Friday, August 19, 2022
ሌሎች ዓምዶች
    - Advertisement -
    - Advertisement -
    ዜናየጃፓን መንግሥት ለቀጣዩ ምርጫ የሚሆን ሦስት ሚሊዮን ዶላር ድጋፍ ሊያደርግ ነው

    የጃፓን መንግሥት ለቀጣዩ ምርጫ የሚሆን ሦስት ሚሊዮን ዶላር ድጋፍ ሊያደርግ ነው

    ቀን:

    የጃፓን መንግሥት በኢትዮጵያ በ2012 ዓ.ም. ይካሄዳል ተብሎ የሚጠቀበውን ጠቅላላ ምርጫ ለመደገፍ ከተባበሩት መንግሥታት የልማት ፕሮግራም (ዩኤንዲፒ) ጋር የሦስት ሚሊዮን ዶላር የድጋፍ ስምምነት፣ ሐሙስ ነሐሴ 9 ቀን 2011 ዓ.ም. እንደሚፈራረም ታወቀ፡፡

    የተባበሩት መንግሥታት የልማት ድርጅት (ዩኤንዲፒ) ‹‹የኢትዮጵያን ዴሞክራሲ ለማጠንከር ምርጫን መደገፍ›› በተሰኘ ፕሮግራም በተለያዩ ከምርጫ ጋር ተያያዥ በሆኑ ጉዳዮች የኢትዮጵያ ብሔራዊ ምርጫ ቦርድን እየደገፈ የሚገኝ ሲሆን፣ የጃፓን መንግሥት ድጋፍም በዚህ ማዕቀፍ ውስጥ ግልጽ የሆኑ የምርጫ ኮሮጆዎችንና የጣት ላይ ምልክት ማድረጊያ ቁሳቁሶችን ለመግዛትና በአገሪቱ የተለያዩ ክፍሎች ለማጓጓዝ የሚውል እንደሆነ ተጠቅሷል፡፡

    የምርጫ ቁሳቁሶቹ መሟላት በዓለም አቀፍ ደረጃ በተቀመጡ መሥፈርቶች መሠረት በኢትዮጵያ በቀጣይ ዓመት ይካሄዳል ተብሎ የሚጠበቀውን ምርጫ፣ ታማኝና ግልጽ ለማድረግ የሚደረገውን ጥረት ለመደገፍ እንደሆነም እንዲሁ ተገልጿል፡፡

    ሐሙስ ዕለት በተባበሩት መንግሥታት ድርጅት የአፍሪካ ኢኮኖሚ ኮሚሽን (UNECA) ቅጥር ግቢ ውስጥ እንደሚከናወን ዕቅድ የተያዘለት የስምምነት ሥነ ሥርዓት ላይ በመገኘት የምርጫ ቦርድ ሰብሳቢ ወ/ሪት ብርቱካን ሚደቅሳ፣ የጃፓን አምባሳደር ዳኢሱኬ ማትሱናጋና የዩኤንዲፒ ተወካይ ቱርሀን ሳሌህ እንደሚፈራረሙ ታውቋል፡፡

    ከዚህ ቀደም የአየርላንድ መንግሥት ለመጪው ምርጫ የሚውል 700,000 ዩሮ ድጋፍ ማድረጉ ይታወሳል፡፡ በተመሳሳይ የእንግሊዝ መንግሥት የውጭ ጉዳይ ሚኒስትር ጀረሚ ሃንት በኢትዮጵያ ያደረጉትን ጉብኝት ተከትሎ፣ ለምርጫ ድጋፍ የሚሆን 15.5 ሚሊዮን ፓውንድ በዩኤንዲፒ በኩል መለገሳቸው እንዲሁ የሚታወስ ነው፡፡

    የእንግሊዝ መንግሥት ለዚህ ዓላማ ከተገኙ የአጋር አገሮች ድጋፍ ከየትኛውም አገር ከተገኘው ትልቅ ነው፡፡ ለዚህ ፕሮግራም 11 አጋር አገሮች ድጋፍ እንደሚያደርጉ የሚጠበቅ ሲሆን፣ ከእነዚህም ውስጥ ስምንቱ ምን ያህል ድጋፍ እንደሚያደርጉ ገልጸዋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...