Tuesday, August 16, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትሩ ለደላላ ወዳጃቸው ስልክ ደወሉ

    [ክቡር ሚኒስትሩ ቢሮ ሲገቡ ከጸሐፊያቸው ጋር ተገናኙ]     

    • አንቺ ምን አደረኩሽ?
    • ምነው ክቡር ሚኒስትር?
    • ያስቀየምኩሽ ነገር አለ እንዴ?
    • ኧረ በፍጹም፡፡
    • እውነቱን ንገሪኝ?
    • ኧረ የለም፣ ምነው ክቡር ሚኒስትር?
    • ታዲያ ለምን አልነገርሽኝም?
    • ምኑን ክቡር ሚኒስትር?
    • ሰው ሁሉ አይደል እንዴ የሰማው?
    • እኮ ምኑን?
    • ኮንዶሚኒየም ቤት እንደደረሰሽ ነዋ፡፡
    • እ… እሱን ነው፡፡
    • ታዲያ ምን አድርጌሽ ነው?
    • ኧረ ምንም ክቡር ሚኒስትር፡፡
    • ይኼን የመሰለ ደስታ ለምን አላካፈልሽኝም ታዲያ?
    • ደስታ ነው ብለው ነው ክቡር ሚኒስትር?
    • ከቤት በላይ ምን ደስታ አለ ብለሽ ነው?
    • እሱስ ልክ ነበሩ፡፡
    • ታዲያ ምንድነው የምትይው?
    • ደስታችን ላይ ውኃ ቸለሱበት እንጂ፡፡
    • ማን ነው ውኃ የቸለሰበት?
    • የክልሉን መንግሥት መግለጫ አላዩትም እንዴ?
    • እሱንማ አይቼዋለሁ፡፡
    • ታዲያ ደስታችን ላይ ውኃ ከዚህ በላይ እንዴት ይቸልሱበት?
    • ቆይ ተረጋጊ፡፡
    • አሁንማ ተፋስ ቆረጥኩ፡፡
    • ለምን ትቆርጫለሽ?
    • ክቡር ሚኒስትር መግለጫው እኮ ስለኮዬ ፈጬ ብቻ አይደለም፡፡
    • ሌላ ምን አለበት ደግሞ?
    • ስለ ኮልፌና ቀጨኔ ነዋ፡፡
    • መቼም አንቺ ነገረኛ ነሽ፡፡
    • ክቡር ሚኒስትር መግለጫው እኮ አዲስ አበባም የእኛ ናት ይላል፡፡
    • እሱማ ሰሞነኛ ፖለቲካ ነው፡፡
    • ለእኛ ግን ፖለቲካ ሳይሆን ሥጋት ነው፡፡
    • ብዙ አትሥጊ፡፡
    • ክቡር ሚኒስትር እኔ ሁሉን ነገር እርግፍ አድርጌ ትቼዋለሁ፡፡
    • ምን እያልሽ ነው?
    • ይኸው እኔማ ቤት ደረሰኝ ብዬ ዕቁብም ተቀብዬ ነበር፡፡
    • ሁለተኛ የደስ ደስ ገጥሞሻላ፡፡
    • ምን ያደርጋል ክቡር ሚኒስትር?
    • ምነው?
    • ዕቁቡን የተቀበልኩት እኮ የቤት ዕቃ ለመግዛት ነበር፡፡
    • ገዛሽበት ታዲያ?
    • እንዴት አድርጌ?
    • ምነው?
    • እኔማ ቤቱን እረከባለሁ ብዬ ነበር ዕቃ ለመግዛት ያሰብኩት፡፡
    • አሁን ተውሽው ታዲያ?
    • መግለጫው እኮ ከባድ ነው፡፡
    • ፖለቲካ ነው ስልሽ፡፡
    • ክቡር ሚኒስትር ፖለቲካ ብቻ አይመስለኝም፡፡
    • እንዴት?
    • ቤቱን ላይ ስሄድ የሰማሁት ተስፋ አስቆረጠኝ፡፡
    • ምን ሰማሽ?
    • መቼ ዕለት ሄጄ ስጎበኝ የአካባቢው ወጣቶች ምን እንዳሉኝ ያውቃሉ?
    • ምን አሉሽ?
    • ቤቱ የማን እንደሆነ ጠየቁኝ፡፡
    • የእኔ ነው አልሻቸው?
    • እንደዚያ ስላቸው ምን ቢሉኝ ጥሩ ነው?
    • ምን አሉሽ?
    • የእኛ ነው!

