Sunday, August 14, 2022
ሌሎች ዓምዶች
    - ማስታወቂያ -
    - ማስታወቂያ -

    106.4 ሚሊዮን ዶላር የሚያወጣ የኤሌክትሪክ ማስፋፊያ መስመር ዝርጋታ ለህንድ ኩባንያ ተሰጠ

    - ማስታወቂያ -

    ተዛማጅ ፅሁፎች

    106.4 ሚሊዮን ዶላር የሚያወጣው ፕሮጀክት ከባህር ዳር ተነስቶ ወልድያና ኮምቦልቻ ከተሞች ድረስ የሚዘረጋው 400 ኪሎ ቮልት ኤሌክትሪክ ተሸካሚ መስመር 295 ኪሎ ሜትር ርዝመት አለው፡፡

    ከዚሁ ጋር በድምር የሚካሄደው ሌላኛው ፕሮጀክት ከወልድያ እስከ ኮምቦልቻ ድረስ የሚዘረጋ ሲሆን፣ 87 ኪሎ ሜትር ርዝመት ይኖረዋል፡፡ ከዚህ በተጨማሪም ኮምቦልቻ ከሚገኘው ነባር የኤሌክትሪክ ማስፋፊያ ጣቢያ ተነስቶ ወደ ኢንዱስትሪ ፓርክ የሚዘረጋው 14 ኪሎ ሜትር የሚሸፍን ባለ 230 ኪሎ ቮልት ኤሌክትሪክ ተሸካሚ መስመርን ያካትታል፡፡

    የኢትዮጵያ ኤሌክትሪክ ኃይል ዋና ሥራ አስፈጻሚ ኢንጂነር አዜብ አስናቀ በፊርማ ሥነ ሥርዓቱ ላይ እንደተናገሩት፣ ለዚህም ፕሮጀክት ከሚያስፈልገው ገንዘብ ውስጥ 77 በመቶ ከህንዱ ኤምፖርት ኤክስፖርት ባንክ (ኢግዚም ባንክ) የሚገኝ ሲሆን፣ የተቀረው ወጭ በኢትዮጵያ መንግሥት የሚሸፈን ነው፡፡

    ይህ ግንባታ በ18 ወራት ውስጥ እንደሚጠናቀቅና ወደ ሥራ እንደሚገባ ተገልጿል፡፡ በተሽከርካሪዎች ምርት የሚታወቀው ታታ ሊሚትድ፣ ይህ ሥራው በኢትዮጵያ የመጀመሪያው ነው፡፡

    የታታ ሊሚትድ ኩባንያ ምክትል ፕሬዚዳንት አብሄክ ፖል በፊርማ ሥነ ሥርዓቱ ወቅት እንደተናገሩት፣ ሥራውን በተሰጣቸው የጊዜ ገደብ በጥራት ገንብተው ያስረክባሉ፡፡ በአማራ ክልል በተለይ በኮምቦልቻና በወልድያ ከተሞች የኢንዱስትሪ ፓርኮች በመገንባት ላይ ይገኛሉ፡፡

    በእነዚህ የኢንዱስትሪ ከተሞች ከመቐለ ከተማ ጀምሮ የሚዘረጋው የባቡር መስመር ለኢንዱስትሪ ፓርኮች የሎጂስቲክ አገልግሎት እንደሚሰጥ ተገልጿል፡፡

    በአሁኑ ወቅት የቱርክ ኩባንያ ያፒ መርካንዛና የቻይና ሲሲሲሲ ኩባንያዎች የባቡር መስመር ዝርጋታውን እያከናወኑ ይገኛሉ፡፡

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች