Wednesday, August 10, 2022
ሌሎች ዓምዶች
    - Advertisment -
    - Advertisment -

    ከሰሞኑ ኩባንያቸው ከታገዱባቸው ባለሀብቶች መካከል አንዱ ደወለላቸው

    [ክቡር ሚኒስትሩ አንድ ባለሀብት ደወለላቸው]             

    • ምን እየተሠራ ነው ክቡር ሚኒስትር?
    • ሪፎርም ነው፡፡
    • የምን ሪፎርም ነው?
    • እንደምታውቀው በአገራችን ውስጥ ከፍተኛ ሪፎርም እየተካሄደ ነው፡፡
    • አገሪቱ እኮ ከድጡ ወደ ማጡ እየሄደች ነው፡፡
    • ምን ማለት ነው?
    • በፊት በሥርዓቱ መሥራት እንችል ነበር፡፡
    • መስረቅ ነው ያልከው መሥራት?
    • ምን ማለት ነው?
    • እናንተ በሥርዓቱ ስትሰርቁ እንጂ ስትሠሩ አልነበረም፡፡
    • ክቡር ሚኒስትር እኔ ልማታዊ ባለሀብት ተብዬ ስንት ጊዜ እንደተሸለምኩ ያውቁ አይደል እንዴ?
    • ምን?
    • እንዲያውም ሽልማቶቹን የማስቀምጥበት አጥቼ ቢሮዬን ሦስት ጊዜ ነው አፍርሼ የሠራሁት፡፡
    • የስርቆት ሽልማት ነዋ፡፡
    • ክቡር ሚኒስትር እኔ እኮ ልማታዊ ባለሀብት ነኝ?
    • በቀድሞው ሥርዓት ልማታዊ ባለሀብት ማለት ምን ማለት እንደሆነ አታውቅም እንዴ?
    • ምን ማለት ነው?
    • ልማታዊ ሌባ ማለት ነው፡፡
    • ይኼን አልቀበልም ክቡር ሚኒስትር፡፡
    • እናንተ ሀብት የምታሸሹ ሌቦች ናችሁ እኮ?
    • ውጭ ገንዘብ የምናስቀምጠው እኮ የአገሪቱን ሀብት ለማሸሽ ፈልገን አይደለም፡፡
    • ታዲያ ለምንድነው?
    • ያው ጤናችን ችግር ስለሆነ ከእንቅልፍ ስንነሳ ወገብ አልሠራ ሊል ስለሚችል ለሕክምና ብለን ነው፡፡
    • በሚሊዮን የሚቆጠር ዶላር ከአገር የምታሸሹት ለሕክምና ነው?
    • ክቡር ሚኒስትር ከሕክምናው ባሻገር መዝናናት አለ፣ ሾፒንግ አለ፣ ከዚያም በላይ የልጆች ትምህርት ቤት ክፍያ አለ፡፡
    • ልጆችህን እዚህ ለምን አታስተምርም?
    • እንዳይማሩማ የትምህርት ፖሊሲውን ገደላችሁት፡፡
    • እንዴት?
    • ክቡር ሚኒስትር እኔ እስከ አራተኛ ክፍል ነው የተማርኩት፣ ቢያንስ ልጆቼ ደህና ትምህርት ያግኙ ብዬ ነው ውጭ ልኬ የማስተምራቸው፡፡
    • ለዚህ ነው እዚህ የማታስተምራቸው?
    • እዚህ ያሉት ዩኒቨርሲቲዎች እኮ ልጄን መደባደብ ነው የሚያስተምሩት፡፡
    • አንተ ውጭ ልከህ ሌብነት አስተምረህ ታመጣዋለህ?
    • ስነግርዎት መቼም ቢሆን ልጄን እዚህ አላስተምርም፡፡
    • ለማንኛውም አሁን አንድ ነገር አስታወስከኝ፡፡
    • ምን ክቡር ሚኒስትር?
    • ስለሕክምና ስታወራ አንድ መድኃኒት እፈልግ ነበር፡፡
    • በእርግጠኝነት እዚህ አጡት ልበል?
    • መድኃኒቱ በጣም ውድ ሆነብኝ፣ በዚያ ላይ ትክክለኛነቱ ስላጠራጠረኝ እንድትረዳኝ አስቤ ነበር፡፡
    • ምን ልርዳዎት?
    • ያው አንተ በየጊዜው ከአገር ስለምትወጣ ለምን አታመጣልኝም?
    • የሞቀው ሙቅ ያኝካል አሉ፡፡
    • ምነው?
    • ብረዳዎት ደስ ይለኝ ነበር ግን አዝናለሁ፡፡
    • ምነው?
    • ዛሬ አደዋወሌ እኮ እሱን ላረዳዎት ነበር፡፡
    • ምኑን?
    • መውጣት ተከልክያለሁ፡፡
    • ከየት?
    • ከአገር!

