Monday, August 15, 2022
ሌሎች ዓምዶች
    - ማስታወቂያ -
    - ማስታወቂያ -

    በአፍሪካ በዓመት 88.6 ቢሊዮን ዶላር ሀብት በሕገወጥ መንገድ እንደሚሸሽ የተመድ ጥናት አመለከተ

    - ማስታወቂያ -

    ተዛማጅ ፅሁፎች

    የአፍሪካ አገሮች በየዓመቱ 88.6 ቢሊዮን ዶላር ሀብታቸው በሕገወጥ መንገድ ከአፍሪካ ውጭ ወዳሉ አገሮች እንደሚሸሽ፣ የተባበሩት መንግሥታት ድርጅት (ተመድ) የንግድና ልማት ጉባዔ ይፋ ያደረገው ጥናት አመለከተ፡፡

    የተመድ የንግድና ልማት ጉባዔ ባለፈው ሳምንት ይፋ ባደረገው ጥናት ‹‹ሕገወጥ የገንዘብ ሽሽት በአፍሪካና የአኅጉሪቷ ቀጣይ ልማት›› የሚል የዳሰሳ ጥናት እ.ኤ.አ. ከ2013 እስከ 2015 ባሉት ጊዜያት ያለውን ሕገወጥ የገንዘብ ሽሽት መሠረት በማድረግ፣ በአኅጉሪቱ ያሉ አገሮች በድምሩ 88.6 ቢሊዮን ዶላር ሀብታቸው ወደ ሌሎች አገሮች እንደሚሸሽ አመልክቷል፡፡

    ይህ የሀብት መጠን የአኅጉሪቱን አጠቃላይ ዓመታዊ ምርት (GDP) 3.7 በመቶ እንደሚያህል የገለጸው ሪፖርቱ፣ የአፍሪካ አገሮች በአጠቃላይ ጥናቱ በተካሄደባቸው ሦስት ዓመታት ያገኙትን 48 ቢሊዮን ዶላር የልማት ዕርዳታና 54 ቢሊዮን ዶላር ፈሰስ የተደረገ የውጭ ኢንቨስትመንት ድምር ጋር እኩሌታ እንዳለው አመልክቷል፡፡

    በአገሪቱ ሀብት ወደ ውጭ የሚሸሸው በንግድ ማጭበርበርና በታክስ ሥወራ መሆኑን ያመለከተው ጥናቱ፣ አዲስ በተገኘው የጥናት ውጤት በየዓመቱ ይሸሻል ከተባለው 88.6 ቢሊዮን ዶላር ሀብት ውስጥ 40 ቢሊዮን ዶላሩ ከአኅጉሪቱ የማዕድን ዘርፍ ንግድ ላይ በተፈጸመ ማጭበርበር የሸሸ ሀብት መሆኑን አስታውቋል፡፡

    ጥናቱ እንደሚያመለክተው፣ እ.ኤ.አ. ከ2000 እስከ 2015 ድረስ ባሉት 15 ዓመታት ውስጥ ከአፍሪካ አኅጉር የሸሸው የሀብት መጠን 83.6 ቢሊዮን ዶላር ሲሆን፣ ይህ የሀብት መጠን አኅጉሩ እ.ኤ.አ. በ2018 ከተመዘገበበት 770 ቢሊዮን ዶላር የውጭ ዕዳ መጠን ጋር ተነፃፅሮ ሲጣጣ አኅጉሪቱ የተቀረውን ዓለም አበድራለች ማለት እንደማይቻል አመላክቷል፡፡

    ከአኅጉሪቱ የማዕድን ዘርፍ በዓመት ተጭበርብሮ ከሚወጣው 40 ቢሊዮን ዶላር ውስጥ 77 በመቶ የሚሆነው በወርቅ ማዕድን ንግድ ላይ በማድረግ ማጭበርበር የሚፈጽም መሆኑን አመላክቷል፡፡

    ከተጠቀሰው 88.6 ቢሊዮን ዶላር ውስጥ በዓመት 41 ቢሊዮን ዶላር በማጣት ናይጀሪያ ግንባር ቀደም ስትሆን፣ ግብፅ 17 ቢሊዮን ዶላር በማጣት በሁለተኛ ደረጃ ላይ ስትገኝ፣ ደቡብ አፍሪካ ደግሞ 14 ቢሊዮን ዶላር በማጣት ሦስተኛ ደረጃ ላይ እንደምትገኝ ጥናቱ ያብራራል፡፡

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች