Saturday, August 13, 2022
ሌሎች ዓምዶች
    - Advertisement -
    - Advertisement -
    ስፓርት​​​​​​​ለአንድ ቀን የተራዘመው የዓለም ወጣቶች አትሌቲክስ ሻምፒዮና ዛሬ ይጀመራል

    ​​​​​​​ለአንድ ቀን የተራዘመው የዓለም ወጣቶች አትሌቲክስ ሻምፒዮና ዛሬ ይጀመራል

    ቀን:

    የዓለም ከ20 ዓመት በታች አትሌቲክስ ሻምፒዮና በኬንያ አስተናጋጅነት ይካሄዳል፡፡ ከነሐሴ 12 እስከ 16 ቀን 2013 ዓ.ም. ድረስ በኬንያ ናይሮቢ ከተማ የሚከናወነው ሻምፒዮናው ላይ የሚሳተፈው የኢትዮጵያ ብሔራዊ ቡድን ወደ ሥፍራው አቅንቷል፡፡

    ኢትዮጵያ በሻምፒዮናው በ10 ወንድ እና 15 ሴት በአጠቃላይ በ25 ወጣት አትሌቶች ትወከላለች፡፡ ብሔራዊ ቡድኑ በሁለቱም ጾታ ከ400 ሜትር፣ 800፣ 1,500፣ በ3,000 መሰናክልና በ5,000 ሜትር ርቀቶች ላይ ይሳተፋል፡፡

    ከቶኪዮ ኦሊምፒክ መጠናቀቂያ ማግሥት ወደ ኬንያ ያቀናው ብሔራዊ ቡድኑ ለአንድ ወር መቀመጫውን ሆቴል አድርጎ ሲዘጋጅ መቆየቱ የተገለጸ ሲሆን፣ በሳምንት ለስድስት ቀናት በቀን ሁለት ጊዜ ዝግጀት ሲያደርግ መቀየቱ በጋዜጣዊ መግለጫው ተጠቅሷል፡፡

    የዓለም ከ20 ዓመት በታች (ወጣቶች) አትሌቲክስ ሻምፒዮና ከተጀመረበት እ.ኤ.አ. 1986 ጀምሮ በየሁለት ዓመቱ የሚካሄድ ሲሆን፣ የመምና የሜዳ ተግባራት ያካተተ ሻምፒዮና ነው፡፡ ኢትዮጵያ ባለፉት 17 ሻምፒዮናዎች ላይ ተሳትፎ አድርጋለች፡፡ ኢትዮጵያ በሻምፒዮናዎቹ በ37 ወርቅ፣ 32 ብርና 29 ነሐስ በድምሩ 98 ሜዳልያዎች ከዓለም አምስተኛ፣ እንዲሁም ከአፍሪካ ሁለተኛ ደረጃ ላይ ትገኛለች፡፡

    በዓለም ወጣቶች አትሌቲክስ ሻምፒዮና ኢትዮጵያን የሚወክለው የብሔራዊ ቡድን አባላት

    አገሮች በሻምፒዮናው ከመሳተፍም ባሻገር በርካታ ተተኪና አዳዲስ አትሌቶችን የሚያገኙበት መድረክ ነው፡፡ በርካታ ኢትዮጵያውያን አትሌቶችም ከዚህ ሻምፒዮና የተገኙ ሲሆን በዓለም አደባባይም የራሳቸውን ታሪክ ማኖር ችለዋል፡፡

    በወጣቶች ሻምፒዮና ላይ ከተገኙት መካከል አሰፋ መዝገቡ፣ ኃይሌ ገብረሥላሴ፣ አብርሃም ጨርቆሴ፣ መሠረት ደፋር፣ ገንዘቤ ዲባባን የመሳሰሉ አትሌቶች ድርብ ድል ከማምጣትም ባለፈ ክብረ ወሰን መስበር የቻሉ ናቸው፡፡

    ኢትዮጵያ ከተሳተፈችባችው ሻምፒዮናዎች መካከል በስድስተኛው (አውስትራሊያ ሲድኒ) እና በ16ኛው (ፖላንድ ድጎሽ) በዋናነት ይጠቀሳሉ፡፡

    የዶፒንግ እንዲሁም የኮቪድ-19 ምርመራዎቹን ማድረጉ የተገለጸው የኢትዮጵያ ብሔራዊ አትሌቲክስ ቡድን ጥሩ ውጤት እንደሚያመጣ ይገመታል፡፡

    ማክሰኞ ነሐሴ 11 ቀን 2013 ዓ.ም. እንደሚጀምር የተገለጸው ሻምፒዮናው ሎጄስቲክ በጊዜው ባለመሟላቱ ምክንያት ለአንድ ቀን ተራዝሞ ዛሬ እንደሚጀምር ተገልጿል፡፡

    በአጠቃላይ ከ117 አገሮችና ሁለት ቡድኖች (ፈቃድ ያላቸው ገለልተኛና ስደተኛ ሁለት ቡድኖች) የሚሳተፉበት ሻምፒዮናው 973 አትሌቶች በ44 የስፖርት ኩነቶች ይወዳደራሉ፡፡

    በሻምፒዮናው ስመ ጥር የሆኑት አገሮች ማለትም አሜሪካ፣ እንግሊዝ፣ ጀርመን፣ አውስትራሊያ፣ ቻይና፣ ጃፓን፣ ኒውዘላንድና ኖርዌይ አገሮች አይካፈሉም፡፡

    ኢትዮጵያ ከአትሌቲክሱ ባሻገር ሁለት ኢትዮጵያውያን ለመጀመርያ ጊዜ ሻምፒዮናውን ለመቅረፅ በቪዲዮ ሙያ ይሳተፋሉ፡፡ 

    የኢትዮጵያ ከ20 በታች (ወጣቶች) ብሔራዊ ልዑካን ቡድን፣ ሽኝት የተደረገለት፣ ቅዳሜ ነሐሴ 8 ቀን 2013 ዓ.ም. የኢትዮጵያ አትሌቲክስ ፌዴሬሽን ፕሬዚዳንት ደራርቱ ቱሉና ተቀዳሚ ምክትል ፕሬዚዳንቱን ገዛኸኝ አበራ ጨምሮ የሥራ አስፈጻሚዎች በተገኙበት ነው፡፡

     

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የታላቁ የኢትዮጵያ ህዳሴ ግድብ ሁለተኛው ተርባይን ኃይል ማመንጨት ጀመረ

    ሦስተኛ ዙር ሙሌት በዛሬው ዕለት እንደሚጠናቀቅ ይጠበቃል የታላቁ የኢትዮጵያ ህዳሴ...

    የክላስተር አደረጃጀት ፖለቲካዊ ውዝግብ

    መንግሥት የደቡብ ብሔር ብሔረሰቦችና ሕዝቦች ክልል ይባል የነበረውን አደረጃጀት...

    በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

    በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...