    [ክቡር ሚኒስትሩ አንድ ባለሀብት ጋ ይደውላሉ]

    • ሰላም ክቡር ሚኒስትር፡፡
    • እንዴት ነህ ወዳጄ?
    • ዛሬ ከየት ተገኙ?
    • እኔ እኮ ሁሌም ላገኝህ እየፈለኩ ሥራ ስለሚበዛብኝ ነው፡፡
    • ምነው በሰላም?
    • እንደው ስለአጠቃላይ ሁኔታው እንድንነጋገር ብዬ ነው፡፡
    • ስለምኑ ክቡር ሚኒስትር?
    • ስለአገራችን ነዋ፡፡
    • አገራችንማ አስቸጋሪ ሁኔታ ላይ ናት፡፡
    • ምን ሆነች?
    • መቼም ከአገር አልወጡም አይደል?
    • የት እወጣለሁ ብለህ ነው?
    • ታዲያ እዚሁ ከሆኑማ የችግር መፈልፈያ ሆናለች አይደል እንዴ?
    • ተው አታሟርትባት፡፡
    • እያሟረትኩባት አይደለም፡፡
    • ምን እያደረክ ነው ታዲያ?
    • ሀቁን ነው የነገርኩዎት ክቡር ሚኒስትር፡፡
    • አንተ እኮ ቢያንስ ባለሀብት ነህ፡፡
    • ብሆንስ ክቡር ሚኒስትር?
    • አንተ የምታማርር ከሆነ ሌላው ምን ይበል?
    • እሱንማ ሳስበው እንደው መሬት ተከፍቶ በዋጠኝ ነው የምለው፡፡
    • ምን ሆነሃል?
    • እውነቴን ነው ክቡር ሚኒስትር፡፡
    • ይኼን ያህል ምንድነው ያማረረህ?
    • ክቡር ሚኒስትር ምንም ዓይነት እንቅስቃሴ ማድረግ አልቻልንም እኮ፡፡
    • የፖለቲካ እንቅስቃሴ ጀመርክ እንዴ?
    • ወዴት ወዴት ክቡር ሚኒስትር?
    • የምን እንቅስቃሴ ነው ታዲያ?
    • ኢኮኖሚው ምንም እየተንቀሳቀሰ አይደለም፡፡
    • አንቀሳቅሱታ ታዲያ፡፡
    • ቀልደኛ ነዎት ክቡር ሚኒስትር፡፡
    • የምን ቀልድ ነው?
    • አካላዊ እንቅስቃሴ አይደለም እኮ ያልኩዎት፡፡
    • ባይሆን አንተ ነህ ቀልደኛው፡፡
    • የምሬን ነው ክቡር ሚኒስትር፣ ሥራችን ቆሟል ማለት ይቻላል፡፡
    • ለምን?
    • ዶላር የለም፡፡
    • አሁን ይኼን ሁሉ ችግር የምታወራው ግዛኝ እንዳልልህ ነው፡፡
    • ምንድነው የምገዛዎት?
    • ትኬቱን ነዋ፡፡
    • የቱን ትኬት?
    • የእራቱን ትኬት ነዋ፡፡
    • የባለአምስት ሚሊዮን ብሩን?
    • እህሳ፡፡
    • እየቀለዱ መሆን አለበት፡፡
    • የምን ቀልድ ነው?
    • ሥራ ምንም የለም እያልኩዎት፡፡
    • ትኬቱን ከገዛህ ሥራው ይመጣል፡፡
    • እንዴት አድርጎ?
    • ይለቀቅልሃላ፡፡
    • ምኑ?
    • ዶላሩ!

    [ለክቡር ሚኒስትሩ አንድ ባለሥልጣን ስልክ ደወለላቸው]

