Sunday, August 7, 2022
ሌሎች ዓምዶች
    - Advertisement -
    - Advertisement -
    ማኅበራዊበአዲስ አበበ በግማሽ ቢሊዮን ዶላር የካንሰር ልህቀት ማዕከል ሊገነባ ነው

    በአዲስ አበበ በግማሽ ቢሊዮን ዶላር የካንሰር ልህቀት ማዕከል ሊገነባ ነው

    ቀን:

    ከሥፍራው ለተነሱ ሰዎች የካሳ ክፍያ በሒደት ላይ ነው

    የምሥራቅ አፍሪካ በይነ መንግሥታት (ኢጋድ) በአዲስ አበባ ከተማ በ500 ሚሊዮን ዶላር ወጪ የካንሰር ልህቀት ማዕከል ሊገነባ መሆኑን አስታወቀ፡፡

    ማዕከሉ የካንሰር ጥናት፣ ምርምርና፣ ምርመራና ሕክምናና ሥልጠና ማዕከልን የያዘ ሲሆን፣ በዓለም አቀፍ ደረጃ ጥራቱን የጠበቀ የካንሰር ክብካቤ አገልግሎት ከሚሰጡ ተቋማት ውስጥ አንዱ ይሆናል ተብሏል፡፡

    የኢጋድ ቀጣናዊ የካንሰር የልህቀት ማዕከል በቦሌ ክፍለ ከተማ ወረዳ 13 በሃያ ሔክታር መሬት ላይ የሚገነባ ሲሆን፣ መሬቱን የከተማ አስተዳደሩ ከሊዝ ነፃ ሰጥቷል፡፡

    የኢጋድ ዋና ጸሐፊ ወርቅነህ ገበየሁ (ዶ/ር)፣ በ2005 ዓ.ም. ውጭ አገር በሚኖሩ የአባል አገሮቹ ዜጎች ሐሳብ ጠንሳሽነት የተወጠነ ማዕከል ከ230 ሚሊዮን በላይ ሕዝቦች በሚገኙበት ቀጣና ጉልህ ሚና ይኖረዋል ብለዋል፡፡

    ማዕከሉ በዋናነት በቀጣናው እየጨመረ ያለውን የካንሰር ሕመም፣ ተያያዥ ጉዳቶችን ለመቋቋምና ለመከላከል፣ ሥር ሳይሰድ ለማከም ብቁ ባለሙያዎችን ለማሠልጠን አልሟል፡፡

    በአዲስ አበበ በግማሽ

     

    የጤና ሚኒስትር ሊያ ታደሰ (ዶ/ር)፣ በኤችአይቪ ኤድስ፣ በወባና በቲቢ በሽታዎች የሚሞቱት ሰዎች ተደምረው በካንሰር የሚሞቱትን እንደማይበልጡ፣ የካንሰር በሽታ ያህል ሥር እየሰደደ በመሆኑ ሕክምናውን ማዘመንና ተደራሽነቱን ማስፋት እንደሚያስፈልግ ጠቁመዋል፡፡  

    በኢትዮጵያ ተላላፊ ካልሆኑ በሽታዎች ትልቁን ቁጥር የሚይዘው የካንሰር በሽታ ሲሆን፣ ትልቅ የኅብረተሰብ ጤና ችግር መሆኑን ዶ/ር ሊያ ተናግረዋል፡፡

    እ.ኤ.አ. 2040 በየዓመቱ ከ29 እስከ 37 ሚሊዮን ሰዎች በካንሰር ሊጠቁ እንደሚችሉ የዓለም የጤና ድርጅት ሪፖርት ማሳየቱን ጠቁመው፣ የኢጋድ ልህቀት ማዕከል በቀጣናው ለሚኖሩ ዜጎች ትልቅ አስተዋጽኦ አይኖረዋል ብለዋል፡፡

    ከሰሃራ በታች ያሉ አገሮች ላይ አሁን ካለው በካንሰር የሚያዙ ሰዎች ቁጥር እ.ኤ.አ. 2040 በኋላ በ85 በመቶ ከፍ እንደሚል ሪፖርቶች ያሳያሉ፡፡

    ለኢጋድ የካንሰር ልህቀት ማዕከል በሚገነባበት ቦሌ ክፍለ ከተማ በወረዳ 13፣ 352 አባወራዎች የተነሱ ሲሆን፣ የካሳ ክፍያቸውም በሒደት ላይ መሆኑን የወረዳው ምክትል ሥራ አስፈጻሚ አቶ ከፍያለው ከድር ለሪፖርተር ተናግረዋል፡፡    

    የልህቀት ማዕከሉ ለአባል አገሮቹ ዜጎች ከማገልገሉ በተጨማሪ፣ አዲስ አበባን የጤና ቱሪዝም መዳረሻ ለማድረግ እንደሚያስችል ተጠቁሟል፡፡

    የኢጋድ ዋና ጸሐፊ ወርቅነህ ገበየሁ (ዶ/ር)፣ የጤና ሚኒስትር ሊያ ታደሰ (ዶ/ር) እና የአዲስ አበባ ከተማ አስተዳደር ምክትል ከንቲባ ወ/ሮ አዳነች አቤቤ ሚያዝያ 11 ቀን 2013 ዓ.ም. ግንባታውን አስጀምረዋል፡፡

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...