Monday, August 15, 2022
ሌሎች ዓምዶች
    - Advertisement -
    - Advertisement -
    ዜናአስቸኳይ ጊዜ አዋጁ የግል ንብረት መውሰድን በሚመለከት ለመንግሥት የሰጠው ሥልጣን የተለጠጠ በመሆኑ...

    አስቸኳይ ጊዜ አዋጁ የግል ንብረት መውሰድን በሚመለከት ለመንግሥት የሰጠው ሥልጣን የተለጠጠ በመሆኑ እንዲሻሻል የሰብዓዊ መብት ኮሚሽን ጠየቀ

    ቀን:

    በአዋጁ ጊዜ አዋጁ ማስፈጸሚያ ደንብ ሁሉም ጥፋቶች ተመሳሳይ ቅጣት መጣሉም ተገቢ አይደለም ብሏል

    የኢትዮጵያ ሰብዓዊ መብቶች ኮሚሽን የአስቸኳይ ጊዜ አዋጁና ማስፈጸሚያ ደንቡ የተወሰኑ ድንጋጌዎች ከሰብዓዊ መብቶች መርሆችና ከኢትዮጵያም ነባራዊ ሁኔታዎች አንጻር ሥጋት የሚፈጥሩ በመሆናቸው ማሻሻያ ሊደረግባቸው ይገባል ያላቸውን ድንጋጌዎች በመለየትና ምክንያታዊ ትንታኔ በማከል ለሕዝብ ይፋ አደረገ።

    ኮሚሽኑ ሥጋት ናቸው ያላቸው ድንጋጌዎችን በመለየትና የሕግ ጥሰት ባህሪያቸውን በመተንተን እንዲሻሻሉ ሲል ምክረ ሐሳቡን ለመንግሥት አቅርቦ የነበረ ቢሆንምየአስቸኳይ ጊዜ አዋጁ አስፈጻሚ የሚንስትሮች ኮሚቴ ምክረ ሐሳቦቹን እንደማይቀበል በፌዴራል ጠቅላይ ዓቃቤ ሕግ በኩል ለኮሚሽኑ ሰሞኑን በጽሑፍ አሳውቋል።

    ይህንንም ተከትሎመብት ጥሰት ሊያስከትሉ ይችላሉ ያላቸው ድንጋጌዎች ላይ ዝርዝር የሕግ ትንታኔና ምክረ ሐሳቦቹን ኮሚሽኑ ይፋ አድርጓል።

    ኮሚሽኑ የመብት ጥሰት ሊያስከትሉ ይችላሉ ብሎ ከለያቸው የአስቸኳይ ጊዜ አዋጁናማስፈጸሚያ ደንቡ ድንጋጌዎች መካከል የሚከተሉት ሥጋቶች በጥቅሉ ቀርበዋል።

    የአስቸኳይ ጊዜ አዋጁ ማስፈጸሚያ ደንብ ከወንጀል ሕግ መርህ ውጪ በተለጠጠና ሰፋ ባለ መልኩ ሊተረጎሙ የሚችሉ የወንጀል ጥፋቶችንና ክልከላዎችን የያዘ መሆኑ፣ በዓይነትና ክብደታቸው ሰፊ ልዩነት ላላቸው የተለያዩ ጥፋቶችንና አነስተኛ የደንብ መተላለፎች ጭምርአንድ ዓይነት እስከ 3 ዓመት የሚደርስ እስራት ወይም እስከ ብር 200,000 የሚደርስ የገንዘብ ቅጣት መደንገጉ እንዲሁምየኮቪድ-19 ወረርሽኝን በሚመለከት የግላዊነት ሕይወት መብትን፣ የኮቪድ-19 ታማሚዎችን ለግል ሚስጥርና ለመብት ጥሰት ተጋላጭ የሆኑ የኅብረተሰብ ክፍሎችን ሊጎዱና ለመድልዎ ሊዳርጉ የሚችሉ በአብዛኛው ቀጪና ወንጀል ተኮር የሆኑ አካሄዶችን የተከተለ መሆኑ በቀዳሚነት ተጠቅሰዋል።

    በተጨማሪም አዋጁ ለወረርሽኙ የመከላከል ሥራ የግል ንብረት መውሰድን በሚመለከት ለመንግሥት የሰጠው ሥልጣን ሰፊ መሆኑ ለመብት ጥሰት የሚዳርግና ባለንብረቶች ላይ የተለጠጠ ግዴታን የሚጥል መሆኑ፣ በደንቡ ላይ ከተቀመጡት ድንጋጌዎች መካከል በመናገርና በሚድያ ነፃነት ላይ በጥብቅ አስፈላጊና ተመጣጣኝ ከሆነው በላይ አሉታዊ ጫና የሚያሳድሩ ድንጋጌዎች መካተታቸው፣ የወንጀለኛ መቅጫ ሥነ ሥርዓት ሕግና በሌሎችም ሕጎች የተመለከቱ የወንጀል ሥነ ሥርዓት ድንጋጌዎች በአስቸኳይ ጊዜ አዋጁ ወቅት በደምሳሳው መታገዳቸው ተገቢ ባለመሆኑ ማሻሻያ እንዲደረግባቸው ኮሚሽኑ ጥያቄ ያቀረበባቸው ድንጋጌዎች ነበሩ።

    በማስፈጸሚያ ደንቡ ድንጋጌ መሠረት የፍትሐ ብሔር ጉዳዮች ሙሉ በሙሉ ወይም በከፊል ሊታገዱ የሚችሉበት ሁኔታ መኖሩ፣ የእስረኞችን ጉብኝት በሚመለከት ጠቅላላ ክልከላ መቀመጡ፣ የንግድ ነፃነት ላይ ተመጣጣኝ ያልሆነ ጫና የሚጥሉ ድንጋጌዎች በደንቡ መካተታቸው ተገቢ አለመሆኑን ጠቅሶ ማሻሻያ ጠይቆባቸው ነበር፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...