Tuesday, August 9, 2022
ሌሎች ዓምዶች
    - ማስታወቂያ -
    - ማስታወቂያ -

    ብሔራዊ ባንክ የጥሬ ገንዘብ እጥረት የለም አለ

    - ማስታወቂያ -

    ተዛማጅ ፅሁፎች

    የኢትዮጵያ ብሔራዊ ባንክ በአሁኑ ወቅት ምንም ዓይነት የጥሬ ገንዘብ እጥረት እንደሌለ አስታወቀ፡፡

    የብሔራዊ ባንክ ገዥ ይናገር ደሴ (ዶ/ር) ለሪፖርተር እንደተናገሩት፣ ሁሉም የግልና የመንግሥት ባንኮች የገንዘብ እጥረት ችግር የለባቸውም፡፡ የጥሬ ገንዘብ አቅርቦት ሲፈልጉም እየቀረበላቸው መሆኑን አስታውቀዋል፡፡

    በአሁኑ ጊዜ የጥሬ ገንዘብ እጥረት ችግር አለብኝ ብሎ ጥያቄ ያቀረበ ባንክ እንደሌለ የገለጹት ይናገር (ዶ/ር)፣ መንግሥት የገንዘብ ኖት ለውጥ በማድረጉ ምክንያት የባንኮች የጥሬ ገንዘብ ፈሰስ ተሻሽሏል ብለዋል፡፡

    መንግሥት በሳምንት ከአምስት ጊዜ በላይ ከአንድ የባንክ ሒሳብ ወደ ሌላ ሒሳብ ገንዘብ ማዘዋወር በመከልከሉ ሳቢያ፣ በአንዳንድ የንግድ ተቋማት ዘንድ ጥሬ ገንዘብ በካዝና ውስጥ የማስቀመጥ ዝንባሌ ታይቶ ነበር፡፡

    ይሁን እንጂ የብሔራዊ ባንክ ገዥው እንደተናገሩት፣ ጥሬ ገንዘብን የመደባለቅ ወይም ባንክ አለማስገባት የሚያሳዩ ምልክቶች ታይተዋል፡፡

    ‹‹በወሬ ደረጃ ወይም ይሆናል ከሚል ያለፈ ችግር የለም፤›› ያሉት ገዥው፣ ‹‹ጥሬ ገንዘብ ከባንክ ውጪ የማስቀመጥ እንቅስቃሴ መጨመሩን የሚያሳይ አኃዛዊ መረጃ የለም፤›› ሲሉ አስረድተዋል፡፡  

    በተያዘው በጀት መጀመርያ ስድስት ወራት ከስድስት ሚሊዮን በላይ የባንክ ሒሳብ አካውንቶች የተከፈቱ በመሆናቸው፣ 100 ቢሊዮን ብር ያህል ባንኮች ከቆጣቢዎች ሰብስበዋል። ይህም በባንኮች የተሰበሰበውን አጠቃላይ የቁጠባ መጠን ወደ 1.2 ትሪሊየን ብር ከፍ ማድረጉ ታውቋል፡፡

    ‹‹የቁጠባ መጨመርና ባለፈው በጀት ዓመት ያጋጠመው የጥሬ ገንዘብ እጥረት በድጋሚ አለመከሰቱ፣ ባንኮች የተሻለ ሁኔታ ላይ መኖራቸውን ማሳያ ነው፤›› ያሉት ይናገር (ዶ/ር)፣ ብሔራዊ ባንክ ተጨማሪ የጥሬ ገንዘብ ጥያቄ የሚቀርብ ከሆነ ለባንኮች  ለማቅረብ ዝግጁ መሆኑን ተናግረዋል፡፡

    ባለፈው በጀት ዓመት የግል ባንኮች የጥሬ ገንዘብ እጥረት ቀውስ ስላጋጠማቸው፣  ብሔራዊ ባንክ ከ33 ቢሊዮን ብር በላይ ድጋፍ (በብድር መልክ) ለባንኮች አቅርቦ የነበረ ሲሆን፣ አንዳንድ ባንኮችም ከሰበሰቡት ቁጠባ በላይ ብድር በመስጠታቸው ከፍተኛ ወቀሳ ተሰንዝሮባቸው እንደነበር አይዘነጋም፡፡

    ብሔራዊ ባንክ የባንኮችን የጥሬ ገንዘብ ሁኔታ ለማስተካከል የተለያዩ ዕርምጃዎችን ወስዷል፡፡ ከነዚህም መካከል የገንዘብ ኖቶች ቅየራ በዋነኝነት ይጠቀሳል፡፡ ይህንን ተከትሎ ከባንኮች ውጪ ሲንቀሳቀስ ከነበረው ከ100 ቢሊዮን ብር በላይ የሚሆን ገንዘብ ከግማሽ በላይ የሚሆነው መመለሱ ይነገራል፡፡

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች