Tuesday, August 16, 2022
ሌሎች ዓምዶች
    - Advertisement -
    - Advertisement -
    ዜናየደቡብ ክልል ምክር ቤት የሦስት ዞኖች አዳዲስ የአስተዳደር እርከኖች አፀደቀ

    የደቡብ ክልል ምክር ቤት የሦስት ዞኖች አዳዲስ የአስተዳደር እርከኖች አፀደቀ

    ቀን:

    የደቡብ ክልላዊ መንግሥት ምክር ቤት የሦስት ዞኖችና የ44 ወረዳዎች አዳዲስ የአስተዳደር እርከኖች አፀደቀ፡፡ ምክር ቤቱ ዓርብ ጥቅምት 23 ቀን 2011 ዓ.ም. ባካሄደው ጉባዔ ሃላባ ልዩ  ወረዳና ኮንሶ ልዩ ወረዳ በዞን፣ ጋሞ ጎፋ ዞን ደግሞ ለሁለት ተከፍሎ ጋሞ ዞንና ጎፋ ዞን ሆነው እንዲደራጅ የቀረበውን አዋጅ በ17 ተቃውሞ፣ በሦስት ድምፀ ተዓቅቦ በአብላጫ ድምፅ አፅድቋል፡፡

    ምክር ቤቱ ከሦስቱ ዞኖች በተጨማሪ 44 ተጨማሪ ወረዳዎች እንዲፈጠሩ ውሳኔ አሳልፏል፡፡ እነዚህ አዳዲስ የአስተዳደሩ እርከኖች እንዲፈጠሩ ምክር ቤቱ የወሰነው የሕዝብ ብዛት፣ የወረዳ/ቀበሌ ብዛት፣ የመልክዓ ምድራዊ አቀማመጥ፣ የቆዳ ስፋትና የገቢ አቅም መሥፈርቶችን ታሳቢ በማድረግ መሆኑ ተመልክቷል፡፡

    ከዚህ ቀደም ልዩ ወረዳ የነበረው ሀላባ ዞን ሆኖ ሲመሠረት ዌራ ዙሪያ፣ ድጀ ዌራና ድጀ የተባሉ ወረዳዎች፣ እንዲሁ ቁሊቶ ከተማን አካቶ ይደራጃል፡፡

    ቀደም ሲል በሰገን ሕዝቦች ዞን ውስጥ ልዩ ወረዳ የነበረው ኮንሶ ዞን ሆኖ ይደራጃል፡፡ ኮንሶ ዞን በሥሩ ካራት ከተማ አስተዳደርን፣ ካራት ዙሪያ፣ ሰገን ዙሪያና ከና የተሰኙ የወረዳ መዋቅሮች ይኖሩታል፡፡

    ጎፋ ዞን በሥሩ ስምንት ወረዳዎች የሚኖሩት ሲሆን ደምባ ጎፋ፣ ገዜ ጎፋ፣ ዛላ፣ ኡባ ደብረ ፀሐይ፣ አይዳ፣ ሳውላ፣ መለኮዛና ጋዳ ወረዳዎች፣ እንዲሁም ሳውላና በልቂ የከተማ አስተዳደሮች ይኖሩታል፡፡

    ጋሞ ዞን ደግሞ 13 ወረዳዎች የሚኖሩት ሲሆን አርባ ምንጭ ዙሪያ፣ ደረማሎ፣ ቁጫ፣ ዲታ፣ ካምባ፣ ምዕራብ ዓባያ፣ ጨንቻ፣ ቦንኬ፣ ሰሜን ቦንኬ፣ ጋርዳ ማርታ፣ ቦረዳና ምዕራብ ቁጫ ወረዳ፣ እንደሁም አርባ ምንጭ ከተማን ያስተዳድራል፡፡

    ሌሎች ተጨማሪ አዳዲስ የዞንና የወረዳ አደረጃጀቶችን በተመለከተ በየአካባቢው ከሕዝብ ጋር የሚደረገው ውይይት ሲጠናቀቅ፣ በክልሉ ምክር ቤት በሚሰጥ ውክልና መሠረት ወደፊት በመስተዳድር ምክር ቤቶች እንደሚወሰን ውሳኔ ላይ መደረሱን ለማወቅ ተችሏል፡፡   

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...