    [ለክቡር ሚኒስትሩ አንድ የፓርላማ አባል ይደውልላቸዋል]

    • ኧረ ከጉድ ያውጡኝ ክቡር ሚኒስትር?
    • የምን ጉድ?
    • የማይሆን ስህተት ነው የሠራሁት፡፡
    • የምን ስህተት ነው?
    • በአቻዎቼ ግፊት ነው የተሳሳትኩት ክቡር ሚኒስትር፡፡
    • አንተን የሚያህል ሰውዬ ደግሞ በግፊት ይሳሳታል እንዴ?
    • ግራ ነው እኮ የሚገባው ክቡር ሚኒስትር፡፡
    • መጠጥ አጠጥተውህ ነው ወይስ ድራግ አስወስደውህ?
    • እሱ ይሻል ነበር፡፡
    • ምን ሆነህ ነው ታዲያ?
    • ተዋረድኩልዎት ክቡር ሚኒስትር፡፡
    • ምን ሆነህ?
    • ይኸው ሕዝቡ በቲቪ ተመለከተኝ፡፡
    • ምን ስታደርግ?
    • ለተቃውሞ እጆቼን ሳወጣ ነዋ፡፡
    • የት?
    • እዚያው ፓርላማ ነዋ፡፡
    • ምን እያልከኝ ነው?
    • በቃ እንቅልፍ መተኛት አቃተኝ ክቡር ሚኒስትር፡፡
    • ይኼን ያህል?
    • ክቡር ሚኒስትር የደወልኩት እኮ የእንቅልፍ ኪኒን እርስዎ ጋ አይጠፋም ብዬ ነው፡፡
    • ስማ አሁን እንቅልፍ የለም ጊዜው የሥራ ነው፣ ከፈለግክ ግን አንድ ሁለት ካርቶን ኪኒን አለኝ፡፡
    • እርስዎ ኪኒኑን መውሰድ ተው እንዴ?
    • ያኔ በምንሰርቅበት ወቅት ነበር የምንወስደው አሁን ተደምረናል፣ ሌብነት ትተናል፣ ሌት ተቀን ነው የምንሠራው፡፡
    • ክቡር ሚኒስትር እኔ እንደ አባት እንዲመክሩኝ ነው የምፈልገው፡፡
    • ምን ልምከርህ?
    • እንቅልፍ ነሳኝ ክቡር ሚኒስትር፡፡
    • ምኑ?
    • ሳልፈልግ ነው ክቡር ሚኒስትር፣ እዚያ ያሉ የእኛ ፓርቲ ሰዎች እንድቃወም የገፋፉኝ፡፡
    • ታዲያ ምኑ ነው ያስጨነቀህ?
    • በቃ በቲቪ ስለታየሁ ሕዝቡን ፈራሁት፡፡
    • ዛሬ ተቃውመክ ነገ ደግሞ ልትደግፍ ትችላለህ፡፡
    • ክቡር ሚኒስትር ወላዋይ ነው እባላለሁ፡፡
    • ይኼ እኮ መወላወል አይደለም መቃወም መብትህ ነው፡፡
    • እኔ ግን በጣም ነው የጨነቀኝ፡፡
    • ምን ነካህ ለወከልከው ሕዝብ ይጠቅማል የምትለውን ውሳኔ መወሰንህ የአንተ ዴሞክራሲያዊ መብት ነው፡፡
    • እሱስ እውነትዎትን ነው ግን የድሮው ሥርዓት አባዜ አሁንም አለቀቀኝም፡፡
    • ምን እያልክ ነው?
    • በድሮው ሥርዓት እኮ የተቃወመ ሰው ምን እንደሚደረግ ያውቃሉ?
    • አሁን መቃወም ፍፁም ዴሞክራሲያዊ መብትህ ነው፡፡
    • እሱን ግን መቀበል አቅቶኛል፡፡
    • ለምን?
    • ከዛሬ ነገ ይነሳል ብዬ በሥጋት ውስጥ ነኝ፡፡
    • ምኑ ነው የሚነሳው?
    • ያለመከሰስ መብቴ!

