Saturday, August 13, 2022
ሌሎች ዓምዶች
    - Advertisement -
    - Advertisement -
    ማኅበራዊበትግራይ 2.5 ሚሊዮን ሕዝብ ለመርዳት በቂ ዝግጅት መደረጉ ተገለጸ

    በትግራይ 2.5 ሚሊዮን ሕዝብ ለመርዳት በቂ ዝግጅት መደረጉ ተገለጸ

    ቀን:

    በትግራይ ክልል ለ2.5 ሚሊዮን ሕዝብ የሰብዓዊ ዕርዳታ ለማቅረብ በቂ ዝግጅት ማድረጉን ብሔራዊ የአደጋ ሥጋት ሥራ አመራር ኮሚሽን አስታወቀ፡፡

    ኮሚሽነሩ አቶ ምትኩ ካሳ ጥር 13 ቀን 2013 ዓ.ም. በሰጡት ጋዜጣዊ መግለጫ፣  ከተጠቀሰው አኀዝ ውስጥ 700 ሺው በክልሉ በነበረው ሕግማስከበር ሥራ ሰብዓዊ ቀውስ ገጥሟቸዋል ተብሎ የተገመቱትን ያካተተ መሆኑን ገልጸዋል፡፡

    እንደ መግለጫው፣ የሰብዓዊ ዕርዳታ የሚደረግላቸው 1.8 ሚሊዮን ዜጎች ከሕግ ማስከበር ዕርምጃ በፊት የነበረ ቁጥር ሲሆን፣ 1.1 ሚሊዮን የልማታዊ ሴፍቲኔት ተጠቃሚ፣ 500 ሺሕ የዕለት ተደራሽ ዕርዳታ የሚያስፈልጋቸው፣ 110 ሺሕ ደግሞ ቀደም ብሎ ከተለያዩ አገሪቱ ክፍሎች በነበረው ግጭት የተፈናቀሉ ዜጎች ናቸው፡፡

    ተጨማሪ ቁጥር ያላቸው ዜጎች ከሕግ ማስከበር ጋር ተያይዞ የተፈናቀሉ ካሉ ለመለየት ከፌዴራልና አጋር አካላት የተውጣጣ ቡድን እየተንቀሳቀሰ እንደሚገኝም ኮሚሽነሩ ገልጸዋል፡፡

    አቶ ምትኩ እንዳሉት፣ ከአምስት ዓመት በታች ላሉ ሕፃናት፣ ለነፍሰ ጡር እናቶችና ለአካል ጉዳተኞችና ለሕሙማን አስቸኳይ ዕርዳታውን ተደራሽ ለማድረግ አየር ኃይል ጋር በጥምር እየተሠራ ይገኛል፡፡

    እንደ ኮሚሽኑ መግለጫ በተለያዩ መጋዘኖች 311,526 ኩንታል የእህል ክምችት ያለ ሲሆን፣ 60 ሺሕ ኩንታል ዱቄት፣ 1.7 ሚሊዮን ሊትር የምግብ ዘይትና 173,200 ኩንታል ስንዴ፣ ከ51 ሺሕ ኩንታል በላይ አልሚ ምግብ እንዲሁም 28,480 አልባሳትን ጨምሮ የምግብ ማብሰያ ቁሳቁሶች ለተጎጂዎች ለማድረስ እየተሠራ ነው፡፡

    የሰብዓዊ ዕርዳታው ሙሉ ለሙሉ በመንግሥት ውጪ የተገኘ ሲሆን፣ በክልሉ በዞን፣ በወረዳና በ97 የምግብ ማሠራጫ ማዕከሎች አማካይነት ተደራሽ ለማድረግ ዝግጅቱ መጠናቀቁን ኮሚሽነሩ አስታውቀዋል፡፡

    በክልሉ የመልሶ ማቋቋም ሥራዎችን ለመሥራት እንዲቻል በሰላም ሚኒስቴር የሚመራ አስቸኳይ ጊዜ ምላሽ ማስተባበሪያ መቋቋሙን፣ ባለው ክምችት ከ2.5 ሚሊዮን በላይ ዜጎችን መመገብ የሚችል መሆኑን የጠቆሙት ኮሚሽነሩ በአቅርቦት ረገድ ክፍተት የለም ብለዋል፡፡

    በሌላ በኩል በቤኒሻንጉል ጉሙዝ ክልል በመተከል ዞን 97,613 ዜጎች መፈናቀላቸውን የገለጹት አቶ ምትኩ፣ ከፓዌ ወረዳ በስተቀር ሰባቱ ወረዳዎች ላይ መፈናቀሎች አሉ ብለዋል፡፡

    በመተከል ዞን ሰብዓዊ ዕርዳታዎችን ለማስተባበር የሚያስችል የአስቸኳይ ጊዜ ማዕከል በግልገል በለስ ከተማ መቋቋሙን የተናገሩት ኮሚሽነሩ፣ 51,408 ኩንታል ምግብ ነክና 281,480 አልባሳትን ጨምሮ  የማብሰያ ቁሳቁሶችን ድጋፍ መደረጉን ገልጸዋል።

    በአስቸኳይ ጊዜ ኮሚቴ አማካይነት ለተፈናቀሉ ዜጎች ሰብዓዊ ዕርዳታ እየደረሰ ሲሆን፣ ዳግም የመፈናቀል ሥጋት አለመኖር ሲረጋገጥ የመልሶ ማቋቋሙ ሥራ ይቀጥላል ተብሏል፡፡

     በአሁን ወቅት የወደሙ መሠረተ ልማቶችና የግል ንብረቶች እየተለዩ ሲሆን፣ የጉዳት መጠኑ ከታወቀ በኋላ የመልሶ ማቋቋሙ ሥራ እንደሚሠራ ኮሚሽኑ ጠቁሟል፡፡

    ሰብዓዊ ዕርዳታዎች በሚሰጡባቸው ቦታዎች የደኅንነት ሥጋት ያለባቸው ከሆነ ከፀጥታ ኃይል ጋር በመሆን ተገቢውን ዕርዳታ እንደሚያቀርብ ኮሚሽኑ ገልጿል፡፡  

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የታላቁ የኢትዮጵያ ህዳሴ ግድብ ሁለተኛው ተርባይን ኃይል ማመንጨት ጀመረ

    ሦስተኛ ዙር ሙሌት በዛሬው ዕለት እንደሚጠናቀቅ ይጠበቃል የታላቁ የኢትዮጵያ ህዳሴ...

    የክላስተር አደረጃጀት ፖለቲካዊ ውዝግብ

    መንግሥት የደቡብ ብሔር ብሔረሰቦችና ሕዝቦች ክልል ይባል የነበረውን አደረጃጀት...

    በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

    በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...