Tuesday, August 16, 2022
ሌሎች ዓምዶች
    - ማስታወቂያ -
    - ማስታወቂያ -

    የአውስትራሊያው ኩባንያ በኢትዮጵያ የኃይል ማመንጨት ዘርፍ አሥር ቢሊዮን ዶላር ኢንቨስት ለማድረግ ተስማማ

    - ማስታወቂያ -

    ተዛማጅ ፅሁፎች

    የአውስትራሊያው ቢሊየነር ኩባንያ ፎርትስኪዩ ፊውቸር ሜታል ግሩፕ አካል የሆነው ፎርትስኪዩ ፊውቸር ኢንዱስትሪ፣ በኢትዮጰያ ታዳሽ ኃይል ለማመንጨት የሚያስችለውን ቅድመ ስምምነት ተፈራረመ፡፡

    በዓለም አቀፍ ደረጃ የማዕድናት ማግኔት በሚል ተቀጥላ ስያሜ የሚታወቀው ፎርትስኪዩ ፊውቸር ሜታል ግሩፕ አካል የሆነው ፍርትስኪዩ ፊውቸር ኢንዱስትሪስ፣ በኢትዮጵያ የታዳሽ ኤልክትሪክ ኃይል ዘርፍ አሥር ቢሊዮን ዶላር ኢንቨስት ለማድረግ ፍላጎቱን ለኢትዮጵያ መንግሥት ባለፈው መስከረም ወር 2013 ዓ.ም. ካሳወቀ በኋላ፣ ወደ ተግባር ለመግባት የሚያስችለውን ስምምነት ጥቅምት 19 ቀን 2013 ዓ.ም. መፈረሙ ታውቋል፡፡ ወደ ኢንቨስትመንት የሚያስገባው ቅድመ ስምምነት ከመፈረሙ አስቀድሞ ድርጅቱ ወዳለው አዲስ አበባ የመጡ ከፍተኛ የልዑካን ቡድን አባላት ከኢትዮጵያ መንግሥት ተወካዮች ጋር ከአንድ ሳምንት በላይ የፈጀ ድርድር አድርገዋል፡፡

    የኢትዮጵያ መንግሥትን በመወከል በድርድሩና የስምምነት ረቂቁ ሰነድ በማሰናዳት የተሳተፉት የገንዘብ ሚኒስትሩ አቶ አህመድ ሽዴ፣ የውኃ መስኖና ኢነርጂ ሚኒስትሩ ስለሺ በቀለ (ዶ/ር)፣ የማዕድንና ነዳጅ ሚኒስትሩ ታከለ ኡማ (ኢንጂነር)፣ እንዲሁም የፌዴራል ጠቅላይ ዓቃቤ ሕግ የሕግ ባለሙያዎች መሳተፋቸውን ሪፖርተር ያገኘው መረጃ ያመለክታል፡፡

    ከሳምንት በላይ ከፈጀው ድርድር በተጨማሪ ኩባንያውን የወከሉት ልዑካን የመስክ ጉብኝት ማድረጋቸውም ታውቋል፡፡ በመጨረሻም ኩባንያውና መንግሥት ኢንቨስትመንቱን ለማስጀመር የሚያስችል ቅድመ ስምምነት የተፈራረመ ሲሆን፣ በኢትዮጵያ በኩል ስምምነቱን የፈረሙት የገንዘብ ሚኒስትሩ አቶ አህመድ ሽዴ ናቸው፡፡

    በስምምነቱ ከተገለጹ ይዘቶች መካከልም ኩባንያው ለማካሄድ ያሰበውን ኢንቨስትመንት የተመለከተ በኢትዮጵያ የአዋጭነት ጥናት እንዲያካሂድ የሚል ይገኝበታል፡፡

    ኩባንያው 25 ጊጋ ዋት የኤሌክትሪክ ኃይል ከውኃና የከርሰ ምድር እንፋሎት (ጂኦተርማል) ለማመንጨት ያቀደ ሲሆን፣ ከዚህ ውስጥ 15 ጊጋ ዋት የሚሆነው ከውኃ ኃይል ሲሆን የተቀረው አሥር ጊጋ ዋት ኃይል ደግሞ ከጂኦተርማል ምንጭ መሆኑ ታውቋል፡፡

    የኩባንያው መሥራችና ከፊል ባለቤት አውስትራሊያ አንድሪው ፎረስት ሲሆኑ ግለሰቡ የተጣራ ሀብት እንደ እ.ኤ.አ. 2020፣14 ቢሊዮን ዶላር መሆኑን መረጃዎች ያመለክታሉ፡፡

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች