር ባያነፃፅሩኝ ጥሩ ነው፡፡
    • ለመሆኑ ምንድን ነው እንደዚህ የምታማርረው?
    • ክቡር ሚኒስትር መንግሥት ቀለደብኝ አልኩዎት፡፡
    • እኮ እንዴት ሆኖ?
    • ይኼ ሁሉ ጭማሪ መጥቶብኝ ለእኔ ግን በገቢ ግብሩ ጭማሪ የተደረገልኝ መቶ ምናምን ብር ነው፡፡
    • ትቀልዳለህ?
    • ምን እኔ እቀልዳለሁ? መንግሥት ግን ቀለደብኝ፡፡
    • ባክህ አትቀልድ፡፡
    • እኔማ ስም አውጥቼላችኋለሁ፡፡
    • ማን አልከን?
    • ቻርሊ ቻፕሊን!

    [ክቡር ሚኒስትሩ ቢሯቸው ሲገቡ አማካሪያቸውን አገኙት]

    • ምነው ተቆጡ ክቡር ሚኒስትር?
    • አቃጣይ ሁላ ተሰብስቦ ምን ላድርግ?
    • ማን ነው ያቃጠልዎት?
    • ይኼ ሹፌሬ ነጅሶኝ ነዋ፡፡
    • ምን አልዎት?
    • እኛ ስንት ዓመት ፈጅቶብን ያዘጋጀነውን የገቢ ግብር ቀልድ ነው አለን፡፡
    • እውነት?
    • እንዲያውም ቻርሊ ቻፕሊን ነው ያለን?
    • ሚስተር ቢን ማለቱ ነው?
    • አንተም መቀለድ ጀመርክ?
    • ኧረ ቀልዴን አይደለም እውነቴን ነው፡፡
    • እንዴት ማለት?
    • ሹፌርዎት እውነቱን ነው፡፡
    • ምኑ ነው እውነቱ?
    • የገቢ ግብሩ እኮ በጃንሆይ ዘመን የወጣ ነው፡፡
    • አየህ? ደርግ ምንም ሳያሻሽለው እኛ ግን አሻሻልነው፡፡
    • ወይ ማሻሻል?
    • ደርግ አንዴ እንኳን ሳያሻሽለው ይኸው እኛ በ25 ዓመታችን ማሻሻል ችለናል፡፡
    • ለመሆኑ 25 ዓመት ሙሉ ምን ስትሠሩ ነበር?
    • ምን ያልሠራነው ነገር አለ?
    • እኮ ምን?
    • አሁን በደርግ ጊዜ መንገድ ነበር?
    • እ…
    • እኔ የማውቀው መንገድ የማርያም መንገድ ብቻ ነበር፡፡
    • አይ ክቡር ሚኒስትር፡፡
    • አሁን በደርግ ጊዜ ግድብ ነበረ?
    • እ…
    • ደርግ ሐሳብን ከመገደብ ውጪ ምን ያውቃል?
    • ሌላስ?
    • ይኸው በዚህ ዘመን አይደል ሚዲያዎች እንደ አሸን የፈሉት?
    • ምን አሉኝ?
    • ሚዲያ እንደ አሸን የፈላው?
    • ታዲያ ተዘጉ እኮ፡፡
    • በአግባቡ አልሠራም ሲሉ ምን እናድርጋቸው?
    • አዬዬ፡፡
    • ባቡርስ ብትል በዚህ ዘመን አይደል የተሠራው?
    • እኔ እንዲያውም በደርግ ዘመን ድሬዳዋ በባቡር ነበር የምሄደው፣ አሁን ግን በቅጥቅጥ አውቶብስ ነው የምሄደው፡፡
    • ባቡሩ በቅርቡ ያልቃል ስልህ?
    • እኔ ግን ክቡር ሚኒስትር በዚህ ዘመን ብዙ ችግሮችን አይቻለሁ፡፡
    • እኮ ምን?
    • ሙስና፡፡
    • እ…
    • ኪራይ ሰብሳቢነት፡፡
    • እ…
    • የመልካም አስተዳደር ችግር፡፡
    • እ…
    • የሰብዓዊ መብት ጥሰት፡፡
    • በእሱ እንኳን ከደርግ እንሻላለን፡፡
    • ክቡር ሚኒስትር ከደርግ ጋር መወዳደር ለምን አታቆሙም?
    • ከማን ጋር እንወዳደር ታዲያ?
    • ከራሳችሁ ጋር!

    [የክቡር ሚኒስትሩ ጸሐፊ ቢሯቸው ገባች]

    • እንግዳ ሊያናግርዎት ይፈልጋል?
    • የምን እንግዳ ነው?
    • የመሥሪያ ቤታችን ሠራተኛ ነው፡፡
    • እኮ ማን ነው?
    • የጥበቃ ሠራተኛ ነው፡፡
    • እኔ የጥበቃ ሠራተኛ ላናግር?
    • ክቡር ሚኒስትር ምን አለበት?
    • ስሚ ሌላ ሰው ያናግር፣ እኔ ጊዜ የለኝም፡፡
    • ኧረ ክቡር ሚኒስትር ለጥቂት ደቂቃ ነው የሚያናግርዎት?
    • ሌላ ሰው ለምን አያናግርም?
    • ችግሩን እርስዎ እንዲፈቱለት ፈልጐ ነው፡፡
    • እሺ አስገቢው፡፡

    [የጥበቃ ሠራተኛው ቢሯቸው ገባ]

