Sunday, August 7, 2022
ሌሎች ዓምዶች
    - Advertisement -
    - Advertisement -
    ዜናየወረገኑ ተፈናቃዮች መንግሥት እንዲደርስላቸው በድጋሚ ጠየቁ

    የወረገኑ ተፈናቃዮች መንግሥት እንዲደርስላቸው በድጋሚ ጠየቁ

    ቀን:

    አግባብ ባለው አካል ሳይፈቀድ ሕገወጥ ግንባታ አካሂዳችኋል ተብለው የመኖሪያ ቤቶቻቸው በኃይል የፈረሱባቸው የወረገኑ ነዋሪዎች ለዓመታት ሰሚ በማጣታቸው፣ በድጋሚ ለጠቅላይ ሚኒስትር ዓብይ አህመድ (ዶ/ር) እና ለአዲስ አበባ ከተማ አስተዳደር ለምክትል ከንቲባ ታከለ ኡማ (ኢንጂነር) አቤቱታ አቀረቡ፡፡

    መኖሪያ ቤቶቻቸውን በኃይል ያጡ የቦሌ ክፍለ ከተማ ወረዳ 12 የወረገኑ አካባቢ ተፈናቃዮች፣ በተወካዮቻቸው አማካይነት ማክሰኞ ኅዳር 25 ቀን 2011 ዓ.ም. አቤቱታቸውን አቅርበዋል፡፡

    ለጠቅላይ ሚኒስትሩ በቀረበው የአቤቱታ ደብዳቤ ላይ እንደተጠቀሰው፣ ምላሽ ያጡ ተፈናቃዮች በቅርቡ ጠቅላይ ሚኒስትር ዓብይ ቢሮ ተሰብስበው በመሄድ መፍትሔ ጠይቀዋል፡፡

    ነገር ግን ተፈናቃዮቹ በጥቂት ቀናት ውስጥ ምላሽ ይሰጣችኋል ተብለው የተመለሱ ቢሆንም፣ እስካሁን ምላሽ አለመገኘቱ ተገልጿል፡፡

    የተፈናቃዮቹ ኮሚቴ በደብዳቤው ጠቅላይ ሚኒስትር ዓብይ ጉዳዩን በፍጥነት ተመልክተው፣ ተፈናቃዩ ሕዝብ ስደት ከመውጣቱና ጎዳና ላይ ከመውደቁ በፊት ምላሽ እንዲሰጡ ጠይቋል፡፡

    በቦሌ ክፍለ ከተማ ወረዳ 12 የወረገኑ አካባቢ ነዋሪዎች ቤት ሠርተውና ትዳር መሥርተው ይኖሩ እንደነበር ያስታውሳሉ፡፡ በሺዎች የሚቆጠሩ የአካባቢው ነዋሪዎች ኤሌክትሪክ እንደገባላቸው፣ ቦሌ ክፍለ ከተማ የድጋፍ ደብዳቤ እንደጻፈላቸው፣ የውኃ አቅርቦት እንዲያገኙ አራት ቦኖዎች እንደተቋቋሙላቸው፣ ነዋሪዎቹ በየአካባቢያቸው ዕድር አቋቁመው ለዓባይ ግድብ ጭምር ቦንድ ገዝተው በሰላም ይኖሩ እንደነበር ይናገራሉ፡፡

    ‹‹ከቦሌ ክፍለ ከተማ ኃላፊዎች ጋር በልማት፣ በምርጫና በሌሎች ጉዳዮች ላይ ውይይት እያደረግን ነበር፤›› በማለት ተፈናቃዮቹ በደብዳቤያቸው ገልጸው፣ ‹‹የይዞታ ባለቤትነት ማረጋገጫ ካርታ በሚመለከት በነበረን ውይይት፣ በ2008 ዓ.ም. የተገነቡ ቤቶች እንደሚፈርሱ፣ ቀደም ሲል በተለይ የከተማ ቦታ በሊዝ ስለመያዝ የወጣው አዋጅ ቁጥር 721/2004 ከመውጣቱ በፊት የተገነቡ ቤቶች እንደማይፈርሱ ተገልጾላቸው እንደነበር፤›› አስታውቀዋል፡፡

    ነገር ግን በግንቦት 2008 ዓ.ም. ሁሉም ቤቶች በኃይል ፈርሰዋል፡፡ ከዚያ ጊዜ ጀምሮ ተፈናቃዮቹ በከፍተኛ ችግር ውስጥ እንደሚገኙና አቅመ ደካሞች መሄጃ አጥተው ሜዳ ላይ መውደቃቸውን ለመንግሥት ተቋማት ቢያሳውቁም፣ ምላሽ አለማግኘታቸውን ጠቅሰው ጠቅላይ ሚኒስትሩና ምክትል ከንቲባው መፍትሔ እንዲሰጧቸው ጠይቀዋል፡፡  

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...