    [ከሰሞኑ ኩባንያቸው ከታገዱባቸው ባለሀብቶች መካከል አንዱ ደወለላቸው]

    • ምንድነው ክቡር ሚኒስትር?
    • ምኑ?
    • ምን እየሠራችሁ ነው?
    • ለውጡን እያሳለጥነው ነው፡፡
    • እኮ ለውጡ ወዴት እያመራ ነው?
    • ወደ ሰላም፣ ዕድገትና ብልፅግና ነዋ፡፡
    • አልመሰለኝም ክቡር ሚኒስትር፡፡
    • ምን ማለት ነው?
    • አሁንም ዕገዳ፣ እስር ምናምን አልተዋችሁም እንዴ?
    • አልገባኝም?
    • ጊዜው የፍቅርና የመደመር ነው እያላችሁ አይደል እንዴ የምትደሰኩሩት?
    • የምንደመረው እኮ ከትክክለኛ ኢትዮጵያዊና ቅን አመለካከት ካለው ጋር ነው፡፡
    • ግማሹን ደምሮ ግማሹን መቀነስ ምንድነው?
    • ከሌባውና ከአጭበርባሪው ጋር እንድንደመር ጠብቀህ ነበር?
    • ሁሉም እኮ ለአገሩ የተቻለውን አድርጓል፡፡
    • እዚህ ላይ እንዳትሳሳት፡፡
    • እንዴት ክቡር ሚኒስትር?
    • እንደፈለገ ሲዘርፍና ሲያዘርፍ ቆይቶ ተጠያቂነት ሲመጣ ለሕዝብ ስል ነው ያደረግኩት ቢል ተቀባይነት የለውም፡፡
    • እሱማ ልክ ነው፡፡
    • ስለዚህ ሌባውና አጭበርባሪው እስር ቤት መደመር ይችላል፡፡
    • ይህ ግን የሚያዋጣ መንገድ አይመስለኝም ክቡር ሚኒስትር?
    • አዋጪው ብቻ ሳይሆን አማራጭ የሌለው መንገድ ይኼ ብቻ ነው፡፡
    • ምነው እንደዚህ አመረራችሁ?
    • ከዚህ በላይ ሕዝቡ ላይ ሲቀለድ መመልከት አንችልም፡፡
    • ክቡር ሚኒስትር እኛም እኮ ሕዝብ ላይ መቀለድ አንፈልግም፡፡
    • ለመሆኑ ምን ፈልገህ ነው?
    • ይኸው ድርጅቴ ታግዷል፡፡
    • ለምን?
    • ከሕገወጥነት ጋር በተገናኘ ምርመራ እየተደረገብኝ ነው፡፡
    • የምን ሕገወጥነት?
    • እንደሚያውቁት ክቡር ሚኒስትር የሕዝቡን የቤት ጥያቄ ለመመለስ ብዬ ከምሠራቸው ሥራዎች አንዱ የሪል ስቴት ዘርፍ ነው፡፡
    • እሺ?
    • እናም ስንትና ስንት ሺሕ ሠራተኞችን ቀጥሬ የማሠራበት ድርጅት ታግዶ እየተጣራ ነው፡፡
    • ታዲያ በማጣራቱ ንፁህ ከሆንክ ሥራህን ትቀጥላለህ፡፡
    • ካልሆንኩስ ክቡር ሚኒስትር?
    • ካልሆንክማ ተገቢውን ቅጣት ታገኛለህ፡፡
    • ምን ማለት ነው ክቡር ሚኒስትር? እኔ እኮ ውጤታማ ድርጅት ነው ያለኝ?
    • እኮ ውጤታማ መሆን ያለብህ በሥራህ ነው እንጂ በሌብነት መሆን የለበትም፡፡
    • ክቡር ሚኒስትር ያችን ዝነኛ አባባል ረሷት ማለት ነው?
    • ምን ነበረች?
    • ከእያንዳንዱ ውጤታማ ድርጅት ጀርባ…
    • እ…
    • አንድ ከፍተኛ ባለሥልጣን አለ!