    • ለቅሶህን አቁምና ንገረኝ፡፡
    • ክቡር ሚኒስትር በልማታዊ መንግሥት ይዤዎታለሁ፡፡
    • ለቅሶውን አቁም አልኩህ እኮ፡፡
    • በቃ በአብዮታዊ ዴሞክራሲያዊ ስም ነፃ ያውጡኝ፡፡
    • ምን ሆነህ ነው?
    • አፈረሱብኝ ክቡር ሚኒስትር፡፡
    • ሕንፃህን ነው?
    • ኧረ ሕንፃ የለኝም፡፡
    • ቪላ ነው ያለህ?
    • ኧረ እኔ ደሳሳ ጐጆ ነው ያለኝ፡፡
    • ወፍ ነህ እንዴ አንተ ጐጆ ቤት ውስጥ የምትኖረው?
    • ይኸው ክቡር ሚኒስትር አሞራዎች ጐጆዬን አፈረሱብኝ፡፡
    • ማን ነው ያፈረሰብህ?
    • ግብረ ኃይሉ፡፡
    • እንዴ አሸባሪ ነህ እንዴ አንተ?
    • አይ ክቡር ሚኒስትር እሱኛውን ግብረ ኃይል አይደለም የምልዎት?
    • ታዲያ የትኛው ግብረ ኃይል ነው?
    • የወረዳው ግብረ ኃይል፡፡
    • ለምን አፈረሱብህ?
    • በሕገወጥ መሬት ወርሬ ነበር፡፡
    • እሺ የእኔ ጉንዳን፣ የራስህን አገር ትወራለህ?
    • ምን አሉኝ?
    • እንዴት የራስህን አገር ትወራለህ?
    • ክቡር ሚኒስትር የቤት ኪራዩ ግራ ሲያጋባኝ ምን ላድርግ?
    • ቤት ኪራይ ቢያስቸግርህ ሕገወጥ መሆን አለብህ?
    • ምን ላድርግ ክቡር ሚኒስትር
    • አንተማ ማስተማሪያ መሆን አለብህ፡፡
    • አሁን እኮ ቤት የለኝም፡፡
    • በቃ ኮንዶሚኒየም ቤት መጠበቅ ነዋ፡፡
    • እሱንማ ቤት አለህ ብለውኝ አልመዘገቡኝም፡፡
    • አሁን በቃ ይመዘግቡሃል፡፡
    • ለምን ብለው?
    • ቤትህን ስላፈረሱት ነዋ፡፡
    • መቼ ይመዘግቡኛል?
    • የሚቀጥለው ዙር ላይ!

    [የክቡር ሚኒስትሩ ሚስት ስልክ ደወሉላቸው]

    • እንኳን ደስ አለህ፡፡
    • ምን ተገኘ?
    • ዛሬ ፓርቲ ነው የምናደርገው?
    • ፓርቲ ነው የምናቋቁመው?
    • የለም ድግስ እንደግሳለን፡፡
    • እኮ ምን ተገኘ?
    • ደብዳቤው ተጻፈ፡፡
    • የሹመቱ ነው?
    • የምን ሹመት?
    • የፍቅር ነው ታዲያ?
    • ሕጋዊ ሆንን፡፡
    • እኔ ሕገወጥ ሆኜ አውቃለሁ?
    • የዛሬ አሥር ዓመት አካባቢ የእህል ውኃዬ ሊያበቃለት ይችላል ብለህ የወረርከው መሬት ትዝ አለህ?
    • አሥር ሺሕ ካሬ ሜትሩ?
    • እህሳ፡፡
    • እና ካርታ ሊሰጠን ነው?
    • በሚገባ፡፡
    • ምንድን ነው የምንሠራበት ታዲያ?
    • ሪል ስቴት መንደር እንገንባበት እንዴ?
    • እሱንማ ሁሉም ሰው እየሠራበት ነው፡፡
    • ታዲያ ምን ተሻለ?
    • ለምን ስታዲየም አንገነባበትም?
    •  እሱንማ ለመንግሥት ብንተወው አይሻልም?
    • እኛ ምንድን ነን? መንግሥት አይደለን እንዴ?
    • እሱማ ነን ግን ሁሉንም ሥራ ከመንግሥት ነጥቀን አንዘልቀውም፡፡
    • እሱስ ልክ ነሽ፡፡
    • ታዲያ ምን እንገንባበት?
    • ፓርክ ለምን አንገነባበትም?
    • ምን ዓይነት ፓርክ?
    • የሚኒስትሩ ኢንዱስትሪያል ፓርክ!

     

     

     

    በብዛት የተነበቡ ፅሁፎች

    ባንኮች እንዲዋሀዱ እስከ ማስገደድ ሊገባ እንደሚችል ብሔራዊ ባንክ ጠቆመ

    በአሁኑ ወቅት የባንኮች ቁጥር እየጨመረ መምጣቱ ችግር የሚሆንና የውጭ...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...

    አዲስ አበባ እንዳይገቡ በተከለከሉ ዜጎች ጉዳይ የኦሮሚያና አማራ ክልሎች ተወያይተው ችግሩ እንዲፈታ አደረጉ

    ለሳምንታት በርካታ ቅሬታ ሲነሳበት የነበረውና ከአማራ ክልል በደብረ ብርሃን...
    - Advertisment -

    ትኩስ ፅሁፎች

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...
    spot_img

    ተዛማጅ ፅሁፎች

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ...

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው። ክቡር ሚኒስትር... እሺ ...ቀጥል አመሰግናለሁ ክቡር ሚኒስትር። መደበኛ አጀንዳው እንደተጠበቀ...