Thursday, August 18, 2022
ሌሎች ዓምዶች
    - Advertisement -
    - Advertisement -
    ስፓርትየዱባይ ማራቶንን የተቆጣጠሩት ኢትዮጵያውያን

    የዱባይ ማራቶንን የተቆጣጠሩት ኢትዮጵያውያን

    ቀን:

    በዓለም አቀፉ የአትሌቲክስ ተቋም በብር ደረጃ የሚታወቀው ዱባይ ማራቶን ባለፈው ዓርብ ጥር 15 ቀን 2012 ዓ.ም. ንጋት ላይ ተከናውኗል፡፡ ኢትዮጵያውያኑ በሁለቱም ፆታ ያለ አንዳች ተቀናቃኝ አሸናፊ ሆነዋል፡፡ ለሽልማት የተዘጋጀው ገንዘብ አብዛኛው ለኢትዮጵያውያኑ ሆኗል፡፡

    በወንዶች ምድብ አሸናፊነቱን የጨበጠው ኢትዮጵያዊው ኦሊቃ አዱኛ ቢቂላ ሲሆን፣ ተከትለውት የገቡት ኬንያዊው ኢሪክ ኪፕሮኖ እና ኢትዮጵያዊው ፀዳት ደጀኔ ናቸው፡፡ ለ21ኛ ጊዜ የተካሄደውን ውድድር በቀዳሚነት ከፈጸሙት 11 ሯጮች አሥሩ ኢትዮጵያውያን ናቸው፡፡

    ሲጂቲኤን እንደዘገበው፣ ኦሊቃ ውድድሩን በ2፡06.15 በመፈጸምና ተቀናቃኙን ኪፕሮኖን በ0.02 ሰከንድ ልዩነት በመብለጥ የ100,000 ዶላር ተሸላሚ ለመሆን በቅቷል፡፡ ሦስተኛ የወጣው ፀዳት ደጀኔ የነሐስ የበቃውን 2፡06.18 በመፈጸም ነው፡፡ በተከታታይ እስከ 8ኛ የገቡት ሌንጮ ተስፋዬ፣ ይታያል አጥናፉ፣ ይሁንልኝ አዳነ፣ አይቼው ባንቲና ሰይፉ ቱራ ናቸው፡፡

    በሴቶች መካከል በተደረገው ተመሳሳይ ውድድር የቦስተን ማራቶን አሸናፊዋ ወርቅነሽ ደገፉ 2፡19.38፣ ጉተኒ ሾኔ 2፡20.11፣ ሔርጳ በዳኔ 2፡21.55 እስከ ሦስተኛ ሆነው ሲያጠናቅቁ፣ ትዕግስት አምባቸው፣ ደራ ዲዳ፣ ሐዊ ፈይሳ፣ ብዙነሽ ደባ፣ ኦብሴ አብደታ እስከ 8ኛ ተከታትለው መግባታቸው ታውቋል፡፡

    በሁለቱም ጾታ በኢትዮጵያውያን የበላይነት የተጠናቀቀው የዘንድሮው ዱባይ ማራቶን ከአሸናፊዎቹ ጀምሮ እስከ ደረጃው አትሌቶቹ የገቡበት ሰዓት ከመቸውም ጊዜ ያነሰ መሆኑ ታውቋል፡፡

    ከፍተኛ ሽልማት ከሚያስገኙ የጎዳና ላይ ውድድሮች ዱባይ ማራቶን ይጠቀሳል፡፡ በዩናይትድ ዓረብ ኢምሬት ስፖርት ካውንስል ይሁንታ ያገኘው እ.ኤ.አ በ2009 ሲሆን፣ ለአሸናፊዎች እስከ አንድ ሚሊዮን ዶላር በመመደብ ቀዳሚ ስለመሆኑ ጭምር ይነገርለታል፡፡          

    ተወዳዳሪ አትሌቶችን ያለምንም ቅድመ ሁኔታ በማሳተፍ የሚታወቀው ዱባይ ማራቶን፣ አብዛኛው ጊዜ ታላላቅና ዕውቅና ያላቸው አትሌቶች ሲሳተፉበት አይስተዋልም፡፡ የዘርፉ ሙያተኞች ስለዚሁ ጉዳይ ሲናገሩ፣ የዱባይ ማራቶን ከታላላቆቹ ማለትም በወርቅ ደረጃ ከሚታወቁት ለንደን፣ በርሊን፣ ቦስተንና የመሳሰሉት ማራቶኖች ልዩ የሚያደርገው ከውድድር በፊት የሚከፍለው ምንም ዓይነት ክፍያ የሌለው መሆኑ ነው፡፡

    በወርቅ ደረጃ የሚደረጉ ብዙዎች ውድድሮች ለተሳትፎ የሚከፍሉት ክፍያ ስለሚኖር በዛው ልክ የተወዳዳሪዎቹ አቅምና ዕውቅናም ግምት ውስጥ የሚገባ በመሆኑ ማንኛውም አትሌት ገብቶ መወዳደር የሚችልበት ዕድል እንደማይኖረው ጭምር አስተያየት ሰጪዎቹ ያክላሉ፡፡ ብዙ ጊዜ በዓመታዊ ዱባይ ማራቶን ላይ ኬንያውያኑን ጨምሮ ትልቅ ስምና ዝና ያላቸው አትሌቶች ሲሳተፉ የማይታየው በዚህ ምክንያት እንደሆነም የሚናገሩ አሉ፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...