Thursday, August 18, 2022
ሌሎች ዓምዶች
    - Advertisement -
    - Advertisement -
    ስፓርትኢትዮጵያ በሴቶች ብስክሌት በቀጣዩ ቶኪዮ ኦሊምፒክ ትሳተፋለች

    ኢትዮጵያ በሴቶች ብስክሌት በቀጣዩ ቶኪዮ ኦሊምፒክ ትሳተፋለች

    ቀን:

    ኢትዮጵያ በ2020 ቶኪዮ ኦሊምፒክ ከአትሌቲክስ ቀጥሎ በሴቶች ብስክሌት እንደምትወከል የኢትዮጵያ ኦሊምፒክ ኮሚቴ አስታወቀ፡፡ የዓለም አቀፍ ብስክሌት ፌዴሬሽን (ዩሲአይ) ማረጋገጫውን ለብሔራዊ ብስክሌት ፌዴሬሽኑ የላከ ስለመሆኑ ጭምር ታውቋል፡፡

    ብሔራዊ ኦሊምፒክ ኮሚቴው የላከው መግለጫ እንደሚያብራራው ከሆነ፣ ዓለም አቀፉ ተቋም ኢትዮጵያ በሴቶች ብስክሌት ለጎዳና ላይ ውድድር ብቁ የሚያደርጋትን ሰዓት (ሚኒማ) አሟልታለች፡፡ ተቋሙ የመግቢያ ሰዓቱን (ሚኒማውን) በሚመለከት አትሌቶቹ በቅርቡ በሞሮኮ ራባት የተከናወነው የመላው አፍሪካ ጨዋታዎችን ጨምሮ በሌሎችም አገሮች ባደረጓቸው ውድድሮች ያስመዘገቧቸው ነጥቦች ድምር ውጤት ታይቶ መሆኑ መግለጫው ያስረዳል፡፡

    ይህንኑ የኢትዮጵያ ብስክሌት ፌዴሬሽን ፕሬዚዳንት አቶ ወርቁ ገዳ አረጋግጠዋል፡፡ እንደ ፌዴሬሽኑ ፕሬዚዳንት ከሆነ፣ ብሔራዊ ብስክሌት ፌዴሬሽኑ በሁለቱም ጾታ ለ2020 ቶኪዮ ኦሊምፒክ ተሳትፎ ይኖረው ዘንድ ጠንክሮ እየሠራ ነው፡፡ እስከ አሁን ባለው ኢትዮጵያ በሴቶች ብስክሌት በጎዳና ላይ ውድድር በአንድ ተወካይ እንደምትሳተፍ ማረጋገጫ ሰጥቷል፡፡ ይሁንና ዓለም አቀፉ ተቋም ተሳትፎ የሚኖራቸውን አገሮች ካልሆነ የአትሌቶቹን ማንነት አለማሳወቁን ጭምር ተናግረዋል፡፡

    በቅርቡ በሞሮኮ ራባት በተከናወነው የመላው አፍሪካ ጨዋታዎች ኢትዮጵያ በሴቶች ብስክሌት በቡድን የነሐስ ሜዳሊያ ማስመዝገቧ ይታወሳል፡፡ እንደ አቶ ወርቁ ከሆነ፣ ወንዶች በጥቃቅን ስህተቶች ከሜዳሊያ ውጪ ቢሆኑም፣ በውድድር ዓመቱ በተለያዩ አገሮች በተደረጉ ውድድሮች ባስመዘገቧቸው ነጥቦች ኢትዮጵያ ከአፍሪካ አገሮች ስድስተኛ ደረጃ ላይ ትገኛለች፡፡

    የኢትዮጵያ ኦሊምፒክ ኮሚቴ በበኩሉ፣ ተቋሙ ከአትሌቲክስ በተጨማሪ በሌሎችም ስፖርቶች የአገሪቱን ተሳትፎ ከፍ ለማድረግ ከፋይናንስ ድጋፍ ጀምሮ አስፈላጊውን እገዛ እንደሚያደርግም አስታውቋል፡፡   

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...