Tuesday, August 9, 2022
ሌሎች ዓምዶች
    - Advertisement -
    - Advertisement -
    ዜናለሲዳማ ሕዝበ ውሳኔ ከተገመተው በላይ መራጮች መመዝገባቸው ተገለጸ

    ለሲዳማ ሕዝበ ውሳኔ ከተገመተው በላይ መራጮች መመዝገባቸው ተገለጸ

    ቀን:

    ኅዳር 10 ቀን 2012 ዓ.ም. ለሚካሄደው የሲዳማ ሕዝበ ውሳኔ ለመምረጥ ይመዘገባሉ ተብሎ ከተገመቱ በላይ መራጮች መመዝገባቸውን፣ የሲዳማ ዞን ዋና አስተዳዳሪ አቶ ደስታ ሌዳሞ ለሪፖርተር አስታወቁ፡፡

    የሕዝበ ውሳኔው የመራጮች ምዝገባ ከጥቅምት 27 ቀን 2012 ዓ.ም. ጀምሮ በመካሄድ ላይ የሚገኝ ሲሆን፣ የሚጠናቀቀውም የፊታችን ቅዳሜ ኅዳር 6 ቀን 2012 ዓ.ም. ነው፡፡

    ‹‹እስካሁን ድረስ [ማክሰኞኅዳር 2 ቀን 2012 ዓ.ም.] የተመዘገቡት መራጮች ቁጥር ከተገመተው በላይ ነው፡፡ ምዝገባው ሲጀመር የምርጫ ቦርድ ግምት በ2007 ዓ.ም. ምርጫ ወቅት በሲዳማ ዞን ከተሳተፉ የአሥር በመቶ ብልጫ እንደሚኖረው ነበር፡፡ ይህም ማለት ወደ 1.7 ሚሊዮን ገደማ ነው፡፡ ነገር ግን እስከ ዛሬ ድረስ ሐዋሳን ጨምሮ የተመዘገቡ መራጮች ሁለት ሚሊዮን ደርሰዋል፤›› ሲሉ ዋና አስተዳዳሪው አስረድተዋል፡፡

    የምዝገባው ሒደት ለመጠናቀቅ ከሚቀሩት ቀናት አንፃር የመራጮች ቁጥር ከተገመተው በከፍተኛ ሁኔታ ሊጨምር እንደሚችልም ገልጸዋል፡፡

    እየተካሄደ ባለው የመራጮች ምዝገባና የቅስቀሳ ሒደት ያጋጠመ የፀጥታ ችግር እንደሌለ የገለጹት ዋና አስተዳዳሪው፣ በዚሁ ሁኔታ እስከ ምርጫው ዕለትና ከምርጫውም በኋላ ሒደቱ በሰላም እንደሚጠናቀቅ ያላቸውን እምነት ገልጸዋል፡፡

    ለሲዳማ ሕዝበ ውሳኔ 15 የማስተባበሪያ ማዕከላት መቋቋማቸውን፣ በአንድ ማዕከልም እንደየ ሁኔታው ከሁለት እስከ ሦስት ወረዳዎች እንዲካተቱ መደረጉን መዘገባችን ይታወሳል፡፡

    በዚህም መሠረት 1,692 የመራጮች ምዝገባ ጣቢያዎች የተዘጋጁ ሲሆን፣ በእነዚህ ጣቢያዎች የተለያዩ ሥራዎችን የሚያከናውኑና ሕዝበ ውሳኔውን የሚያስፈጽሙ ስድስት ሺሕ የምርጫ አስፈጻሚዎች ተመድበው ሥራቸውን እያከናወኑ እንደሆነም መዘገቡ የሚታወስ ነው፡፡

    በዚህ ሕዝበ ውሳኔ ድምፅ ሰጪዎች ሲዳማ ራሱን ችሎ ክልል ይሁን፣ ወይም ደግሞ የደቡብ ክልል አካል ሆኖ ይቀጥል በሚለው ላይ ድምፅ ይሰጣሉ፡፡ የሲዳማ የክልልነት ጥያቄ በበርካታ ውዝግቦችና ግጭቶች ውስጥ ማለፉ የሚታወስ ሲሆን፣ በተለይ ሐምሌ 11 ቀን 2011 ዓ.ም. ተከስቶ የነበረው ግጭት የበርካታ ዜጎችን ሕይወት መቅጠፉ አይዘነጋም፡፡

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...