Sunday, August 7, 2022
ሌሎች ዓምዶች
    - Advertisement -
    - Advertisement -
    ዜናኢዴፓና ሁለት ተቃዋሚ ፓርቲዎች አብሮነት የተሰኘ ትብብር መሠረቱ

    ኢዴፓና ሁለት ተቃዋሚ ፓርቲዎች አብሮነት የተሰኘ ትብብር መሠረቱ

    ቀን:

    የኢትዮጵያውያን ዴሞክራሲያዊ ፓርቲ (ኢዴፓ)፣ ኅብረ ኢትዮጵያ ዴሞክራሲያዊ ፓርቲ (ኅብረ ኢትዮጵያ) እና የኢትዮጵያውያን አገር አቀፍ ንቅናቄ ‹‹ኢሃን›› የተባሉ ሦስት የፖለቲካ ድርጅቶች፣ አገራዊ ህልውናን ማስጠበቅ በሚል አጀንዳ ላይ በጋራ ለመሥራት ያለመ የትብብር የመግባቢያ ሰነድ ተፈራረሙ፡፡

    ሦስቱ ፓርቲዎች የመግባቢያ ሰነዱን መፈረማቸውና አገራዊ አደጋን ለመታደግ ያለመ የጋራ ሥራ ለማከናወን መወሰናቸውን ያስታወቁት ማክሰኞ ታኅሳስ 21 ቀን 2012 ዓ.ም. በጋራ በሰጡት መግለጫ ወቅት ሲሆን፣ የትብብሩም ስያሜ ‹‹አብሮነት ለኢትዮጵያ ፌዴራላዊ አንድነት›› የሚል መሆኑን ገልጸዋል፡፡

    ‹‹በተለያዩ ፖሊሲዎችና ስትራቴጂዎች ዙሪያ በመካከላችን ያሉና የሚኖሩ ልዩነቶች እንደተጠበቁ ሆነው፣ የአገራችንን ህልውና መቀጠል በተመለከተ ግን አንድ የጋራ ኮሚቴ አቋቁመን በትብብር ለመሥራት ተስማምተናል፤›› በማለት አስታውቀዋል፡፡

    ነገር ግን የፖሊሲና የስትራቴጂ ልዩነቶች እያሉ በጋራ ለመሥራት እንዴት ይቻላል ተብሎ ለቀረበ ጥያቄ፣ ‹‹የአገርን ህልውና መታደግ የመጀመርያ ደረጃ የፖለቲካ ሥራ ነው፡፡ ከዚህ አንፃር የፖለቲካ አስተሳሰብና ልዩነት በሁለተኛ ደረጃ የሚመጣ ነገር ነው፡፡ መጀመርያ አገርን መታደግ አለብን፤›› ሲሉ የየፓርቲው ተወካዮች ተመሳሳይ ምላሽ ሰጥተዋል፡፡

    ከዚህ በተጨማሪም ፓርቲዎቹ የአገርን ህልውና በተመለከተ ተመሳሳይ አቋም ካላቸው ሌሎች ፓርቲዎች ጋር ቀጣይ ግንኙነት በመፍጠር፣ አሁን በሦስቱ የተጀመረው የአብሮነት ግንኙነት በሒደት የበለጠ ለማስፋትና ለማጠናከር መስማማታቸውን ገልጸዋል፡፡

    በሦስቱ የተጀመረው የአብሮነት ግንኙነት ዓላማን አስመልክቶ በተሰጠ ምላሽ ደግሞ፣ ‹‹በአሁኑ ወቅት ራሳቸውን በማሰባሰብ ለማጠናከር እየሞከሩ የሚገኙ የኮንፌዴሬሽን ኃይሎች፣ በአገሪቱ ህልውና ላይ ሊፈጥሩ የሚችሉትን አደጋ ለመቋቋም የሚያስችል አንድ ጠንካራና እውነተኛ የፌደራሊስቶች ጎራ በአገሪቱ መፍጠር፤›› መሆኑን ገልጸዋል፡፡

    መጪውን ምርጫ በተመለከተም፣ ‹‹መቼም ይካሄድ መቼ›› በአንድ የምርጫ ማኒፌስቶ፣ በጋራ ለመወዳደርና ምርጫውን ለማሸነፍ የሚያስችል ውይይትና ድርድር ለመጀመር መዘጋጀታቸውንም በመግለጫው ወቅት አስረድተዋል፡፡

    ፓርቲዎቹ በዋነኛነት ቅድሚያ የሚሰጡት አገራዊ ህልውናን መታደግ መሆኑን ገልጸው፣ ይህም ከማንኛውም ፖለቲካዊ እንቅስቃሴ በፊት ቅድሚያ ሊሰጠው የሚገባ ዓብይና ትኩረት የሚሻ አጀንዳ መሆኑን በመገንዘብ የመሠረቱት መሆኑንም ጠቁመዋል፡፡

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...