Thursday, August 18, 2022
ሌሎች ዓምዶች
    - Advertisement -
    - Advertisement -
    ዜናየአመራሮቹ መታሰር ፓርቲውን ለመሰረዝ ያለመ መሆኑን ባልደራስ አስታወቀ

    የአመራሮቹ መታሰር ፓርቲውን ለመሰረዝ ያለመ መሆኑን ባልደራስ አስታወቀ

    ቀን:

    የድምፃዊ ሃጫሉ ሁንዴሳ ሕልፈተ ሕይወትን ተከትሎ እየተወሰደ ያለው ዕርምጃ ዋነኛ ዓላማ ሰላማዊ የፖለቲካ ትግል በማካሄድ ላይ የሚገኘውን የባልደራስ ለእውነተኛ ዴሞክራሲ ፓርቲን (ባልደራስ)፣ ምዝገባ ለመሰረዝና በመጪው ምርጫ ላይ እንዳይወዳደር ለማድረግ ያለመ መሆኑን ፓርቲው አስታወቀ፡፡

    ባልደራስ ይህን አቋሙን ይፋ ያደረገው ረቡዕ ሐምሌ 8 ቀን 2012 ዓ.ም. ‹‹ሊበሏት ያሰቧትን አሞራ ጅግር ናት ይሏታል›› በሚል ርዕስ ባወጣው መግለጫ አማካይነት ሲሆን፣ ‹‹ከሰሞኑ አሰቃቂ ድርጊት ጋር በተያያዘ ገዥው ፓርቲ የፖለቲካ መግለጫ ከመስጠት ባለፈ በኦነግ ሸኔና በሕወሓት ላይ ሕጋዊ ክስ አልመሠረተም፡፡ ፍላጎት ያለውም አይመስልም፤›› በማለት፣ ዕርምጃው የፓርቲው ሕጋዊ ህልውና ላይ የተሰነዘረ በትር እንደሆነ በመግለጽ መንግሥትን ኮንኗል፡፡

    ‹‹በተለይ በግፍ የታሰሩ አመራሮቻችንና አባሎቻችን ላይ ፍርድ ቤት ከመቅረባቸው በፊት በአገዛዙ መሪዎች በተለያዩ ጊዜ ውንጀላ እየተካሄደባቸው ይገኛል፤›› ያለው ፓርቲው፣ ‹‹እየተሻሻለ ነው በሚባልበት የፍትሕ ሥርዓት ውስጥ ልክ እንደ ሕወሓት/ኢሕአዴግ ዘመን ከተሟላ የፍርድ ሒደት በፊት በፖለቲካ ውሳኔ የዳኝነት ነፃነት እየተገፈፈ ነው፤›› ሲል ተቃውሞውን አሰምቷል፡፡

    በድምፃዊ ሃጫሉ ሁንዴሳ የተፈጸመውን ግድያ፣ ‹‹እኩይና ማንኛውም ሰብዓዊ ፍጡር ሊያወግዘው የሚገባ›› በማለት የገለጸው ባልደራስ፣ ለችግሩ መፍትሔም ሁሉም ኢትዮጵያዊያን ሊመክሩበት የሚገባ መሆኑንም ጠቁሟል፡፡

    ከዚህ በተቃራኒው ግን፣ ‹‹አጋጣሚውን በመጠቀም ለሰላም፣ ለፍትሕ፣ ለአንድነትና ለእኩልነት ሲታገሉ የነበሩና እየታገሉ ያሉ የቁርጥ ቀን ኢትዮጵያውያንን አንገት ለማስደፋት በገዥው ፓርቲ እየተወሰደ ያለው ዕርምጃ እጅግ የሚያሳፍርና የሚያሳዝን ነው፤›› ብሏል፡፡

    ለዚህም ፓርቲው እንደ ማሳያነት በመንግሥት ሐምሌ 6 ቀን 2012 ዓ.ም. የተሰጠውን መግለጫ የጠቀሰ ሲሆን፣ ‹‹በተሰጠው መግለጫ ላይ በሰላማዊና በሕጋዊ መንገድ በመሥራት ላይ የሚገኘውን ባልደራስ ፓርቲ፣ ከሌሎች የኢትዮጵያ ጠላቶች ጋር ደምሮ ለመክሰስ የሄደበት መንገድ አመላካች ነው፤›› በማለት ገልጾታል፡፡

    በመሆኑም በባልደራስ ላይ የደረሰው የስም ማጥፋት በአስቸኳይ ማስተባበያ እንዲሰጥበት በመጠየቅ፣ ይህ ሳይሆን ቢቀር ግን አቤቱታውን ወደ ፍርድ ቤት በማቅረብ በሕግ የሚጠይቅ መሆኑን አስታውቋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...