    [አንድ ጡረታ የወጡ አንጋፋ ፖለቲከኛ ለክቡር ሚኒስትሩ ደወሉ]

    • ሥልጣን የተመችዎ ይመስላል ክቡር ሚኒስትር?
    • ምን አሁን ሥራ በዝቶ መላወሻ የለንም፡፡
    • እንዴት?
    • አለቃችን የዋዛ አይደሉም ቅዳሜ አይሉ እሑድ 24 ሰዓት እንደ ማሽን ነው የምንሠራው፡፡
    • ሙሉ ለሙሉ ተደምረዋላ?
    • በቃ ማኅበራዊ ሕይወት የለ ዝም ብሎ እንደ ጀርመን ማሽን ሥራ ብቻ ነው፡፡
    • እርስዎም የቀድሞውን ሥርዓት እያጣጣሉ አሁን ነው ሥራ የተጀመረው እያሉኝ ነው?
    • ምን ጥያቄ አለው?
    • ይኼ ሁላ ሾው ግን ምንድነው? ማስፈራሪያ ነው ወይስ ድንፋታ?
    • አልገባኝም?
    • መንግሥት ሥራው ሰርከስ መመልከት ነው?
    • ምን ነካህ ወዳጄ ወታደራዊ ኃይልን ማሳየት እኮ በየትኛውም አገር የተለመደ ነው፡፡
    • እኛ እንደ ማስፈራሪያ ነው የተመለከትነው፡፡
    • እናንተ ደግሞ ያልጣማችሁን ነገር ማብጠልጠል ታውቁበታላችሁ፡፡
    • ክቡር ሚኒስትር እርስዎ እኮ የእኛን ጥቅም ያስጠብቃሉ ብለን እናስብ ነበር፡፡ እንደዚህ መባባል ጀመርን?
    • እኔ የሕዝብን ጥቅም ላስጠብቅ ነው የቆምኩት፡፡
    • ክቡር ሚኒስትር ከዳተኛ መሆንዎ አይገርምም፡፡ በፊት ከእኛ ጋር እያሉ ከእኛ ጋር ያጨበጭቡ ነበር፡፡
    • እናንተ ግን በማጨብጨቡ ቀጠላችኋ? እኔ ግን ጭብጨባውን ትቼ ወደ ሥራ ገባሁ፡፡
    • ክቡር ሚኒስትር ይኼ ሁሉ ድንፋታ ግን አስፈላጊ አልነበረም፡፡
    • የተለያዩ ባለሥልጣናት ላይ እኮ የደኅንነት ሥጋት ስላለ እሱን ለመመከት ነው፡፡
    • የሚያሳዝነው ያ ሁሉ ጀበና ሲያልቅ ዝም ተብሎ መታየቱ ነው፡፡
    • ቆይ ቆይ እርጅና ነው ወይስ የለቀቀ ብሎን አለ?
    • ይኼ ከእርጅና ጋር የሚገናኝ አይደለም፣ እናንተ ለአገር ሀብት እንጨነቃለን ትላላችሁ አይደል?
    • በሚገባ እንጂ?
    • ታዲያ ያ ሁሉ ጀበና ሲያልቅ ዝም ማለታችሁ ያሳዝናል፡፡
    • እንግዲህ እንደለመዳችሁት ፍትሕ ለጀበናም ብላችሁ ሠልፍ እንዳትወጡ?
    • እኛማ የምናደርገውን እናውቃለን፡፡
    • ምን ልታደርጉ?
    • በሚቀጥለው ምርጫ በሙሉ ኃይል ተደራጅተን እንመጣለን፡፡
    • ምን ለመሆን?
    • ተቃዋሚ ፓርቲ ሆኖ ለመወዳደር፡፡
    • ይቅናችሁ፡፡
    • እንዲያውም የምርጫ ምልክታችን ምን እንደሚሆን ያውቃሉ?
    • ምን?
    • ጀበና!