    • ሰለም ክቡር ሚኒስትር፡፡
    • እንዴት ነህ ባክህ?
    • ሥራ እንዴት ነው?
    • ይኸው ወጥረናል፡፡
    • እዛም ሆቴል ቀሩ እኮ፡፡
    • ሥራው መቼ ያስቀምጣል ብለህ ነው?
    • እሱማ አውቃለሁ፡፡
    • ከላይ ከላይ እኮ ነው የሚጨመርብኝ፡፡
    • በለውጡ እንቅልፍ የለም ተብሏል፡፡
    • ለውጡ እንዳይቀለበስ ሌት ተቀን እየሠራን ነው፡፡
    • ክቡር ሚኒስትር እኔ ለውጡን ለማሳለጥ የአቅሜን እየጣርኩ ነው፡፡
    • እንደዚህ እጅ ለእጅ ካልተያያዝን ረዥም ርቀት መጓዝ አንችልም፡፡
    • የኢኮኖሚው ጉዳይ ግን እያሳሰበኝ ነው፡፡
    • ምኑ ነው ያሳሰበህ?
    • ሁሉም ነገር ተቀዛቅዟል እኮ ክቡር ሚኒስትር፡፡
    • ይኸው እኛም ትንሽ እናሟሙቀው ብለን እኮ ፕሮጀክቶችን ጀምረናል፡፡
    • ምን ዓይነት ፕሮጀክት?
    • ሸገርን የማስዋብ ነዋ፡፡
    • ዛሬ አደዋወሌ ስለእሱ ለማውራት ነበር፡፡
    • ስለምኑ ለማውራት?
    • ስለእራት ግብዣው ነዋ፡፡
    • ምን ልትለኝ ፈልገህ?
    • የእራት ግብዣው አስተባባሪ ኮሚቴ መሆንዎትን ሰምቻለሁ፡፡
    • ትክክል ነው፡፡
    • ያው የለውጡ ደጋፊ መሆኔን ያውቃሉ አይደል?
    • አልገባኝም?
    • አዲስ አበባችን ሁሌም የመናፈሻ ቦታዎች እንዲኖሯት እፈልግ ነበር፡፡
    • ፕሮጀክቱም ያንን ሐሳብ ለመደገፍ ነው የታቀደው እኮ፡፡
    • እንዲያው አንድ ነገር ላስቸግርዎት ነበር፡፡
    • ምንድነው የምታስቸግረኝ?
    • ይህ ታሪካዊ ግብዣ እንዲያመልጠኝ አልፈልግም፡፡
    • ምን እያልከኝ ነው?
    • አንድ ትኬት ቢሰጡኝ ብዬ ነበር፡፡
    • የእራቱን?
    • አዎን ክቡር ሚኒስትር፡፡
    • ዋጋው አምስት ሚሊዮን ብር መሆኑን ረሳኸው?
    • ኧረ አውቃለሁ ክቡር ሚኒስትር፡፡
    • ታዲያ ከየት አምጥተህ ትከፍላለህ?
    • በዱቤ እንዲሰጡኝ ነው፡፡
    • በዱቤ?
    • አዎን በዱቤ ክቡር ሚኒስትር፡፡
    • በዱቤስ ቢሆን ከየት አምጥተህ ትከፍለዋለህ?
    • በጥቂት ወራት እንደምከፍለው እርግጠኛ ነኝ፡፡
    • እኮ ከየት አምጥተህ?
    • በቅርቡ መሥራቴ አይቀርም፡፡
    • ምን?
    • ሙስና!

    [ክቡር ሚኒስትሩ ለደላላ ወዳጃቸው ስልክ ደወሉ]

    • ሰላም ወዳጄ፡፡
    • እንዴት ነዎት ክቡር ሚኒስትር?
    • ጠፋህ እኮ፡፡
    • ኧረ እርስዎ ነዎት የጠፉብኝ፡፡
    • ምን ላድርግ ብለህ ነው፡፡
    • ምነው ክቡር ሚኒስትር?
    • ዕዳ ውስጥ ገብቼ ነዋ፡፡
    • የምን ዕዳ?
    • የቲኬት ነዋ፡፡
    • የምን ቲኬት?
    • የእራቱ ነዋ፡፡
    • ቲኬት ሸጠው ብሩን አጠፋሁት እንዳይሉኝ?
    • እሱ ቢሆን ይሻለኝ ነበር፡፡
    • ታዲያ ምን ሆኑ?
    • የሚገዛኝ አጣሁ፡፡
    • ምንም አልሸጡም፡፡
    • ከየት መጥቶ?
    • ምነው?
    • ሰው ሁሉ ችግር ነው የሚያወራው፡፡
    • ለነገሩ እንቅስቃሴ ሁሉ ተዳክሟል፡፡
    • ኧረ አንተ እንኳን አበረታታኝ፡፡
    • ምን ተሻለ ታዲያ?
    • እንድታግዘኝ ነው የደወልኩት፡፡
    • ምን ላግዝዎት?
    • ትኬቱን ሽጥልኝ፡፡
    • እርስዎን ያልገዙዎት እኔን ማን ይገዛኛል ብለው ነው?
    • አንተ እንደምትሸጠውማ እርግጠኛ ነኝ፡፡
    • እንዴት ክቡር ሚኒስትር?
    • ይታሰብልሃል፡፡
    • ምን ክቡር ሚኒስትር?
    • ኮሚሽን፡፡
    • ስንት ፐርሰንት
    • 10 ፐርሰንት!

    በብዛት የተነበቡ ፅሁፎች

    ባንኮች እንዲዋሀዱ እስከ ማስገደድ ሊገባ እንደሚችል ብሔራዊ ባንክ ጠቆመ

    በአሁኑ ወቅት የባንኮች ቁጥር እየጨመረ መምጣቱ ችግር የሚሆንና የውጭ...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...

    አዲስ አበባ እንዳይገቡ በተከለከሉ ዜጎች ጉዳይ የኦሮሚያና አማራ ክልሎች ተወያይተው ችግሩ እንዲፈታ አደረጉ

    ለሳምንታት በርካታ ቅሬታ ሲነሳበት የነበረውና ከአማራ ክልል በደብረ ብርሃን...
    - Advertisment -

    ትኩስ ፅሁፎች

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...
    spot_img

    ተዛማጅ ፅሁፎች

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ...

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው። ክቡር ሚኒስትር... እሺ ...ቀጥል አመሰግናለሁ ክቡር ሚኒስትር። መደበኛ አጀንዳው እንደተጠበቀ...