Tuesday, August 16, 2022
ሌሎች ዓምዶች
    - Advertisement -
    - Advertisement -
    ማኅበራዊበወጪና ገቢ ትራንስፖርት አገልግሎት ዘርፍ አምስት ሚሊዮን ሜትሪክ ቶን ዕቃ መጓጓዙ ተገለጸ

    በወጪና ገቢ ትራንስፖርት አገልግሎት ዘርፍ አምስት ሚሊዮን ሜትሪክ ቶን ዕቃ መጓጓዙ ተገለጸ

    ቀን:

    ባለፉት ሦስት ወራት ወይም ሩብ በጀት ዓመት በወጪና ገቢ ትራንስፖርት አልግሎት ዘርፍ አምስት ሚሊዮን ሜትሪክ ቶን ዕቃ ማጓጓዝ መቻሉን የትራንስፖርት ሚኒስቴር አስታወቀ፡፡

    የትራንስፖርት ሚኒስትሯ ወ/ሮ ዳግማዊት ሞገስ ዓርብ ጥቅምት 6 ቀን 2013 ዓ.ም. የሚኒስቴር መሥሪያ ቤታቸውንና የተጠሪ ተቋማትን የሩብ ዓመት የሥራ ክንውን በተመለከተ በሰጡት መግላጫ እንዳብራሩት፣ በመጀመርያው ሩብ ዓመት በወጪና ገቢ የትራንስፖርት አገልግሎት ዘርፍ አምስት ሚሊዮን ሜትሪክ ቶን የሚሆን ዕቃ ተጓጉዟል፡፡

    በዚህ አጠቃላይ የሥራ እንቅስቃሴ ከጂቡቲ ወደብ ወደ አገር ውስጥ እንዲጓጓዙ የተደረጉት ፉርጎዎች ይገኙበታል ብለዋል፡፡

    ንብረትነታቸው የኢትዮጵያ ምድር ባቡር ኮርፖሬሽን የሆኑና ከቻይና ኩባንያ የተገዙ 200 የባቡር ፉርጎዎች ግዥ ከተፈጸመባቸው ከአምስት ዓመት በኋላ፣ ሙሉ ለሙሉ ወደ ጂቡቲ ወደብ ከዚያም ወደ ኢትዮጵያ እንዲጓጓዙ መደረጋቸውንም ሚኒስትሯ ተናግረዋል፡፡

    በተያዘው በጀት ዓመት ሚኒስቴር መሥሪያ ቤቱ ሊያከናውናቸው በዕቅድ ከያዛቸው ዋና ዋና ተግባራት ውስጥ፣ ከአምስት ዓመት በፊት የተገዙ የባቡር ፉርጎዎችን ሙሉ ለሙሉ ከቻይና ወደ ኢትዮጵያ ማጓጓዝን የተመለከተው እንደሚገኝበት ጨምረው አስረድተዋል፡፡

    በዚህ መሠረት ባለፉት  ወራት ብቻ ፉርጎዎችን ሙሉ ለሙሉ ከቻይና ወደ ጂቡቲ ወደብ፣ ከዚያም ወደ አገር ውስጥ እንዲጓጓዙ መደረጉ አንዱ ስኬት መሆኑን ሚኒስትሯ አመልክተዋል፡፡

    ጂቡቲ ወደብ ከደረሱት 200 ፉርጎዎች ውስጥ 159 አገር ቤት የገቡ መሆኑን፣ ቀሪዎቹ 41 ፉርጎዎች በቅርቡ ከወደብ በማንሳት ወደ አገር ውስጥ እንደሚገቡ ይጠበቃል ብለዋል፡፡ ሚኒስትሯ የጠቀሷቸው ፉርጎዎች ግዥ ከተፈጸመባቸው በኋላ ለምን ይህን ያህል ጊዜ ሊቆዩ እንደቻሉ፣ ለምንስ በወቅቱ ወደ አገር ቤት እንዲገቡ እንዳልተደረገ፣ በቆይታቸው ወቅትስ ምን ያህል ተጨማሪ ወጪ በአገሪቱ ላይ ስለማስተካከላቸው፣ እንዲሁም ለግዥ የወጣባቸውን ወጪ በተመለከተ ዝርዝር ማብራሪያ አልሰጡም፡፡

    ነገር ግን ፉርጎዎቹ የባቡር ትራንስፖርት ዘርፉ በአገሪቱ ውስጥ ያለውን የትራንስፖርት አገልግሎት በማገዝ፣ ድርሻውን ለማስፋት ታስቦ መገዛታቸውን ጠቁመዋል፡፡

    በተያያዘም በተጠቀሰው አጠቃላይ ሩብ ዓመት የወጪና ገቢ ዕቃ የማጓጓዝ  ድርሻ በተመለከተ 96 በመቶ የሚሆነው ዕቃ በጂቡቲ ወደብ በኩል የተከናወነ መሆኑን፣ ቀሪዎቹን ድርሻ የያዙት ዘንድሮ ለመጀመርያ ጊዜ ወደ ሥራ የገባው የታጁራ ወደብና የሱዳን ወደብ መሆናቸውን ሚኒስትሯ ገልጸዋል፡፡ የሁለቱ ወደቦች በመቶኛ ያላቸው ድርሻም በተመለከተ 0.2 እና 0.7 ከመቶ መሆኑን ሚኒስትሯ ጨምረው አስረድተዋል፡፡

    ከባቡር መሠረተ ልማት ጋር በተያያዘ ከአዋሽ-ኮምቦልቻ፣ ከሃራ ገበያ-መቀሌ የሚገነቡትን የሁለቱን ፕሮጀክቶች እንቅስቃሴ በተመለከተ ሚኒስትሯ ግንባታዎቹ ያሉበት ደረጃ አመልክተዋል፡፡

    እንደ ሚኒስትሯ ማብራሪያ በመጀመርያ ምዕራፍ ላይ የሚገኘው የአዋሽ-ኮምቦልቻ ፕሮጀክት የኮሮና ወረርሽኝ በፈጠረው ጫና ምክንያት በሩብ ዓመቱ ብዙም ፈቅ ያለ ዕድገት አላሳየም፡፡ ቀድሞ በነበረበት 91.88 በመቶ ላይ ይገኛል ብለዋል፡፡ በተነፃፃሪ የሃራ ገበያ-መቀሌ ፕሮጀክት የተሻለ ዕድገት ያሳየ መሆኑን፣ በሩብ ዓመቱ በተከናወነው ጥረት ቀደም ብሎ ከነበረበት ደረጃ አሁን በሁለት በመቶ ከፍ እንዲል ተደርጓል ብለዋል፡፡ ለዚህም ሲባል ግንባታውን ለሚያከናውነው ኮንትራክተር 1.5 ቢሊዮን ብር እንዲከፈል በመደረጉ፣ ቀደም ብሎ ከነበረበት 55 በመቶ ወደ 57.12 በመቶ ማድረጉን ሚኒስትሯ ገልጸዋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...