Tuesday, August 9, 2022
ሌሎች ዓምዶች
    - Advertisement -
    - Advertisement -
    ማኅበራዊበአዲስ አበባ ከአምስት ሺሕ በላይ የዩኒቨርሲቲ ምሩቃንን ሊቀጠሩ ነው

    በአዲስ አበባ ከአምስት ሺሕ በላይ የዩኒቨርሲቲ ምሩቃንን ሊቀጠሩ ነው

    ቀን:

    በሔለን ተስፋዬ

    በአዲስ አበባ በተጀመሩ ፕሮጀክቶች የሚሳተፉ ከአምስት ሺሕ በላይ የዩኒቨርሲቲ ምሩቃንን ወደ ሥራ እንደሚያስገባ የአዲስ አበባ ከተማ አስተዳደር አስታወቀ፡፡

    የከተማው ፕሬስ ሴክሬተሪያት ጽሕፈት ቤት ምክትል ኃላፊ አቶ ነስረዲን ሙሐመድ ኅዳር 3 ቀን 2012 ዓ.ም. በሰጡት መግለጫ ከ20 ሺሕ በላይ የጋራ መኖሪያ ቤቶችና አሥር ኪሎ ሜትር የመንገድ ፕሮጀክቶች መጀመራቸውን አስታውሰው፣ ፕሮጀክቶቹ ከከተማዋ ገጽታ ግንባታ በተጨማሪ፣ ለበርካታ ሥራ አጥ ምሩቃን የሥራ ዕድል እንደሚፈጥሩ ተናግረዋል፡፡

    በከተማዋ የተከናወኑ ዋና ዋና ተግባራንና ለአዳዲስ የዩኒቨርሲቲ ምሩቃን የሥራ ዕድል ማመቻቸቱን ያወሱት ምክትል ኃላፊው፣ በከተማዋ የሚታየውን የአገልግሎት አሰጣጥ ችግሮችን ለመፍታት ከተለያዩ ከፍተኛ ትምህርት ተቋማት በቅርብ የተመረቁ ተማሪዎችን ወደ መንግሥት ሥራ የማስገባቱ ሒደት እየተከናወነ መሆኑን ገልጸዋል፡፡

    የከተማ አስተዳደሩ ባስቀመጠው የሥራ ዕድል ፈጠራ አቅጣጫ መሠረት የዩኒቨርሲቲ ምሩቃንን ወደ መንግሥት ሥራ ለማስገባት ጥረት እያደረገ መሆኑን የአዲስ አበባ ከተማ ፐብሊክ ሰርቪስና የሰው ሀብት ልማት ቢሮ ምክትል ኃላፊ ወ/ሮ ነጂባ አክመል ገልጸዋል፡፡

    ቢሮው ሰሞኑን ባወጣው የሥራ ቅጥር ማስታወቂያም ተቋማት የሚሰጡትን አገልግሎት ለማቀላጠፍና የከተማዋን ወጣቶች የሥራ ዕድል ተጠቃሚ ለማድረግ የታለመ መሆኑንም አክለዋል፡፡

    ሥራ አጥ የዩኒቨርሲቲ ምሩቃን በተደረገው ጥሪ መሠረት እየተመዘገቡ ሲሆን፣ እጅግ ከፍተኛ ቁጥር ያላቸው ወጣቶች ተመዝግበው ተሠልፈው እንደነበረ ሪፖርተር ለመታዘብ ችሏል፡፡

    በስም ቅደም ተከተል እንዲመጡ መነገሩን፣ ካለው ተመዝጋቢ ብዛት አንጻር ሥራውን የማግኘት ዕድላቸው አናሳ መሆኑን ተሠልፈው ያገኘናቸው አንዳንድ ወጣቶች ነግረውናል፡፡

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...