    በብዛት የተነበቡ ፅሁፎች

    ከአማራ ክልል ወደ አዲስ አበባ የሚጓዙ በርካታ ሰዎች ወደ ከተማዋ እንዳይገቡ በፖሊስ መከልከላቸውን ገለጹ

    ‹‹የኦሮሚያ ክልል መፍትሔ እንዲሰጥበት አሳውቀናል›› የአማራ ክልል ኮሙዩኒኬሽን ቢሮ ‹‹ጉዳዩ...

    የተጨማሪ እሴት ታክስ አዋጅን የሚተካ ረቂቅ ተዘጋጀ

    ከቫት ነፃ የነበረው የኤሌክትሪክ ኃይል ገደብ ተቀመጠለት የገንዘብ ሚኒስቴር ከሃያ...

    የአገር ውስጥ የፍራፍሬ ገበያን ፍላጎት ይሸፍናል የተባለለት የብላቴው እርሻ ልማት

    መንግሥት የግብርና ምርታማነትና የፍራፍሬ ምርትን ለማሳደግ በ‹‹አረንጓዴ አሻራ›› በሚል...

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...
    - Advertisment -

    ትኩስ ፅሁፎች

    የመጻሕፍት ቡፌ

     ሕፃናትና ወጣቶች የትምህርት ዕረፍታቸውን ከትምህርት አጋዥ በተጨማሪ ልብ ወለድ፣...

    የእናት ጡት ወተት የመጀመርያው የሕይወት ክትባት

    የኮቪድ-19 ወረርሽኝ በዓለም ላይ ዘርፈ ብዙ ተግዳሮቶችን አስከትሏል፡፡ ከዚህ...

    ቻይናና ታይዋን የተወዛገቡበት የናንሲ ፔሎሲ የታይዋን ጉብኝት

    የአሜሪካ ምክር ቤት አፈ ጉባዔ ናንሲ ፔሎሲ ታይዋንን ለመጎብኘት...

    የአፍሪካ የቴክኖሎጂ ኤክስፖ 13 የቴክኖሎጂ ዘርፎችን አካቶ ሊካሄድ ነው

    አሥራ ሦስት የተለያዩ የቴክኖሎጂ ዘርፎችን ያካተተ የአፍሪካ የቴክኖሎጂ ኤክስፖ...

    ‹‹ምዕራባውያን አፍሪካውያንን ለማዘዝ የሚያሳዩት ፍላጎት ተቀባይነት የለውም››

    የደቡብ አፍሪካ የውጭ ጉዳይ ሚኒስትር ናሌዲ ፓንደር የአሜሪካ የውጭ...
    spot_img

    ተዛማጅ ፅሁፎች

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ...

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው። ክቡር ሚኒስትር... እሺ ...ቀጥል አመሰግናለሁ ክቡር ሚኒስትር። መደበኛ አጀንዳው እንደተጠበቀ...

    [ክቡር ሚኒስትሩ ወደ መኖሪያ ቤታቸው ሲገቡ ባለቤታቸው የኢትዮጵያ አትሌቶች በዓለም ሻምፒዎና መንገሣቸውን እያነሱ ደስታቸውን ሲገልጹ አገኟቸው]

    እሰይ አገሬ... እሰይ አገሬ እልልል ምን ተገኘ ደግሞ ዛሬ? የአትሌቶቻችንን ድል ነዋ! በክፉ ሲነሳ የቆየውን የአገራቸውን ስም በወርቅ እያደሱ እኮ ነው?  አየሽ፣ መንግሥት የአገራችን ችግር ያልፋል ስሟም...